موجات حارقة

الجزء الأول

#موجات_حارقة
#فردوسة_الهيثم
الحلقة الأولى
#بقلم الكانبة Lina sabrina
حطتلي الحفافة آخر لمسات فيا ولكلاكسون ولغناء ولعياط داير حالة برا وانا كنت نخمم في مصيري ليجاي وكيفاه راح نكمل حياتي وإذا زواج هذا راح يكون خير عليا ولا شر واذا الراجل لي تزوجتو راح ينسيني فلعذاب والقهر لي عشتو هادي سنين ويوقف معايا ونلقى عندو السند والإهتمام والاحترام ولا راح يزيد عليا _وأنا مع تخمامي حتى تفتح الباب دورت روحي لقيتو هيثم كما المعتاد طل عليا بكل أناقتو وهيبتو بكوستيم نوار ولحيتو لمطراسية وشعرو ليمطلع منو شعرات لفوق .طلتو دايما تجدبني وتخطفني بدون شعور _قدم ليا لبسلي البرنوس وكان فرحان وهذا الشي باين من وجهو ماهوش نفاق كاين فرق بين هادوك ليام ليفاتو واليوم كيشفت ضحكتو لي مرسومة على وجهو خلاني ننسى همومي ونحي شوي خوف من جيهتو وكدبت افكاري السلبية الكل ليفاتت عليا .بقا مقابلني ومركز عينيه فيا - الله يبارك و ربي يحميك من العين _تبسمت ومن حشمتي هبطت راسي للأرض وهو كمل سترني وحكم يدي ليترجف من التوتر .خرجني وختو تشوف معانا وعينيها يدمعو من الفرحة بعد ماخرجت لقيتهم دايرين لومبيونص هايلة مع لبارود ولي فيميجان ومع كورتاج كبير طول وعرض الله يبارك ركبني ومشا الكورتاج وهو مرة يضحك مرة مرة عابس ماقدرتش نفهم تفكيرو ولا حالتو المتناقضة . رحنا ديراكت لدارهم إستقبلوني بلحليب والتمر دخلنا وهو ماطولش وخرج وأنا وبديت فتصديرة وفاتت سهرة وعرس هبال كلشي روعة ومنظم بصح فرحتي ماكانتش كاملة لأني كنت عروسة وحدها بلا اهل يفرحولها في نهار كبير كما هادا بقات غصة تحرق في قلبي _بقيت نتصدر لبسة وراء ختها وختو وداد واقفة معايا على كل صغيرة وكبيرة ومهولة العرس وتحاول تنسي فيا بصح ناس ليحاضرين مايخلوكش تنساي كلامهم لينسمع فيه منهم بزاف يوجع مي تحملت وكملت تصديرة حتا كملت دخلت لشومبرة ودخلت ورايا وداد قدمت ليا  قاتلي حبيبتي فردوس درك شوي وتروحو نتي وخويا وماتخافيش درك تفوت ليلة علكيف وماتبقايش غير تبكي في وجهو أضحكي باه تبقا ليلتكم مميزة _جاتني صعيبة كيفاه نتعامل مع خوك _فالأول برك ومبعد توالفيه ماهوش يخوف وزيد نتي وياه في هاديك الفترة تقربتو وعاشرتو بعضكم ودرك رجعتي مرتو يعني درك بالخف توالفو بعضاكم ونتي خلي فالبداية كلشي ليه وبربي مايكون غير الخير _ بقات تفهم فيا واش ندير وكيفاش نتعامل معاه باسكو هيا كبيرة عليا ب5 سنين. عاودت لبست لاغوب بلونش ليكانت طويلة وعلى ستيل حوتة (ذيل السمكة)  لاغوب هادي هيثم ليختارها وهادا الشيئ الوحيد ليدخل فيه روحو وجابهالي من اختيارو وفستيل ليعجبو وقالي حاب نشوفك بيها .وزدت حطيت تاج على راسي مع شعري كحل وقصير واصل غير للرقبتي . كيكملت بقيت نقرا فالأدعية حتا دخل وقدم حكم يدي بساكت وخرجني للصالة لبسنا لخواتم لبعض وقطعنا لاتارت وجاو خاوتو وختو جبدوه لوسط صالة يشطحو معاه مع باباه ويماه بقيت نتفرج فيهم ودموعي على خدي تقهرت من حالتي الوحدانية وظهري البارد وجناحي المكسور و كنت حاسداتو على فرحتو وعلى أهلو وحبابو ليدايرين بيه وانا بقيت غير نشوف بلعين شوي وشاف ليا وجاء لعندي جبدني من يدي لوسط صالة معاهم شطح معايا وقرب لوذني _ ماش نهار تع دموع صايي نتي ماكرهتيش من لبكاء لازم تقوي روحك وأفرحي وأزهاي هادا نهارك _تبسمت و بلعت هذوك دموع وقعدت نحاول كيفاش نضحك ومنبينش نقطة ضعفي _لحق وقت نروحو و بديت نخاف وجات يماه خالتي روفية عاونتني زادت سترتني مليح بالبرنوس وقاتلي ربي يهنيكم ويفرحكم ولعقوبة لدرية الصالحة زغرتو علينا وخرجنا ركبنا _رفعت لبرونوس من راسي تغميت منو حتى صبتو يشوف فيا بساكت بصح مفهمتش نظرة هذيك واش تحكي .دور وجهو وخبط الفولو بيدو وديمارا وليت حطيت راسي على لكارو ونتفرج على برا وبقينا لزوج ساكتين غير أنفاسو العالية تتسمع حتى وصلنا سترت روحي وهبطنا رفدلي هو لفاليزة وانا حكمت لاغوب باه مانطيحش و دخلنا لبلوك طلعنا بالأسانسير حتا وصلنا لطاج الثاني برك وجبد المفتاح ودخلنا كانت دار من دخلتها برك يبانلي كلشي وعجبتني بزاف شابة فيها هول واسع و على جيهة ليسرى كاين كوزينة كانت فلمارو وعلى جيهة ثانية كاين صالة كبيرة فلباج ولڨرونة و كاين شومبرة مغلوقة ومقابلتها شمبرة تاعنا باينة من الضوء الأحمر كيشفتها خفت من لبعيد _هيا ادخلي راح تقعدي واقفة فالهول _ مشيت لشمبرة دخلت نحيت لبرنوس وحطيتو دخل هو ورايا حط الفاليزة فالأرض و لمفاتح على لقوافاز وكنت كل حركة يديرها نعسو فيها وفي نفس الوقت قلبي مخوفني ومتوترة ومرات هو نحسو راح ينفجر في وجهي في أي دقيقة خفت ومعرفتش واش ندير . شاف فيا وقدم نحالي البرنوس وحشمني بالنضرات تاعو الله يبارك جيتي شابة تهبلي ليوم سورتو مع هادي لاغوب جيتي تقتلي فيها ماكنتش متوقع تخرجيلي بهادا الزين كامل_ يعيشك عينيك الشابين _ طلع حواجبو وشايفة عينيا ثاني شابين مالا سور عاجبينك _تربيت هكا ليقولنا راكم شابين نردو بهادا الجواب ماش محتمة يكونو العينين شابين_ ضحك بصوت وشبيكي علاه هدرتيها بنرفزة راني نڨصر معاك برك_ تبسمت معاه وقالي يالله روحي وجدي روحك باه ندخل بعدك _هزلي الفاليزة وصلهالي لدوش وحكمني من دراعي اصبري نفتحلك لاغوب _راح من ورايا فتحها وريحتو ضربتني باسكو كان قريب ليا بزاف حتا لقيتو باسني من ضهري وليت تخطفت ديراكت بعدت منو وهو تبسم ودار رجع لشومبرة _دخلت دوشت خفيف برك وتوضيت ولبست و خرجت ودخل هو بعدي كيخرج صلينا ومبعد قرب ليا نحالي طقم الصلاة وقعدني فوق سرير _فردوس قبل مانقرب ليك لازم تعرفي حاجة_هززت راسي واش هيا_شوفي انا ونتي راح نعيشو حياتنا مع بعض على لحلوة والمرة بصح ماتسناش نعيشو كما هادوك العشاق يعني الحب تنحيه من بالك انا زواجي بيك كنت رافضو من الأول بصح فالأخير قبلت نتزوجك غير باه نسترك برك مايروحش بالك لبعيد وتقولي هيثم حبني وعشقني عليها تزوجني نن بالعكس انا مانحس والو من جيهتك ولا حتا راح يجي يوم ونقنع روحي بيك موحال  _دمعتي حصلت فالشفر من كلامو .هيثم بهادي البساطة تقولي فيها علاه ماصارحتنيش من الأول علاه تزوجتني مالا _تفرت درك رانا تزوجنا ماتفيدش الهدرة تاع كون وكون . بصح كما قتلك ماتسناي مني والو وأكيد راح نعيشو على شروط أنا نحطهم_واش هوما ماش فتهماتك مليح _شروطي هوما متحاسبيني على حتى حاجة ومتدخليش فيا نهائيا لا وين كنت لا وين رايح لا مع من كنت لا علاه طولت ولا على توقيت دخولي لدار وخروجي منو بمعنى ثاني تشوفي وتسمعي وتسكتي ونتي واجباتك ليا ديرهم كامل وماتنقصي حتى حاجة لينطلبو تنفديه ونوعدك وعد رجال بلي راح نعيشك سلطانة ومايخصك والو معايا تاكلي تشربي وتقراي وترقدي المهم الشيئ لينقدر عليه نديرو وهادا لكلام يبقى بيناتنا مايخرجش منا نهائيا بصح باه نحبك وندفيك في حضني موحال تصرا باسكو حنا ماراناش تاع الحب متفاهمين_بعد لكلام ليسمعتو منو طاحو دموعي ومقدرتش نحكمهم كتر رفعلي راسي_فردوس انا ماصارحتكش باش تبكي ولا تتقهري انا عارف ظروفك وعارف كنتي متأملة أني نعوضك كلش بصح الله غالب انا مارانيش ليك انا ماش فارس احلامك بصح المكتوب مامنو مهروب هو ليجمعنا وربطنا مع بعض اتحملي كما راح نتحمل أنا _حط يدو على وجهي ويمسحلي في دموعي وانا غير ساكتة ونبكي من الصدمة .شوفي فردوس نتي شابة وتهبلي معندو مخصك بصح الحب ماش بسيف أفهميها هادي _بعدتلو يدو ونضت وقفت وقتلو صايي فهمت _ وماتقولي والو تبقاي ساكتة_ واش حابني نقول مثلا فوق هدرتك معندي منزيد نقول _ سكت زمان ولا ناض لعندي فردوس صايي لازمك تتقبلي كلامي وهيا نكملو زواجنا _وسعت عينيا فيه واش!!! واش راك تقول منك بصح حاب تكمل زواجك بيا ؟؟_ وكيفاه مالا تزوجتك وجبتك باه نحطك كادر فالدار أكيد لازم ندخل عليك كما أي زوج متزوجين _ طبعتو من صدرو وقتلو بعد كلامك ليا موحال نخليك تقرب مني رد بالك تتجاوز حدك معايا انا ماش لعبة في هادي دار ولا في حياتك باه تلعبلي بمشاعري وغير فكرة انو تدخل عليا ماتصراش وماش راح نسمحلك تقرب خطوة مني _ضحك بإستهزاء مالا حابا من ليلة لولة تمشي كلمتك . نقولك انساي تمشي كلمتك وبالتحديد هادا الموضوع انا لينقرر فيه ودرك خلينا نتمو زواجنا على خير _ وليت نعيط بعد عليا متمسنيش بعد كلامك ماعندك حتا حق عندي ماش راح نخليك تقرب مني كما تنفحلك _وجهو تبدل وعقد حواجبو. وشبيها حالتك هكدا وعلاه راكي تعيطي وتبكي وهاربة مني وزيد من هاداك نهار ليرجعت فيه ونتي بيك حاجة دايما مترددة ومتخوفة مني عكس هاديك الفترة علااه اهدري _والو غير كلامك تاع درك ماعجبنيش وادا تحب طلقني ماش محتمة عليك تبقى مع وحدة ماتحبهاش وانا  ماعندي ماندير بواحد كما نتا . ديراكت حكمني من شعري وعينيه موسعهم فيا ووجهو يخوف من زعاف _ اسمعي كاش مابيك حتى راكي رافضة نقرب ليك غير احكيلي من درك خير ليك وإذا لي في بالي ماش راح تجيني بيزار راني جبتك من بلاصة مشبوهة ونتوقع كلشي من بنات لحرام _وليت نرجف من هدرتو ومن  زعافي وليت نحيتلو يدو بالقوة وبعدت عليه ونبكي_ مابيا والو بعد عليا متمسنيش كل كلمة راك تقولي فيها راهي كيف السم على قلبي بركات عليا وخطيني وماش راح نسلم روحي لراجل يفكر في تخمام خامج وماش رجولي _كلبة رخيسة سور بيك حاجة عليها من ليلة لولة طالبة طلاق _ رماني فوق سرير وعينيه يتعصرو من الغش_هيثم اطلقني نوض من عليا ربي يعيشك خليني _مانخليك مانطلقك وليوم تباني واش مخبية بسيف عليك....حاولتو وهدرت وبكيتلو بصح لا كلامي ولا دموعي ولا عياطي نقدوني منو وكانو كامل بلا فايدة وحرقلي حياتي وحرق الحب لي في قلبي وتوضحلي بلي هيثم انسان بزوج وجوه وجه بريئ وحنين وعاقل ويدو تداوي الجراح وفي نفس الوقت عندو قناع ثاني بوجه وحشي وليوم كلامو وتعاملو إغتصابو ليا خلاني نعيش موجة ثالثة وحارقة في حياتي وتوجع القلب والروح قبل الجسد

    صفحتي الرسمية على فيسبوك بإسم (قصص لينا صبرينة Lina sabrina)