في الديرة :
طلع ابو فهد وامه وزوجته وخواته
ابو فهد اللي يناضر من باب الحوش ويقول ل نواف : انتبه يا نواف للطريق وانت تسوق
نواف : ان شاء الله
طلعو
نواف : يلا نطلع ؟
زيد : يو عاد بنفلها دام ابوي مب فيه
نواف بضحكه : اي اي
ترف : يلا يلا لا نتأخر
نواف : اي يلا جيبو الحلى معاكم بناكله بالسيارة
ترف ضربت كتف نواف بمزح : هي هي انت مصدق نفسك ضبطناه حق الكشته مب حقكم
ضحك نواف : ليه انا ما استاهل
ترف اللي خجلت : لا مب كذا
زيد اللي قاطعها : هي هي اخلصو علينا انتي وهو يلا الحين ابوي لو ما يشوف سيارتنا وراهم بيفصل علينا تدرون
نواف : اي اي يلا نطلع
ريفان : اي بس بشرط انا بحط الاغاني على ذوقي
نواف : خلاص تحطين اللي تبينه بس يلا الحين
ردو جميع : يلا
طلعو بالسيارة وكان ترتبيهم " نواف اللي يسوق وزيد بالكرسي اللي بجمبه وترف بالكرسي اللي ورى نواف وريفان بالكرسي اللي ورى زيد "
زيد : يلا يا ريفان وش تبين تسمعينا
ريفان : عطني عطني الجوال نوافو
نواف عطاها جواله وقال : لا تفتشين بالجوال يا ويلك
ضحكت ترف : ليه وش فيه الجوال
زيد بضحكه : الضاهر انه ما يبي تشوفون البنات اللي عنده
ريفان : اما نوافو العاقل عندك بنات وضحكت
ناظر نواف ل ترف بالمرايه وقال : وش ابي بالنجوم وعندي قمرها✨؟
ناظرت ترف للمراية وناظرت عيون نواف اللي يناظرها ويبتسم وابتسمت
زيد : اووو طلعت تحب من ورانا ومن ذي سعيدة الحظ هههههههههه
نواف : بتعرفونها مع الوقت
ضحك زيد : اي ان شاء الله
مسكت ريفان يد ترف وناظرتها وابتسمت وترف بعد بادلتها نفس الابتسامه
زيد : ها رفون بتحطين شي نسمعه ولا انا بحط على ذوقي
ريفان : خلاص خذ حط لنا شي على ذوقك
زيد : هههههه عطيني
وعطته الجوال فتح اغنية سلطان البريكي اللي تقول :
على الموعد اللي بيننا .. جيت لك ملهوف
اسابق عقارب ساعتك .. قبل موعدنا
وانا داري ان قلبك .. على شوفتي مشغوف
لونه يجور الوقت فينا .. ويتعبنا
بدى زيد يزقف ويغني مع الاغنيه وريفان خاقه على شكله وتناظره وتبتسم
اما نواف اللي يناظر ل ترف بالمراية ويبتسم وترف تبادله الابتسامه
بعد فتره قصيره :
دق جوال نواف وفك الخط الا ونه خاله ابو فهد
نواف : هلا خالي
ابو فهد : هلا نواف عرفت المكان اللي بنروح له صح ؟
نواف : اي اي عرفته
ابو فهد : اي حنّا وصلنا وبدينا نفرش وانتم مادري شفيكم الله يهداكم تأخرتو
نواف : اي اي خالي شوي ونصل ان شاء الله بس بنروح البقاله نشتري لنا سناكات وكذا ونلحقكم
ابو فهد : زين لا تتأخرون
نواف : انزين خالي وقفل
ترف : يو عاد تدرون كنت بقول خلنا نروح البقاله بس حسبت اننا بنتأخر
نواف : ابشري الحين بنروح
وصلو البقاله :
نواف : ها من بينزل ؟
زيد : ولله انا مالي خلق الزحمه جيبو اي شي معاكم
ريفان : وانا بعد ولله بس تروف تعرف وش احب
نواف : انزين اللي تشوفونه
نواف ل ترف : ها ترف بتنزلين
ترف : اي اي
نزلو ترف ونواف ودخلو البقاله
نواف : ترف انا بروح الثلاجه بجيب المشروبات
ترف : اوك وانا بروح اجيب السناكات والشوكلت
نواف : انزين انتبهي لك
ترف بضحكه : ان شاء الله
بالسيارة عند زيد وريفان
زيد اللي لف ضهره ويناظر ل ريفان ويبتسم
ريفان اللي تكبس على جوالها وتناظره ومصدومه وسوت نفسها مب مهتمه
شوي ردت ناظرت الا وان زيد على نفس جلسته وحاط يدهه على خده ويناظرها
ضحت ريفان : خير زيد فيك شي ؟
زيد : لا بس ابي اتأملك ولا ممنوع بعد
ريفان بضحكه : ابد خذ راحتك
ضحك زيد وعظ على شفته وقال : يالبى بس
ضحكت ريفان
عند ترف اللي جالسه تاخذ سناكات
مرو عيال من جمبها ويناظرون لها ويضحكون
ترف اللي ناظرتهم ورفعت حاجبها وقالت : خير في شي ؟
واحد منهم كان بيطيح على الارض ومسكه خويه وقال له : هي وشفيك
قال : نظرتها بتموتني اخخ يالبى بس
ترف : وجعع اي ولله ماعندكم خوات انتو ما تخافون على شرفكم وعع ولله مادري متى هالاشكال بتنقرض
مر من عندهم شب طويل ومزيون ماشالله ولابس ذاك الثوب الابيض والمنديل والنضارات
مر وسمع ترف وهي تهاوشهم وقف ب جمب ترف نزل نضارته وقال : خير خير ان شاء الله وش فيه ؟
واحد من العيال : وانت شعليك ان شاء الله مسوي فيها جنتل مان
طلّع البطاقه حقته ووراهم ياها وقال : ايه عندكم شي بتقولونه
ركضو العيال من دون لا يقولون شي
" البطاقة كانت تثبت انه رئيس المخابرات "
ترف اللي ناظرته ومصدومه وقالت : مشكور ما قصرت بس اقدر اعرف ليه خافو كذا
ضحك وقال : ما سوينا الا الواجب اي تقدرين وعطاها البطاقه
ترف اللي يوم شافت اسمه " سعود بن محمد آل سيف " حسّت انها تعرف هالاسم وسألته : انت ابوك محمد آل سيف ويشتغل بشركة أرامكو
جاوبها : ايوا ابوي انتي من بنته
ترف : انا ترف بنت علي بن سلمان آل فيصل
ناظرها سعود والابتسامه شاقه وجهه وقال : ارحبي يلا حيها وش حالك وكيف ابوك
ترف : ولله بخير ابشرك انت ابوك خوي ابوي بس اذكر انكم ب الرياض ليه هنا ؟
سعود : ايهه انا شغلي هنا ولا ابوي واهلي ب الرياض
ترف : ايوا الله يوفقك يلا انا بمشي الحين ومشكور مره ثانيه
سعود : لا العفو ما سويت شي
ابتسمت ترف جا نواف وناظر ل سعود وبعدها ناظر ل ترف وقال : ها تروف فيك شي ؟
ترف : لا لا مافيني شي
نواف : انزين يلا مشينا
ترف : يلا
ردّت ترف وناظرت ل سعود وابتسمت
وطلع ترف ونواف
نواف اللي لاحظ هالشي
نواف : ترف من ذا ؟
ترف : ذا ولد خوي ابوي
نواف : ووش يعني ولد خوي ابوك يعني تسولفين معاه عادي ؟
ترف اللي انصدمت من نبرة صوته : نواف شفيك ترى ما سولفت معه بس سلم علي
نواف : حتى ولو وعلى اي اساس تسلمين عليه
ترف اللي ماسكه دمعتها : خير ياخي خير صاير تتدخل واجد ؟
نواف : انزين انا اللي صاير اتدخل اوك اوك يلا مشينا
ترف عطته الاغراض وقالت حاسب انا بطلع
خذا نواف الاغراض وراح بيحاسب وطلعت ترف
طلع وراها سعود
سعود : ترف ترف
ترف التفتت له واستغربت ليه لاحقها : هلا ؟
سعود : فيك شي ؟
ترف : لا ما فيني شي بس خير بغيت شي ؟
سعود : مادري بس لاحظت على ذاك الشب اللي كان معك انه يضايقك وانا اللي اعرفه ان ذا مب من اخوانك ف حبيت اتطمن
ترف : لا ذا ولد عمتي
سعود : انزين تبين شي اساعدك فيه
ترف : لا مشكور
قاطعها بالكلام نواف اللي جاي والنار تطلع من عيونه مسك يد ترف وقال : مو على اساس بتروحين السيارة وش صار
ترف فكت يده : مالك شغل فيني
سعود : ترف
قاطعه نواف بالكلام : مالك ب ترف فهمت ؟
وسحب يد ترف وطلعو بالسيارة
ريفان : ها شفيكم تأخرتو
ترف : مافي شي بس شوي زحمه
زيد : انزين يلا نمشي
نواف : يلا اصلا تأخرنا واجد اليوم
طلعو وبعد مدّه قصيره وصلو مكان الكشته
نزلو ونزّلو الاغراض
ابو فهد : زين شفناكم
ضحك زيد : يبا مرينا البقاله وشرينا سناكات وكذا
ابو فهد : زين زين
ريم ل نواف : نواف يا وليدي الحين اختك نجد وفيصل وصلو الديرة وانت تعرف ما يخبرون شي هنا ابغاك تطلع وتستقبلهم عند الخط الرئيسي اللي قريب من هنا عشان يعرفون وين حنا فيه
نواف : ابشري يمه
ريفان : ويت ويت نواف بطلع معاك
نواف : يلا
طلعو نواف وريفان
نواف اللي جالس يناظر بالطريق ويفكر
ريفان : نواف وش فيك انت وترف يوم طلعتو وضعكم مو اوكيه وما حبيت اسأل ترف لانها حساسه
نواف : مب حساسة قصدك دلوعه ومره بعد وما يعجبها شي ذا اخر دلع خالي لها على اي شي وهي بكت
ضحكت ريفان : اما اما اما كاتم كل ذا ب قلبك
نواف : مب كاتم بس بنت خالك ذي تقهر تقهر يا ريفان
ريفان : ليه وش مسويه تروف ؟
نواف : تخيلي جالسه وتسولف مع الرجال ويوم سالتها تقول لي ولد خوي ابوي وعادي ابغى اسلم عليه تخيلي !!!
ريفان : وانت معصب على شان كذا
نواف : اوفف ي القهر بسسس
ضربت ريفان كتف نواف : ها نار الغيرة😂🔥🔥🔥
ضحك نواف : لا مب كذا
مسكت ريفان خد نواف وضحكت وقالت : ايوا ايوا اضحك كذا الكشره مب لايقه على ذا الزين
ضحك نواف : اممم ارسلي ل نجد شوفي وينهم فيه
ريفان : اي زين
وصلو نواف وريفان للمكان اللي فيه اختهم نجد وزوجها فيصل
نزل نواف وركضت عليه سديل حضنها نواف : هلا هلا ب حبيبة خالو هلا ب دلوعتنا وركضت لمار ووقفت عنده : امم وانا ؟
حضنها : وانتي بعد ياروحيي
سلم نواف على فيصل ونجد وريفان سلمت عليهم
نواف : ها بتطلعون معي بالسيارة ولا بسيارتكم
فيصل : لا انت اسبقنا وحنا نمشي وراك
سديل ل فيصل : بابا انا بطلع مع خالو
نجد : لا ي ماما خلكم معاي وبس نصل تروحين مع خالك
نواف : خلاص سدول قالت بتطلع معي يعني بتطلع
ضحكت نجد : انزين
نواف : وانتي لمار تطلعين معانا ولا مع بابا وماما
لمار : لا بطلع مع بابا
ضحك فيصل : ذي ما تتركني
ضحكو كلهم
نواف : انزين يلا مشينا
فيصل : توكلنا على الله وطلعو كل واحد بسيارته
وصلو للمكان ونزلو وسلمو على الجميع
وقت الغروب جالسين بجمب شبة النار ويسولفون
ونواف اللي حاضن سديل وجالس يلعب معاها وترف اللي تناظره ومره مره خجلانه منه على الكلام اللي قالته
سارة : ماشالله نواف الصغار يحبونك
نواف : اي يا خالتي وانا بعد ولله احب الصغار واحب العب معاهم
نجد : عاد ولله ابثرتنا سديل كل يوم بروح عند خالو نواف
ريم : ايه متعلقه بخالها
ضحكو كلهم
زيد : يوو ما من فعاليات ؟
ريفان : شرايكم نلعب صراحه جرائه
نواف : اوك اللي تشوفونه
ريفان : ها شرايك نجود ؟
نجد : يووو العبو انتو انا بجلس هنا من زمان ما شفت جدتي وخالاتي
ريفان : انزين اللي تشوفينه
توجهت ريفان ل ترف اللي جالسه عند النار وتناظر بالارض وتفكر
ريفان : تروف تروف
فزت ترف : ها شفيك خرشتيني
ريفان : بسم الله عليك يلا تعالي بنلعب
ترف : ولله مالي خلق
ريفان : يلا عاد تكفين
نواف : اي يلا ترف بنلعب وشفيك
ترف اللي تحاول تبين انها مب شايله بخاطرها منه : يلا اوكيه
قامو ترف ونواف وزيد وريفان وجلسو بمكان كان قريب من العايله
زيد : ولله يا ان الجو بارد وش رايكم نشب لنا نار
ريفان : اي ولله صادق
نواف : انزين شب النار على شان نبدأ اللعبه
ريفان : اي زيد لا تتأخر
زيد : يلا اوكيه
ناظر نواف ل ترف اللي سرحانه ومب معاهم
نواف : ترف تعالي ابيك
ترف : خير فيه شي ؟
نواف : ابيك ب كلمتين
ريفان : انا بروح اشوف زيد
نواف : انزين
قرب نواف من ترف وقال : تروف وش فيك ماخذه بخاطرك مني ترى ولله مب قصدي اللي سويته ولا قصدي اني ازعلك بس ياخي ما تحملت يوم شفتك مع ذاك الرجال ولله
ترف : اوك بس اسلوبك مره اوفر يعني
نواف : انزين وذا انا اعتذرت رضيتي ؟
ضحكت ترف وناظرت للسما ثم ناضرت لنواف وقالت : امممم اوكيه رضيت بس لا يتكرر ذا الموضوع
نواف ابتسم : اي كذا ابيك الحزن ما يليق ل عيونك الحلوه وان شاء الله ما يتكرر
ترف : انشوف هههههههه .
أنت تقرأ
وانا معاه اعيش فرحه بدون حدود احبه حب اكبر من مدى ظنه❤.
Poetryتتكلّـم روايتنـا عن عايلَـه كبيـره ومحبّـه ل بعضهَا وبتكـون بطلتنـا تشـوف البطل بحسبـة اخوهـا لكـن مع مرور الوقـت تتحـول هاذي العلاقـه ل حـب كبيـر❤.
