شالني اخذني للغرفه وطلع يركض جاب بطل عصير فتحه وشربني
شربنياه كله بديت اصحصح عليَ والخدر بده يفك عني وضباب راح شوي شوي جاب جهاز سكر قاس سكري
خالـد : امداني لج سكرج 125
حسيت روحه فرفحت طلع من الغرفه رجع جايب بيده عصاير وككاو
خالـد : هاج حبيبتي هاج باباتي اكلي خل يصعد سكرج
فتحلي قوطيه عصير اثناء مجاي اشرب بيه فتحلي ككاو اكلت من لگمتين
وهـم : بابا
ــ ها وهومه ها باباتي
ــ شبعت ماريد كافي
ــ جيبي ايدج اشوف اذا سكرج ماصعد مطره تاكلين
اخذ أبهامي نغزني اخذ مني قطره دم خلاها بشريحه الجهاز
صاعد صاير 200
وهـم : هاهيه كافي
ــ وه…
قاطعته من حجيت بطريقه ترجي
ــ ماريد والله شبعت بعد ماكدر
هزلي راسه بـ موافق
نزلت نفسي بفراشي ابتعد عني حته اخذ راحتي غطاني رجع گعد ع الگاع يمسح ع شعري وخدودي يباوعلي بزعل
ــ بابا خالـد تعاي نومني مثل قبل
ابتسملي اجهه عليَ نام بصفي دحست نفسي بحضنه امسح ع خدوده من توصل ايدي ع شواربه قبل لا يعض ايدي اوخرها
اضحك ويضحك ع ضحكتي
خالـد: اريد اعظج بس ادري بيج صايره حساسه تبجين بسرعه
ــ تخسي وتعگب بنت صمد اني شني ابجي أبجيكم ما ابجي
اول ما قوس حواجبه بعدين ضحك اخذ ايدي يعضعض بيهاا لزمت نفسي مااصيح توني مكابره شلون اصيح
خالـد : انتِ بنت صمد واني الاناني
ــ مو بنت صمد الي أجامل احجيها الك طك بطك
ــ وهومه
ــ ها بابا
ــ اني اسف حبيبتي اعذريني باباتي
ــ لا تتغير عليَ وعاملني مثل قبل بحنيتك واني مازعل منك
ــ يعني اعتذاري مامقبول
ــ هسه حالياً مقبول بس اذا عدتها تحلم اقبل اعتذارك
باسني بگصتي بحنيه ابتسملي ابتسامته الحلوه ابتسمت ع ابتسامته
خالـد : شتحسين هسه
ــ زينه
ــ گومي نتعشه
