فاتنة الآسر 🔞🔥

part: 12

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الثاني : شـــرارةُ الانتقــــــــــــام•

    

عند فيروز طلعات لبيتها بكري شوية مابغاتش تتعشا بحكم جاتها ليغيݣل وفيها الحريق بزاف ..

كانت 3 ديال الصباح وهي باقا فايقة مكمشة على وضعية الجنين وكلها كتقطع بالحريق ..

آسر كان باقي فايق فبيتو بدورو خدام فالبيسي .. جاه العطش وماكانش باقي ليه الما خدا عكازو ونزل يشرب ..

لمح البلاطو دالعشا باقي كيف كان حيت مابغاتش تنزل وقال للخدامة تطلع ليها عشاها وهي رفضات ورجعاتو .. ماعرفش علاش ..

رجع وطلع قرب لبيتها حلو كان الضو مشعول وعاطياه بظهرها شافها كيفاش مكمشة هكاك ومغطية بالمانطة وكيصدر منها صوت أنين خافت مافهم والو ..

قرب عندها ودار لجهتها ونطق : فيروز !!

فيروز بلا تدير حتى حركة: امم..

آسر مافاهم والو: مريضة ؟

فيروز : همم..

آسر ݣلس حداها وقاس بيديه على راسها : شنو فيك ماسخوناش؟؟

فيروز عاد حسات به كاين وݣلسات كتحاول ماتبين والو : غي كرشي ضراتني شوية .

آسر شافها دايرة يديها على كرشها : ليغيݣل ؟

فيروز طولات فيه الشوفة ونطقات: اه..

آسر كيشوف ليها فكرشها ونطق بنبرة غريبة كانو خايف عليها : كتضرك بزاف ؟؟

فيروز قرنات حجبانها بالألم ماقدراتش تخبي اكثر : اه..

آسر باهتمام : شنو كتديري باش يفوتك ؟

فيروز : كنشرب واحد الدوا مابقاش عندي..

آسر بقا كيفكر عارف ماعندو فين يلقاه دبا كلشي ساد ، خلاها تما  ومشا لبيتو هز تيليفونو كيقلب فݣوݣل شي حاجة تحيد الحريق دليغيݣل.. حطو ونزل للكوزينة اول مرة يدخل ليها باش يصاوب شي حاجة .. بقا كيقلب على الزعتر ومالقاهش يديه ورجليه مامعاونينوش باش يقلب لتحت ولكن فاللخر لقاه ودارو فالما وخلاه يطبخ شوية حتى غلا ودارو فالكاس ..دارو فبلاطو وطلعو ليها..

دخل عندها للبيت لقاها تكات مرة أخرى مشا ݣلس من الجهة اللي خاوية حسات بيه وحلات عينيها..

آسر مدليها الكاس : هاكي شربي هذا غيخفف عليك..

فيروز ماتوقعاتش منو هاد الجيست ولكن خداتو من عندو : شكرا ولكن مانقدرش نشرب هادشي كيعيفني..

آسر : ماتشوفينيش كندوي بشوية يسحابلك كنطلبك تشربيه! (بأمر )غتشربيه وبزز منك ..

فيروز ماعندها جهد اللي يتصادع معاه خداتو وبقات كتشرب منو .. خسرات ملامحها: ماكيعجبنيش الزعتر هكا..