Chandramukhi Chautala & Makkhan Singh - Unfinished Business

Makkhan Singh goes Missing

Interrogation Room

(Chandramukhi, Hanuman, Gopi, Billu, and Gulgule gather around Puran, a loud-mouthed thug handcuffed in the middle.)

Chandramukhi: To yo hai us kameene terrorist Khoonkhar Khan ka khas adami - Puran.

GG: Puran!!! Are yaar yeh kaisa naam hai. Naam ke pichhe poli laga do toh Puran Poli ho jaega. Waise Puran Poli mujhe bohot pasand hai. Meri biwi banati hai na dahi ke saath khane ka maza hi kuch aur hai. (Slap)

Chandramukhi: Na matlab thaara Puran Poli, Dahi, Malai, Lassi sab khaake ho gaya ho toh kaam ki baat kar le?

Puran: (grinning) Jee haan, mai hoon Puran. Khata hoon Churan. Par madam, aap chaho toh pyaar se mujhe Puri bula sakti ho. Sirf aap. Churan Chabake!

Hanuman: (leaning forward) Waah, kya baat hai! Puran se Puri tak ka safar toh bada romantic hai. Lekin yaad rakh, yeh jo tu 'Puri' banne ka sapna dekh raha hai na, main tujhe 'khakhra' bana doonga who bhi patla aur bina namak ka! Aur ek baat, tumhara churan yahan nahi chalega. Hum log bohot 'hajmola' kha chuke hain.

Billu: Khaas karke bhaiya. Hajmola ke bina saans bhi nahi lete. Aur phir jo 'prabhav' hota hai na, saare khidki darwaze kholne padte hain!

Gopi: (shoots an angry look) Excuse me!

Chandramukhi: Rapta baja doongi main ib agar koi bola toh! (leans towards Puran) Aur tu bata, kaha hai thaara maalik Khoonkhar Khan, warna dande se maar maar ke esi sutaai karungi thaari ki khudki shakal bhool javega.

GG: Haan, jo bhi hai bata do; saare raaz se parda hata do warna ek baar agar hamari madam ke dimaag ki Puran Poli ban gayi na, toh hamari madam ek number ki kadavi kareli. (Slap) Mera matlab hai jali hui jalebi. (Slap) Mera matlab hai bohot hi gusse wali hai, samjhe?

Puran: (grinning) Ek shart pe bataunga! Agar madam apne haathon se mere liye chai banaye toh! Churan Chabake!

Hanuman: (instantly) Excooj me! Miss Chautala sirf mere liye chai banayegi, samjhe? Aur kisike liye nahi.

Chandramukhi: Na karlo pehle nautanki khatam karlo apni apni; phir manne bulana. (Hanuman straightens up)

(Commissioner enters; everyone salutes.)

Commissioner: (seriously) Miss Chautala, woh Khoonkhar Khan ka case kahan tak pahooncha? Khabar hai ki usne sheher mein daka dalne ka plan banaya hai.

Chandramukhi: (pointing at Puran) Sir, hamne uske aadmi Puran ko toh arrest kar liya hai. Aap chinta mat kijiye, manne pura yakin hai ki Khoonkhar Khan bhi jald se jald pakda jaega.

Commissioner: (raising an eyebrow) Good job, Miss Chautala. Lekin Puran se kuch information mili kya? Woh kya keh raha hai?

Puran: (grinning widely) Sir, mujhe toh sirf ek hi chinta hai... chai! Agar madam mujhe chai banake deti hain, toh main saara raaz khul ke bata dunga! Churan Chabake 

GG: (leaning in) Kya tum bhi Puran!!! Saste aadmi ho bilkul hi. Samose ke bina chai ka maza hi kya? (Slap)

Commissioner: Bas karo! Yeh koi mazak ki baat nahi hai.

(Commissioner signals everyone to step back from Puran. He pulls out a large envelope and opens it, revealing a photo of Khoonkhar Khan.)

Commissioner: Yeh hai Khoonkhar Khan ki tasveer. Dhyan se dekhlo ise.