في الديرة :
الحمدلله العايله كلها فرحت من بعد الحزن الشديد اللي كانو فيه والحمدلله رجع لهم الامل مره ثانية برجعت منيرة بالسلامه
بعد يومين :
الساعه ٧ صباح
توّجه ابو فهد ومها وسارة للمستشفى بحكم انه يوم خروج والدتهم
وصلو المستشفى
سلمو على امهم وجلسو عندها
منيرة : الا وينه سلمان
ابو فهد : ولله يمه مادري وش اقول لك لكن قدر الله وما شاء فعل بس تكفين كلنا نبيك تكفين كوني قويه تكفين يمه ولله ما تشوفين العيال والبنات يوم درو انك قعدتي بالسلامة الحمدلله على كل حال
ناظرت منيرة للسما وبدت تدعي وتقبلت الامر الواقع ورضت بالمكتوب وقالت :
يا وليدي كلنا على هالطريق ولا اعتراض على حكمه ماقول الا الله يرحمه ويغفر له
كلهم ردو : اللهم امين يارب
دخل الدكتور
الدكتور ل ابو فهد : الحين اجرائات الخروج كلها جاهزه
ابو فهد : ان شاء الله خير
ابو فهد ل مها : يلا ياوخيتي جهزي الاغراض وجهزو انفسكم بنطلع الحين
مها : ان شاء الله
بدت سارة ومها يشيلون ب الاغراض
طلعو بالسيارة وتوجهو للبيت
بعد مده قصيرة وصلو :
عند نواف وزيد وفهد اللي يستقبلونهم على الباب
سلمو على جدتهم وبدو يشيلون الاغراض ودخلو داخل
دخلت الجدة منيرة وبدا الكل يسلم عليها ومن بعدها جلسو
منيرة : الحمدلله على كل حال وذا المكتوب
ردو كلهم : يستاهل الحمد
ترف ل امها : يمه ترى ببقى هنا عند جدتي ما ابغى ارجع الرياض
زيد : سلامات والمدرسه بعد اسبوع
ام فهد : اي يمه المدرسه بعد اسبوع ما يصير لزوم نرجع عشان دراستك
ترف : يمه تبين الصدق انا ما ابغى اكمل دراستي وابغى اعيش عند جدتي
فز فهد : هيي مو منجدك انتي الحين اخر سنه ثانوي ومو باقي لك شي وتدخلين الجامعه مو منجدك تستهبلين صح ؟
ابو فهد : اي اي وانا ما اوافق انك ما تكملين انا ابغاك تكملين وابغى اشوفك خريجه
ترف بتنهيده : اي من جدي ما ابغى ادرس ولا احب الجامعه وانا قلت لكم من قبل ان حتى لو تخرجت من الثانوي ما ابغى ادرس بالجامعه
فهد بصراااخ : مب على كيفك ومب انتي اللي تحدديين انتي ما تعرفين شي وانا اخوك الكبير وادري بمصلحتك
بيان ( زوجة فهد ) اللي تمسك فهد وتهديه
طلعت ترف وراحت الحوش وهي فيها بكيه
منيرة : يا وليدي يا فهد وش فيك على البنت ليه تصارخ عليها
فهد : ياجدتي انتي ماتعرفين بنات ذا الجيل يبون كل شي على كيفهم
ابو فهد : خلاص يا فهد انا بتفاهم معها
طلع نواف وتوجه للحوش وشاف ترف اللي جالسه تبكي
نواف : افا ي تروف تزعلين من كلام اخوك ولله فهد ما قال كذا الّا يبي مصلحتك وانتي بعد من جدك ليه ما تبين تكملين ؟
ترف : يا نواف انت ما تدري عن شي انا من قبل ادخل الثانوي قلت ل اهلي ان حتى لو تخرجت من الثانوي ما ابغى اكمل بالجامعه
نواف : ليه طيب
ترف : كذا ياخي ما ابي اضيع عمري كله بالدراسة و ابغى ولله اني ابقى عند جدتي هنا ما ابغى ارجع الرياض
نواف : ولله ماقول الا اللي يريحك
دخلت ترف داخل وجلست بجمب ابوها وتقول : يبا انا ادري ان ذا مب وقته الكلام بس تكفى يبا انا ببقى هنا عند جدتي تكفى طالبتك
ابو فهد : خلاص يا بنيتي دام ذا اللي يريحك ودامك ما تبين تدخلين الجامعه من الليله تروحين انتي وزيد وتجيبين اغراضك وتبقين عند جدتك وعمتك سارة
فرحت ترف مره وحضنت ابوها وتقول : مشكور يابوي جعل ربي ما يحرمني منك
سارة : ولله تنورينا يا تروف
ترف : نورك ياعمتي
دق جوال ابو فهد
ابو فهد : هلا ولله بابو ناصر وش حالك
" ابو ناصر ذا جار لهم بالرياض "
ابو ناصر : بخير يسرك الحال الا ما سمعت وش صار هنا
ابو فهد : خير وش صار
ابو ناصر : جارنا عبد العزيز عرفته
ابو فهد : اي عبد العزيز ماغيره التاجر ؟
" ترف اللي يوم سمعت اسمه جلست ترجف وتطق باصابعها وتناظر ابوها وتبغى تعرف وش اللي صار ونواف اللي ما شال عينه
عنها "
رد ابو ناصر : ايوه اليوم جات مكافحة المخدرات وقبضو عليه
ابو فهد : ولله يستاهلون اللي يصير لهم اللي يمشي بطريق الحرام ذي نهايته ، الا وولده مشاري وش صار عليه
ابو ناصر : قبضو عليه بعد وتدري بيحكمون عليهم بالمأبد
ابو فهد : ايوه الله يبعدنا عن ذي الاشكال
قفل ابو فهد الخط
فهد : خير يبا وش فيه
ابو فهد : ذا جارنا بو عبدالعزيز وولده اللي يتاجرون جات المكافحة وقبضو عليهم وانحكمو بالمأبد
ترف اللي ماسكه البكيه طلعت للحوش
جلست تصرخ وتنطق : ليه ياربي ليه ليه وربي احب مشاري ليه انحرم منه
بيان اللي طلعت ورى ترف لانها لاحظت عليها
بيان ركضت وبدت تهديها وتقول : اهدي اهدي لا يجي اخوك فهد ولا ابوك وربي بتصير مصيبه اهدي
ترف حضنتها : اخخ ي بيان راح مشاري راح
جا نواف وهو يركض : خير خير بيان وش فيه صوتكم واصل لين المجلس
بيان : مافيه شي مافيه شي
نواف : انزين عادي يا بيان تتركيني مع ترف ابغى اقول لها شي مهم
بيان : تمام
ناظر نواف ب ترف وهو يقول لها : ما قلت لك يا ترف ما تذكرين وحنا بالكوفي يوم قلت لك وقلت لك بتثبت لك الايام ولله ياترف انا كنت ادري من البداية وما كنت ابغاك تتعلقين فيه بس الله يسامحك ما سمعتي كلامي
ترف وهي تبكي : انا وش ذنبي طيب
نواف : خلاص اهدي الحين وروحي غسلي وجهك وادخلي لا يشكون اهلك بشي
ترف : ان شاء الله
دخلت ترف البيت وهي كلها خيبة امل وندم على الكلام اللي قالته لنواف لانها تحسبه يكذب عليها
*
مرّت الساعات لين جات حزة بعد المغرب :
كانو العايله كلها جالسين بالحوش
ابو فهد : يلا يا ترف جهزي نفسك الحين بتروحين انتي وزيد للرياض وتجيبين الاغراض اللي تبينها
ترف : يلا اوك يبا
ريفان : ييووو عادي اروح معاكم🥹
زيد : حياك ولله
ريفان : الله يبقيك
نواف : خير خير تروحون وانا جالس هنا وانا بعد باجيي معاكم
زيد بضحكه : اوك اوكك حياك بعد
ترف ل ريفان : يلا رفونن نروح نلبس
زيد : بس لا تطولون يبي لنا وقت عشان نصل
ترف : لا لا م عليك
دخلو البنات
ريفان بصرخة فرحه : يوووو ولله جات الطلعه من دون تخطيط عاد تدرين الطلعه مع اخوك زيد تفووووووز
ريفان بضحكة : اي اي تفووز
توجهو للغرفه ولسبو عباياتهم وطلعو
ترف : يلا زيد
ابو فهد : انتبهو على الطريق وردو على الجوال اذا دقيت
زيد : ان شاء الله يبا
طلعو نواف وزيد والبنات وراهم وتوجهو للسيارة
نواف : يوو عاد يبي لنا وقت من هنا للرياض ترف حاولي لا تتأخرين بتجهيز اغراضك على شان نطلع ونروح كوفي ونفرفر شوي قبل نرجع
زيد : اي اي
ترف : لا م عليك ما اتأخر ان شاء الله وهاذي ريفان معي بتساعدني
ريفان : اكيد اساعدك من عيوني ياعيوني انتي
ناظر زيد للمرايه وناظر ل ريفان وابتسم وقال بخاطره :
كل العيُون مرت منسيّة إلا عيونك❤.
كملو طريقهم لين وصلو البيت
نزلو ترف وريفان ودخلو داخل وبدو يجهزون الاغراض
ريفان : ترف مو ملاحظه شي ؟
ترف : شي مثل وشو يعني
ريفان : مو ملاحظه على نواف وتصرفاته معك ؟
ترف بصدمه : ليه وش فيها تصرفاته
ريفان بضحك : يوووو لا تسوين نفسك غبيه
ترف : ولله مب فاهمه شتقولين
تركت ريفان البليزر اللي بيدها ومسكت يد ترف وقالت : ترف بقولك شي بس تكفين لا تقولين ل نواف ولا تلمحين له اني قلت لك لان بيفصل علي
ترف : اقوله وش تكلمي اخلصي بنتأخر ترى
ريفان : نواف يحبك ومن زمان بعد بس ما يبي يبين لك ذا الشي لان انتي تناظرين له بحسبة اخوك وما يبي يعترف لك ينتظر الوقت المناسب
انصدمت ترف وكانت بتنطق : طيب كيف كذا
وقاطعها بالكلام صوت زيد اللي واقف بالصاله ويصارخ : يلا يا بنات اخلصو بنتأخر
ترف : يلا يلا اوك ما باقي شي ونخلص
ترف ل ريفان : يلا يلا وربي ذا بيفصل علينا
ضحكت ريفان : اوك اوك
خلصو كل شي وطلعو للسيارة
ترف اللي اول ما طلعت ناظرت ل نواف وتقول بينها وبين نفسها :
كيف كذا مستحيل يا ربي مستحيل
نواف ل ترف : عطيني الشنطه يا ترف انا بشيلها عنك
ترف : لا لا عادي ماله داعي انا بحطها بالسيارة
نواف : خلاص ياخي قلت لك عنك
اما زيد اللي جالس يناظر ريفان وريفان تناظره وتبتسم
زيد اللي جته لحظة ادراك ان وراهم طريق طويل
زيد ل نواف وترف : هي انتم للحين تتعازمون يلا اخلصو علينا
ضحك نواف : يلا يلا
نواف ل ترف : هاتي عنك
عطته ترف وحطها بالسيارة وطلعو
في طريقهم :
زيد ل نواف : الا نوافو متى بترجعون ابها
نواف : ولله ما ادري عن امي
ريفان : اي اضن اليومين ذولي بحكم ان المدرسه الاسبوع الجاي
زيد بضحك : يوو ولله انك بزر باقي تدرسين وربي تحزنين
ريفان بتنهيده : هي وش بزر وناظرت للشباك وهي زعلانه
زيد : افا اطقطق وش فيك
ريفان : خلاص طس عني
وقف زيد السيارة وناظر ل ريفان بكل جرائة وقال لها :
ولا تزعلين .. ورب البيت ما أقصد
اذا ترضيك ما أقصد .. تسامحيني❤؟
ترف اللي ما مسكت نفسها وجلست تضحك
نواف اللي ناظر ب زيد وهو مصدوم ويقول : هي هي زيدوووو حدك عععاد
زيد بضحك : اطقطق وش فيكم بس تدرون ريفان دلوعهه مرهه واذا زعلت الحين بتسوي لنا سالفه عند عمتي ريم
نواف : ولله بهاذي صادق
ضحكت ريفان : اممممم اوك اوك سامحتك
ضحك زيد
نواف : ها وش رايكم الحين نروح نشرب لنا شي ولا نجلس بكوفي
زيد : اي في كوفي مره يهبل دايم اروح له بنروح عليه
نواف : انزين اللي تشوفه
أنت تقرأ
وانا معاه اعيش فرحه بدون حدود احبه حب اكبر من مدى ظنه❤.
Poetryتتكلّـم روايتنـا عن عايلَـه كبيـره ومحبّـه ل بعضهَا وبتكـون بطلتنـا تشـوف البطل بحسبـة اخوهـا لكـن مع مرور الوقـت تتحـول هاذي العلاقـه ل حـب كبيـر❤.
