وانا معاه اعيش فرحه بدون حدود احبه حب اكبر من مدى ظنه❤.

part 1🌷:

اخر ايام الشهر الفضيل في الديرة تحديدا في بيت سلمان
سلمان جالس مع زوجته وبنته سارة جالسين بالحوش
سارة : ولله يبه اشتقنا ل اخواني شرايك نعزمهم ع الإفطار ذا الاسبوع
نورة : اي ولله زمان عنهم خلاص بنشوف يوم ما يكون عندهم أشغال ونعزمهم على الإفطار
سلمان : ولله مافي ازين من جمعتهم لكن تدرين انه أخوك علي عنده أشغال واجد بالشركة لكن ان شاء الله خير بشوف يوم يفضون كلهم فيه ونجتمع
سارة : ان شاء الله خير
دق جوال سارة الا ونها ترف فتحت سارة الخط
ترف : الو كيفك عمتي سارة وش اخبارك وكيف جدي وجدتي عساكم بخير
سارة : هلا ولله بالغالية بنت الغالي ولله بخير يا ترف وانتي شحالك وكيف ابوك واخوانك عساكم طيبين
ترف : ابشرك بخير وصحة وسلامة ولله اشتقنا ل شوفتكم ياعمتي وعندي لك البشارة ابوي قال ذا الاسبوع ان شاء الله بنجي الديرة وبنقضي فيها باقي ايام الشهر الفضيل وبنعيد بالديرة عندكم ان شاء الله
سارة : ولله ذا احلا خبر وتونا سبحان الله كنا نقول بنعزمكم ع الإفطار
ترف : يلا زين ان شاء الله وصلي السلام ل جدي وجدتي
سارة : ان شاء الله يوصل انتبهي لنفسك
ترف : ان شاء الله فمان الله
سارة : فمان الله وقفلت
سارة : يبة زين ولله وهاذ اخوي علي قال بيجي نهاية الأسبوع وبيعيد هنا بعد
سلمان : ولله كان زين زمان ما شفناهم
*
في الرياض في بيت ابو فهد ( علي )
كانت ترف جالسة في الصالة مع زيد
ترف : ولله مره مبسوطه بنروح بيت جدي زمان ما شفناهم
زيد بضحكه : وانتي ما صدقتي تسمعين ابوي يقول بنروح وبسرعة دقيتي على عمتي
ترف بنرفزه : وانت شعليك كيفي مالك شغل
زيد : اوك اوك ي ورعه لا تفصلين علينا بس اعصابك
ترف : ورعه فعينك انا اوريك
زيد بضحكه : ههههههههههه وريني يلا بشوف وش تسوين
ترف : اوك بتشوف قلت لي ها
مسكت ترف كاسة الشاهي اللي بيدها وضربت زيد فيها
زيد تدمرت ملابسه
زيد بعصبيه : انا اوريك يا ترف
ترف بضحك : تعال وريني عند ابوي
ركضت ترف بتروح ل ابوها وامها اللي جالسين بالحوش وزيد يركض وراها
طلع ابوهم على صوت صراخهم
ابو فهد بضحك : ولله مادري متى بتعقلون الله يهديكم بس
زيد : يبه شف بنتك ذي الورعه وش سوت
ترف : يبه اهو اللي بدا ويقول لي ورعه
ابو فهد : خلاص ترف روحي شوفي امك تبيك وزيد الحقني الديوانيه
زيد : امرك يبه وترف حسابك بعدين
ضحكت ترف : نشوف
راحت ترف ل امها اللي كانت جالسه بغرفتها
ترف : لبيه ي الغاليه امري وش بغيتي
ام فهد : ما يامر عليك عدو يا بنيتي بس ابيك تساعديني بتجهيز الفطور والحلى بحكم انه اخوك فهد بيفطر عندنا اليوم
ترف فرحت مرهه انها واخيرا بتشوف بيان ( زوجة اخوها ) بحكم ان صار لها مده طويلة مب شايفتها
ترف : اووو زين فهد تذكر ان عنده اهل
ام فهد : ههههههههههه الله يهداك يا بنيتي انتي تدرين اخوك عنده اشغال مره وما عليه لوم
ترف : اي زين زين انا بسوي الحلى اللي تحبه بيون وانتي سوي اللي يبيه ولدك
ام فهد : انتي ذا اللي يهمك انك تشوفين بيان اما اخوك مب هامك
ترف بضحكه : لا شدعوه ي الغاليه طقطقطه بس
ام فهد : زين زين ابوك ينتضر شوفي وش تبغين حق الحلى وقولي له عشان يجيبه وهو رايح السوق
ترف : خلاص يمه انا بروح معاه لان ابي اشتري لنا سناكات وكذا حق السهره وانا ابي كم غرض من السوق بعد
ام فهد : زين اجل تجهزي وانا بقول ل ابوك انك بتروحين معه
ترف : زين يمه
*
في أبها وتحديدا في بيت ابو نواف
نواف اللي نازل من غرفته وجالس يسمع اغاني ( بالسماعات ) ومب مع العالم صدمت فيه ريفان اللي كانت تركض بتروح حق ابوها وامها اللي جالسين بالمجلس
ريفان وهي مرتبكه : اوه اسفه اسفه وكملت ركض
نواف بضحكه : ما عرفنا لك مب ب العاده تعتذرين
ريفان : مبسوطه مره مب وقتك الحين
نواف : جعله دوووم وش السبب ان شاء الله تزوج البطل والبطله اللي بمسلسلك هههههههههههههههههههه😂.
ريفان : لا مسلسل وش انت الثاني
نواف : اجل وش فيه
ريفان : بس توعدني ما تروح وتقول لامي قبل لا انا اقول
نواف : زين زين م عليك قولي بس
ريفان : من شوي كلمتني خالتي ساره وتقول انها بتكلم امي وان بتعزمنا على الفطور عندهم هالاسبوع وان خالي علي بعد بيجي نهاية ذا الاسبوع وبيعيدون بالديره بعد اوو انا مره متحمسه بشوف تروف من زمان ما شفتها اشتقت لها مره
نواف : ايوا يعني عشان كذا كل ذي الفرحه عشان تشوفين ترف بس هههههه
ريفان : اي اي خلاص طس عني انت ووجهك بروح اقول ل امي
نواف بضحك : زين زين
نزلت نجد والتقت بنواف وريفان اللي واقفين على الدرج
نجد : خير ان شاء الله وش فيه
ريفان : نواف يقول لك انا بروح على امي
نجد : وش فيه يا نواف
نواف : ابد ولله هاذي ريفان مبسوطه انه بنروح الديره عند بيت جدي
نجد : اوو بتروحون وش المناسبه
نواف : ابد ولله مافيه مناسبه خالتي ساره عازمتنا ع الافطار بحكم انه خالي علي بيجي وبنجتمع عندهم قبل العيد
نجد : اي زين
نواف : ليه انتي ما بتروحين
نجد : لا ولله بنروح انا وفيصل عند اهله بحكم ان خالتي ام فيصل صار لها مده ما شافت لمار وسديل بنروح نتونس عندهم ونغير جو
نواف : اي زين اللي تشوفونه
*
في الديره عند مها وزوجها حسام اللي كانو جالسين بالمجلس
مها : اي يا حسام توها امي مكلمتني وتقول ان ان شاء الله اخوي علي واختي ريم وزوجها بيجون ويجمتعون عندها ونها تعزمنا على الفطور ذا الاسبوع عندك شي ؟
حسام : زين ولله زمان ما جتمعنا لا ابد ولله ماعندي شي نروح ونتسلى عندهم
مها : خير ان شاء الله بس وش رايك نروح من بكرا منها نضيع وقت عندهم لين يجي وقت العزيمه وبعد عشان اساعد خيتي ساره بالعزيمه وكذا
حسام : زين زين اللي تبينه كلمي ساره وقولي لها
مها : اي ان شاء الله
*
في بيت ابو فهد ( علي )
عند ترف اللي لبست عبايتها وطلعت عند ابوها
ترف : ها يبه نمشي
زيد : وين ان شاء الله وين وين
ابو فهد بعصبيه : يا زيد اشوف انك جالس تتمرد على اختك مايصير كذا وانا عايش ماحد له ب ترف فهمت ؟
زيد : زين اصلا ذا اللي كبر راسها
ترف : خلاص خلاص مشينا يبا
ابو فهد : زين اسبقيني السياره وانا باجي الحين
ترف : ابشر يبا
ترف طلعت وقفلت الباب مسكت ترف جوالها وجلست ترسل فويس ( مقطع صوتي ) ل خوياتها وجالسه تضحك
طلع ولد جيرانهم ( مشاري ) اللي كان مره مره معجب فيها
مر من قدام بيتهم
مشاري وهو جالس يناظر قدام ومو موضح ان الكلام لترف
قال : يابنيـّه اضحِكي وافردي المبسم الزاهي لعنبْو حي اللي بالحشا ماقدّرك 🫦
ترف : تكلمني ؟
مشاري ب ابتسامه : لا ولله جالس اتمشى واقول قصايد باللي شالع قلبي
ترف بضحكه : زين وليه ماتقول له
مشاري : تبيني اقولك الحين ولا انتظر الوقت المناسب ؟
ترف بصدمه : ااااا ااببروح الحين ابوي يجي
ابتسم مشاري
ترف ركبت بالسياره وهي جالسه تفكر بكلامه وبنظراته لها
جا ابو فهد وركب
ابو فهد : عسى ما تاخرت عليك يابنيتي
ترف : عادي يبه خذ راحتك
ابو فهد : زين مشينا
راحو البقاله واشترت ترف كلشي تبغاه حق السهره من سناكات وحلى وكل شي
ابو فهد جالس يحاسب
ابو فهد : ها يا بنيتي خذيتي كل شي تبينه
ترف : اي مشكور يبه
حاسبو وطلعو
طلعت ترف السياره وبالها مره مشغول في عبد العزيز وكلامه
*
في ابها ( بيت ابو نواف )
نواف دخل على امه اللي جالسه تحضر حق الفطور
نواف باس راس امه : ها يالغاليه وش تسوين
ام نواف : ابد ولله وانا امك بحضر حق الفطور
نواف بصدمه : يمه مو كنه الوقت بدري الحين الساعه ٢ وهو بيأذن الساعه ٧
ام نواف : ليه ماتدري انت
نواف : ادري ب وش
ام نواف بضحكه : الضاهر ان ريفان من الفرحه حتى ما قالت لك
نواف : تقول عن وش مب فاهم عليك
ام نواف : بنجهز فطورنا وبنروح الديره بنروح بيت جدك
نواف : تمزحين ترف قالت الاسبوع ذا وش اللي صار
ام نواف : اي ابوك طلع عنده شغل وبيطلع اسبوع وقلت نروح الليله وناخذ فطور معنا تدري عاد الوالده تحب طباخي
نواف بضحك : ومن ما يحبه
ام نواف : زين يا وليدي روح وجهز وش تبي تلبس وجهز اغراضك اللي بتاخذهم معك
نواف : ابشري ي الغاليه
ام نواف : نواف ترى الساعه ٣ ونص بنطلع تجهزو وقل ل ريفان تعجل شوي
نواف : زين
عند ريفان اللي جالسه تجهز اغراضها وخذت كلشي الميكاب واللابتوب والسماعات وملابس لها وفرحانه مره دق عليها الباب ريفان : ادخل ادخل يانواف
نواف : تدرين انك تبين لك جلده
ريفان : افاااااا ليه وش مسويه لك انا
نواف : ياخي ما تقولين لي ان اليوم بنروح بيت جدي
ريفان : ايييييييي من الفرحه ولله نسيت
ريفان اللي تمسك نواف من شعره الحرير وهي تبتسم وتقول: بتشوف حبيبتك بتشوفها
نواف بصدمه : وخري عني حبيبة وش
ريفان : هيهيهي تحسبني مب فاهمه عليك اخوي واعرفك من نضراتك
نواف : ريفان لا تخبصين بالكلام قولي من تقصدين
ريفان : ترى ادري انك تحب ترف وتعشقها بجنون بعد نواف اللي يبي يقاطع كلامها ريفان : ولا تحاول انك تجحد ذا الشي لانه واضح مره بعيونك كل ما تشوفها ولا تخاف ترى مارح اقول لها
نواف : ولله تدرين يا ريفان انا ما ادري ومب متأكد من مشاعري بس احس اني ودي بشوفها كل يوم وكل ثانيه
ريفان : ما قلت لك افهمك من عيونك
نواف بضحك : زين زين تجهزي لا نتاخر
ريفان : اي صح بتجهز يلا طير انت
نواف : اوكي بطير ههههههههههههههههههههههههههه
في المطبخ عند ام نواف
دخلت نجد
نجد : ها يمه بتروحون اليوم
ام نواف : اي ولله بنروح وش رايك تروحين معنا وبكرا تروحين انتي وفيصل بيت اهل فيصل
نجد : لا يمه انتو روحو وتونسو ووصلي سلامي ل جدي وجدتي وعماتي والجميع انا ان شاء الله انا وفيصل بنطلع نفطر برا اليوم وبعد الفطور بنروح بيت اهل فيصل
ام نواف : ان شاء الله يا بنيتي