اطلعت من الحمام اعيونها منتفخات وجهه احمررر من البجي وشهگه بصدره
وهـم : شبيچ ليش تبچين
ــ ماكو شي
ــ لا اكو شي احچي
ــ ممچاوبه بالامتحان
ــ تردين تقنعيني انو تبچين بسبب الامتحان
ــ راح احچيلج بس عليج كلام الله بيني وبينج اريد احجي راح امووت
ــ شسمج ، احچيلي مراح يطلع ابد
ــ اسمي بدور ، حبيت شخص وثقيت بيه اخذ الي يريده وصورني وهسه يبتزني بصوري
ــ لججججج غبييههه شلوون تثقيننن بيهه شلوننن
ــ ماعرف شسوي والله ابوي يذبحني
ــ انطيني شكو معلومة عنه ، اعتبريهن محذوفات
ــ هاا لا عليج الله ينشرهن والقران ابوي يذبحني وال…
ــ اشش معليج ثقي بيهَ
ــ شراح تسوين
ــ انطيني معلومات عنه من اصغر شي الاكبر شي وانطيه ع مايه لا تخلينه يحس عليج ومعليج
ــ هاج رقمي بتلفون اطيج كلشي
ــ تمام اخابرج ونتفاهم
طلعت من الحمام وعيوني بگصتي دخلت للصف
المدرسه: كلتي ماطول وصارلج 15 دقيقه
اطلعي بره
بكل برود طلعت من صف
ومر اليوم ع خير اجهه الليل بعد مارست يومي طبيعي اتصلت ع البنت الي اسمها "بدور"
بدور : الوو ،منوو
ــ اني وهـم
ــ عبالي عفتيني متت گلبي وگع
چانت تحچي وتبچي
وهـم : خلاص خلاص عليمن هل بچي السالفه الي يتدخل بيها صنديد الاسكندر محلوله
