Nag-iisa sa tahimik na kapaligiran
Tulalang nakatingin sa buwan
Iniisip ang gumugulo sa isipan
Tinatanong ang sariling kakayanan
Tila ako lamang ang nakakaramdam
Mga sakit na ako lamang ang nakakaalam
Hinanakit na dinadala na ng ilang taon
Ah, kailan kaya ako makakaahon?
Masyado lamang ba akong makasarili
Nag-iisip nga lamang ba ng mga mali
Mismong sarili ay akin ng pinagdududahan
O hindi mo lang alam ang aking nararanasan
Bakit hindi sumasang-ayon ang panahon?
Baliktarin naman natin ang sitwasyon
Nang maunawaan mo aking pinaghuhugutan
Baka sayo ko rin makuha ang mga kasagutan
Umaasa na balang araw ay maiintindihan
Lahat ng mga sakit na aking nararamdaman
Pagod na pagod ng makatulog na luhaan
Pinagdarasal na gumaan na ang kalooban
