Hindi ko maintindihan
Kung anong nararamdaman
Paiba ibang saloobin
Binubulong ng puso sa akin
Batid kong may pagtingin pa din
Sa minahal ko sa nakaraan
Sapagkat nararamdaman ko
Kung gano kabilis tibok ng aking puso
Tuwing mata nati'y ulit nagtutugma
Aking puso'y kakaba kaba
Ako'y agad na natataranta
At di alam kung anong magagawa
Gabi gabi'y di ako mapakali
Pangalan mo'y sinisigaw muli
Mapatigil lang ng kaunti
Mukha mo agad ang nasa isip
Pabago bagong nararamdaman
Siguro nga'y may pagtingin pa din
Sapagkat "oo" sinisigaw ng aking puso
Ako'y muling nahulog sa isang tulad mo
Noon' minahal na kita
Ng higit pa sa sobra
Kahit utak ko'y alam
Ito'y di mo matutumbasan
Oo't nasaktan mo na ako noon
Puso ko'y bat di pa rin matauhan?
Nakulong ng muli sayo, aking sarili
Sapagkat ika'y minamahal kong muli
