ليمت اغراضي حطيت الشال ع راسي وطلعت ورا الضابط سـهم
واني امشي التفت عليه ودار وجهه ورجع خنزر بيه استوعبت الشال طايح ع گتوفي بسرعه غطيت شعري وشمرت طرف شال ع گتفي غطه نص وجهي دار وجهه
الضابط سـهم: هاي سيارتي
ــ شكراً اني امشي مشي
ــ احنه جبناج احنه نردج صعدي بويه لا شلعين گلبي
ــ باوعتله بحده : شكراً اني ارو....
بعدني ممكمله اجاني اتصال من "حسن " اتجاهلت الضابط وفتحت الاتصال
وهـم : الوو حسن
ــ شلونج وهومه
ــ الحمدلله اكلك تعال اخذني اني بالمركز ****
ــ شكو شسوين هناك !؟؟؟
ـــ من تجي راح احجيلك بس ديرر بالك تجيب طاري الخالـد امانه امنتك
ــ صار هسه جايج
سديت الاتصال باوعت ع ضابط سـهم رافع تگ حاجب
ــ اذن ابقى يمچ علما يچيچ
ــ براحتك
جابلي كرسي شكرته وكعدت عليه سكتنا تقريباً 3 دقائق قاطع سگوتنا سؤالَ
ـــ يعني انتِ مُحجبه لو شنو فلمچ
ـــ لا اني مو مُحجبه
ــ لعد ليش تلبسن شال
ــ اني مالبس الشال اني بس احطه ع راسي اغطي بيه وجهي وشعري
ــ بالعاده الي مو مُحجبه ماتحجبت علمود جمال شعرها وجهه والمُحجبه تغطي جمال شعرها وجهه بالحجاب انتِ لا منا ولا منا تحيرين
ـــ زين اسألك سؤال
هز راسه بتسأل : اممم
ــ من طلعت من المركز ليش عاينتني هيج
حسيته توتر
ـــ اء لان عيونج صارن خضر وشعرج اصفر
ــ بالضبط هذه السبب الي احط الشال ع شعري حته اخفي هذه شي
باسلوب دلوع حجيت
ـــ ومااريد أوهم شخص بجمال عيوني
الضابط سـهم: هههههههههههه اسم ع مسما
ابتسمت ع ضحگته وحجيت : شلون ؟
