فاتنة الآسر 🔞🔥

الفصل الأول : الماضي لا يدفن بل دائما يجد طريق عودته🍂 1

بقلب مكسور كتشوف فيها وعينيها محلولين بدون حركة ، كتشوف فصديقة عمرها ومحبوبة خوها غدراتها وغتتزوج بأكثر واحد بغاتو فهاذ الدنيا ، الوحيدة اللي عارفة قصة حبها اللي من طرف واحد لداك الشخص ،..

تقدمات بخطوات مكسورين ببصيص صغير من الأمل تقوليها غي برانك هادشي ماشي بصح ..

نطقات بين شفتيها اللي كيترعدو : إلييين انت كتكذبي ياك هادشي ماكاينش (قربات وشداتها من يديها كتتوسلها تقوليها غي كنضحك)..

إلين حيدات  ليها يديها ودارت : فيروووز انت بقا صغيرة وهو أصلا مكيعرفكش حتى واش عايشة ودبا ختارني للزواج  مانقدرش نرفض ..

فيروز دوراتها وهي كلها كترجف : وخويااا ؟ ياك كنتو غتزوجو ؟؟ ياك بغيتيه من قلبك ؟؟

إلين رجعات غادية : خوك نسيتو وانت نساي آسـر حيت انا غنولي مرتو ..

فيروز كسرات ماتبقى فكبريائها ونزلات لرجليها كتتوسل : إلييييييين عفااااااااااك لااااااا قلتيي ليااا كيبغيني علاااااش كذبتي عليااااا حرام عليييييك ، هرستييينييي ا إليين عفاااك حني فيا قولي ليا غي كذوووب..
قبل تكمل كلامها كانت سحبات رجليها وكملات طريقها مخلية بنت 17عام مليوحة فالأرض عقلها غيخرج..
•••

عادت بها ذاكرتها للأمر الواقع وعلامة استفزاز واضحة على محياها ..
بنت فأوائل العشرينات ديالها متكية فالجاكوزي ديالها وشعرها مسدول للوراء عينيها سودويتين كيشوفو فالسقف بحدة وألم الماضي تحول للشرانية كبيرة ورغبة فالانتقام .. 

خرجات من الجاكوزي ومسحات جسمها المنحوت ومعالمو الجذابة بشكل كبير بفوطة ولبسات بينوار ديال الدوش وخرجات لبيتها هزات تليفونها ..
ودوزات الخط بابتسامة خفيفة على شفايفها..

....: ألوو..

فيروز : ألو بابا صاڤا ؟

الأب (أمين) : حمدالله ابنتي وانت بخير !؟

فيروز : بخير نتوما لباس عليكم  كاملين؟؟

أمين : بخير أبنتي ناقصة غي انت..

فيروز : عندي ليك خبر غيفرحك..

أمين بتاسم : يااكمااا غتزوجييي..

فيروز متأكدة من قرارها:  غدا غنرجع للمغرب ..

أمين تصدم من كلامها وفنفس الوقت فرح 5سنين وهي بعيدة على بلادها وعائلتها ودبا غترجع ..

عاودات نطقات مفيقاه من سهوتو : بابا !!مابغيتينيش نجي ؟

أمين بفرحة : مرحباااااا ببنتييي غنديرلك أفخم حفلة ، كلشي غيعرف بنتي رجعات ليا..

فيروز بتاسمات بجنب من الفكرة اللي جاتها : ماتقوليهمش المناسبة حتى يجيو ويعرفو..

أمين : كوني هانية.. غنمشي نفرح ماماك وخوتك حتى هما باي باي..