في الديره :
بعد السحور وبعد ماتوجه كل واحد ل غرفته عشان ينامون
طلع نواف بيروح الديوانيه وهو جالس يفكر باللي سواه وب ترف وشلون حالتها صارت بسبته ويقول بخاطره : يارب انت ادرى باني ما ابي شي الا ان ترف ما تتوهق مع ذا الكلب واني ابي لها الخير يارب ماتكون زعلت مني
توجه للديوانيه وهو ضايق ومكتوم حاول انه ينام لكن ماقدر وطلع يتمشى بالحوش
صادف ترف اللي كانت جالسه على الكنب اللي بالحوش وجالسه تناظر بالسما وعيونها كلها دموع توجه لها وقال : ترف عادي اجلس ؟
ترف اللي فزت وعدلت جلستها ومسحت دموعها : اي حياك
جلس نواف بالكنبه اللي قبالها وقال : ترف انتي تدرين اني ما قلت ذا الشي عن عبث واني ولله ابي مصلحتك وابي لك الخير
ترف : ادري ولله وانا اسفه مره على ردة فعلي بالكوفي بس ولله تعبت ولله يا نواف اول مره اقول ذا الكلام ل احد بس ولله اني احبه احبه منجد بس يوم سمعت كلام ابوي وزيد وجدي عنه احس مو متطمنه تكفى يا نواف قل لي الحقيقه ولله اتعبني التفكير
نواف اللي قرب من ترف ومسك بيدها وقال : يا ترف ابوك واخوك يعرفونه اكثر منك وذي سوالف رجاجيل ما تفهمين فيها وانا ولله لو ادري انه رجال سنع ما قلت لك شي بس صدقيني ما يناسبك ذا
ترف : ان شاء الله بحاول اني ما افكر فيه ومشكور يا نواف
ابتسم نواف : اي كذا ابيك لا عاد تزعلين نفسك على شان اي احد صدقيني ان عيونك الحلوه ذي ما يليق عليها الحزن وابد ولله انا هنا اي شي تبينه قولي نواف وبكون عندك
ابتسمت ترف : يوو فديتهه ولد عمتي نوافو
ضحك نواف : افا عليك يا بنت الخال
قامت ترف : يلا الحين انا بروح انام تصبح على خير
نواف : وانتي بخير
قامت ترف وتوجهت للبيت ونواف اللي يناظرها وهي تمشي ويقول :
امرحي في صدري الدافي
إلين تنبت أزهار الربيع بساحته❤❤.
قام نواف وراح الديوانيه ونام وهو مبسوط ويفكر ب ترف وابتسامتها وكلامها
*
عدت الايام والعايله على نفس جمعتهم الحلوه وعاداتهم :
العيال بعد الفطور يطلعون وما يرجعون الا وقت السحور
والبنات يجلسون ويلعبون بلوت ويسولفون
*
اخر ايام الشهر الفضيل
عند البنات اللي جالسين بالغرفه
ترف : يو فستاني باقي ما وصل مادري شلون بعيد بكرا
مها ( عمتها ) : ان شاء الله يصل اليوم انتي وش قالك المندوب
ترف : قال اليوم يصل بس مادري قلبي مو ب متطمن
ساره ( عمتها ) اللي جالسه تضبط شعرها ضحكت وقالت : زين ي تروف قالك بيصل اليوم اكيد بيصل
ترف دق جوالها وفكت الخط وطلع المندوب حق الاوردر قال ل ترف انه الحين وصل ويبغى عنوان البيت ارسلت له ترف العنوان وقفلت
ريفان : شفتي يا ترف ما كملتي كلامك ودق المندوب
ضحكت ترف : ايه ايه الحين بروح اقول ل زيد يطلع على شان يجيب الاوردر من المندوب
طلعت ترف وراحت الديوانيه اللي جالسين فيها ( الجد سلمان ، وابوها ( علي ) ، ونواف ) دخلت ترف وسلمت والجميع ردو السلام
ترف لابوها : يبا شفت زيد ؟
علي : لا ولله يبا ماشفته مادري وين يختفي ذا الولد
ضحكو وطلعت ترف
لحقها نواف والتقى فيها بحوش الديوانيه
نواف : ترف ترف
ترف التفت له : هلا نواف
نواف : تبين شي من زيد
ترف : كنت ابيه يلتقي بالمندوب حق الفستان الحين بيجي وتدري ماقدر اطلع له ومادري وين راح ذا الزق زيد
ضحك نواف : بس ذا الموضوع خلاص ماعليك لا جا المندوب انا بلاقيه
ترف : مشكور بس قبل تطلع له تعال ابعطيك الفلوس
نواف : تم
طلع نواف والتقى بالمندوب وعطاه الفلوس حقه
نواف اللي جات عينه بالحقيبة حقت الفستان وشاف ذاك الفستان اللي لونه ازرق وجلس يتخيل ترف وهي لابسته ويقول بخاطره :
أنت تقرأ
وانا معاه اعيش فرحه بدون حدود احبه حب اكبر من مدى ظنه❤.
Poetryتتكلّـم روايتنـا عن عايلَـه كبيـره ومحبّـه ل بعضهَا وبتكـون بطلتنـا تشـوف البطل بحسبـة اخوهـا لكـن مع مرور الوقـت تتحـول هاذي العلاقـه ل حـب كبيـر❤.
