وانا معاه اعيش فرحه بدون حدود احبه حب اكبر من مدى ظنه❤.

part 8🌷:

في الرياض
السساعَـه 11 ممَسساء
وصلو البنات والعيال للكوفي اللي بيقعدون فيه
ريفان : يووو زحمه مرهه
ترف : اي هاذي كافيهات الرياض مرهه زحمه مب نفس الديره كافيهات بسيطه وحلوه يازين الديره بس
ضحك زيد : مب كنك جحدتي انك عشتي هنا 18 سنه
ترف بضحكه : لا ولله شدعوه
نواف : ها نقعد الحين ؟
زيد : اي يلا
توّجهو للطاوله وجلسو وبدو يسولفون
دق جوال ترف
ترف قامت وبترد على عمتها سارة اللي تدق
زيد : وين وين تكلمي هنا
ترف : شوي وارد لكم بشوف عمتي وش تبغى وبعد بدق على خويتي ما ابعد هنا قريب
زيد : زين لا تتاخرين
ترف : اوك
طلعت ترف ووقفت برا الكوفي وجالسه تكلم عمتها سارة
سارة : ما كنكم ابطيتو يا تروف
ترف : اي عمتي شويات وبنطلع تعرفين زيد ونواف الا يروحون كوفي
سارة ضحكت : زين انتبهو لانفسكم
ترف : ان شاء الله وقفلت
ترف اللي تذكرت شي بالسيارة وبحكم ان السيارة كانت قريبه قالت انها بتجيبه
راحت للسيارة وما قفلت الباب
ترف سمعت صوت خطوات التفتت الا ونه ثلاث شباب واحد طلع مكان السايق وقفل الباب وثنين طلعو ورى
ترف صرخت : هي وشتبون خييير
اللي يسوق لاخوياهه : سكتوها سكتوها لا تفضحنا
ترف اللي جالسه تصرخ وواحد منهم مسك يدينها وربطهم والثاني مسكها من ثمها وسكتها
السايق : يووووو جوي وهاذا حنا لقينا سيارة سنعه ومب بس سيارة ومزه بعد
ترف اللي تحاول تصرخ ومب قادره
اللي جالس ورى : يمسك ترف من شعرها وهو ينطق : اي ولله مزه
وترف اللي جالسه تبكي ومب قادره تسوي شي
*
في الكوفي عند نواف اللي توتر ان ترف تأخرت
نواف ل زيد : زيد وينها اختك مو كنها تأخرت
زيد : مادري قالت بتكلم خويتها
نواف : انزين انا بروح للسيارة ابغى لي حاجه وبشوف ترف  بطريقي
زيد : تم
طلع نواف وانصدم يوم ما شاف السيارة ب مكانها
سأل شباب كانو واقفين قريب
قالو انهم شافو بنت طلعت فيها وبعدها 3 عيال وطلعو بالسيارة بسرعه جنونيه
نواف بصدمه : ترف ترف !!
حاولو الشباب انهم يهدونه
نواف : وين الطريق اللي راحو منه
وصفوه الطريق
نواف لواحد منهم : تكفى طلبتك ابغى مفتاح سيارتك واردها لك
الشب : ابشر ماطلبت شي وعطاه المفتاح
اخذ نواف المفتاح وركض للسيارة وطلع للطريق اللي وصفوه ياه
نواف اللي مب عارف وين يروح لان الطريق زحمه والسيارات متشابهه صارت عيونه حمرهه وصرخ وقال : لا ترف مايصير لها شي وانا حي
تذكر نواف موقع الجوال
ودخل على سناب ترف وشاف الموقع وبدا يتبع الموقع لين وصل ل صحرا ومافيها شي ولمح ضو سيارة وعرف انها سيارتهم
وقفت السيارة ونواف لمح الشباب بس ما كان واضح له النضر مره بحكم ان الوقت متأخر
نزل نواف من السيارة وركض من دون ما يحس على نفسه لكن تصرف بذكاء وما خلاهم يحسون عليه
عند العيال اللي ماسكين ترف وترف جالسه تبكي
واحد منهم ضحك بصوت عالي وقال : خلاص مو كننا اتعبنا الحلوه خلنا نفلتها وحتى لو صرخت ماحد بيسمعها الحين الوقت متاخر وماحد يجي ذا المكان
رد عليه الثاني : اي ولله صدقت
فلتو ترف
بدت ترف تصرخ : اتركوني وش تبون مني وش تبون
رد واحد : يووو تخيل نتركها هاذي نعمه نزلت علينا من السما وتقول اتركوني
وضحكو كلهم
ترف اللي باقي تصرخ وتغلط عليهم
اخر صرخه ل ترف كانت : تكفونن اتركوني وانقطع صوتها
سمع نواف صرختها وركض وقرب منهم ونطق : اه ي الخسيسين انا بوريكم
واحد منهم ضحك وقال : هاا وطلع لنا البطل
وضحكو وبدو يضربون نواف
نواف اللي يوم شاف الولد ماسك بترف ويناضرها ما تحمل وجنّ عقله وبدا يضربهم ضرب الله لا يوريكم لين قررو انهم يهربون
ركض نواف ومسك ترف
ترف حضنته وهي تبكي
نواف حضنها وغطاها بشماغهه وبدى يهديها وينطق : يخسون يقربون لك وانا نواف بن مخلد
ترف اللي باقي جالسه تبكي
نواف قعّد ترف وخذاها للسيارة ودق على زيد
زيد : سلامات وش فيك ماترد لي ساعه ادق عليك والسيارة وينها فيه سمعت شباب هنا يقولون ان في عيال طلعو مادري وشو
نواف : انزين انزين انا برسلك الموقع الحين وتعال على شان تاخذ سيارة الرجال وانا بطلع بوّدي ترف المستشفى
زيد صرخ : ليه المستشفى وش فيه تكلم
نواف : مافيه شي بس اشوفك اقولك الحين مستعجل انا تكفى تعال وخذ سيارة الرجال
زيد : انشالله انشالله
طلع زيد وريفان وخذو تاكسي وتوجهو للمكان اللي وصفه ياهم نواف
ريفان بصدمه : اما بالصحرا وش فيه وليه نواف خذى سيارة الرجال وليه ترف بالمستشفى
زيد : ما ادري ولله الحين بنعرف كلشي خلنا الحين نرجع السيارة حق الرجال ونطلع لهم المستشفى ونعرف
ريفان : اوك اوك
طلعو وتوجهو للكوفي وعطو الرجال سيارته
زيد للرجال : ما عرفت ليه نواف خذى سيارتك !
الرجال : ولله جا وسألني عن السيارة اللي كانت هنا الضاهر انها سيارته وقلت له ان فيه بنت كانت جالسه بالسيارة وشفت 3 عيال طلعو بالسيارة وهو قال بيلحقهم
زيد اللي بدا يصارخ : اختي اختي ومن ذول الكلاب اخخ لو عرفتهم ما خليت الصبح يطلع عليهم
تجمعو الكل على زيد
ريفان ببكيه : ي زيد تكفى خلاص يلا نطلع نشوف ترف وش فيها
زيد اللي بدى يهدي وجابت له ريفان مويه وبدى يشرب المويه من يدها وهو يناضر بعيونها
زيد : يلا تكفين ي ريفان شوفي لنا تاكسي احس اني تعبت تكفين
ريفان : يلا اوك اوك
وقفو تاكسي وطلعو وتوجهو للمستشفى
التقو بنواف اللي جالس يمشي بالصالة حقت المستشفى ومتوتر ويطق باصابعه
زيد ركض : نواف اختي وش فيها وش فيها
نواف : هدي هدي يا زيد مافيها الا كل خير بس قلت اتطمن لانها تعبت بس
زيد بصراخ : ومن ذولي الكلاب وش سوو باختي تكلم نواف
نواف : زيد ماحد يقدر يقرب ل ترف ونت اخوها وانا ولد عمتها تطمن تكفى
زيد : ان شاء الله وهي الحين وينها فيه
نواف : الدكتور عطاها مهدئ وقال الحين عشر دقايق وتطلعون
طلعت ترف ركض زيد وحضنها وهو ينطق : اختي تروف فيك شي سوو لك شي هالكلاب قربو لك
حضنته ترف وهي تبكي وقالت : اخخ يا زيد لو نواف ما جا بالوقت المناسب كان الحين الله اعلم انا ويني فيه
نواف يناظرها ويقول بخاطرهه :
انتي بامان الله وفي وجهي وفي شنبي❤.
زيد توجه لنواف : نواف منجد مشكور وكلمة مشكور قليله على اللي سويته
نواف : افا يا زيد وش مسوي انا وبعدين ترف تخصني نفس ماتخصك
توجهت ريفان لترف وحضنتها وجلست تبكي وتقول : اخخ ي تروف لو صار لك شي لا سمح الله مادري وش بيصير فيني
ترف ابتسمت ومسحت دموعها وقالت : هاذا انا قدامك مافيني شي يروحي
نواف اللي يبغى يهدي الوضع : ها خلصتو دراما الحين يلا بنرجع ولله ل ننجلد من خالي علي
ضحكت ترف : اي ولله
زيد : اي بس ما نبغى ابوي يدري باللي صار لانه بيحسبنا مب قد المسؤليه
نواف : لا لا م عليه مابيدري ان شاء الله
طلعو كلهم وتوجهو للسيارة
ترف اللي جالسه تناظر بالطريق وتتذكر اللي صار لها وتتذكر كيف نواف ساعدها وبعد كلام ريفان لها
ناظرت ترف ل نواف وهي تقول بخاطرها :
الله لو تدري إنّي فتحت لك باب
كان مردود عن غيرك مليون رده❤😔
*
بعد ساعـه ونص تقريبا بالطريق وصلو الديرة .
دخلو وحصّلو ابو فهد وفهد جالسين بالحوش
فز ابو فهد اللي اول ما شافهم دخلو
ابو فهد : ها خير وش فيكم تأخرتو ما تشوفون الساعه الحين
نواف : ولله ياخالي قلنا نفرفر شوي وما حسينا بالوقت
ابو فهد : اي زين بس ع الاقل تحطون خبر انكم بتتأخرون مو تسحبون وحتى جوالاتكم مقفله
ريفان : يووو خالي ولله جوالاتنا طفت شحن ونسينا خلاص هاذي اخر مره
ابو فهد : انزين حصل خير
فهد ل ترف : ترف وش فيه وجهك كنك تعبانه ولا شي ؟
ترف : لا ياخوي بس رقدت بالطريق عشان كذا
ابو فهد : زين ادخلو الحين وريّحو
الكل ردو : ان شاء الله
توّجه كل واحد ل غرفته
نواف اللي مب حاس على نفسه من التعب رمى نفسه بالفراش ورقد
"رقد وهو جالس يفكر بالموضوع حق ترف"
غرق نواف بالنوم وجاهه حلم وسبحان الله كنّه اشارهه
بالحلم :
كان نوّاف جالس بالحوش حق بيت جده وجات ترف وجلست بجمبه
ترف ناظرته وابتسمت وهي تقول : نواف ادري بك تحبني وانا بعد ولله احس ان امان الدنيا هاذي كلها بعيونك
نواف قرّب من ترف ومسك يدها ويقول : تدرين عاد انا مب بس احبك ترف انا لي سنين تفهمين وش يعني سنين سنين وانا احبك واكابر على ذا الشي وما ابغى اعترف على شان ما اخسرك
ترف ناظرت ل عيونه : نواف ليه ما اعترفت من البدايه ما خفت اني اضيع من بين يدينّك
نواف : ترف مستحيل تكونين لغيري تفهمين
قعد نواف من الحلم وهو جالس يصارخ ويقول : مستحيل تكونين لغيري
فز زيد وعطاهه قلاس المويه وبدى يهديه : بسم الله عليك وش فيك
قعد نواف وتأكد ان ذا الشي حلم وقال مادري وش ذا الحلم
ضحك زيد : اممممم ومن ذي اللي مستحيل تكون ل غيرك
نواف بارتباك : هااا لا محد بس مادري وش العلم
ضحك زيد : انزين الحين ارقد انت تعبت واجد امس
نواف : انت ارقد انا بروح اتمشى بالحوش مب جايني نوم
زيد : اللي تشوفه ولله
رجع زيد ل فراشه ورقد
ونواف توجه للحوش وجلس بالجلسه وهو يناظر بالسما وجالس يكلم نفسه ويقول : ياربي انا ليه ما اعترف لها وش انتظر انتظرها تروح مني لا ياربي تكفى عطني حل
ترف اللي كانت تناظره من دريشة الغرفه اللي فوق ونزلت وراحت له تبغى تتشكره على اللي سوّاه
ترف سمعت نواف وهو يقول : وربي ابيها ابيها بس ما ابي اخسرها هي تشوفني بحسبة اخوها وش اسوي ياربي
ترف : احم احم شحالك نواف
نواف فز : هلا هلا ترف حياك
ترف : هلافيك عادي اجلس ولا فيه موضوع مهم تسولفه مع نفسك
ضحك نواف : لا حياك
جلست ترف وقالت : نواف منجد مادري كيف اتشكرك على اللي سويته معي امس منجد لولاك
قاطعها نواف بالكلام وناظر بعيونها وقال : تروف لا عاد تقولين كذا الحمدلله ما صار شي وخليك واثقه ان مستحيل يصير لك شي دامك معي
ترف ناظرت له : ييوووو ياحظي فيك نوافو
نواف اللي قررّ انه يعترف لها من بعد الحلم اللي شافهه :
نواف مسك يدها وقال : تروف بقولك شي انتي تدرين ان الواحد مهما حاول انه يخبي مشاعره مايقدر لكن انا خبيتها خمس سنين تدرين وش يعني خمس سنين ونا ولله كاتم على نفسي واقول ماعليه بيجي الوقت المناسب وانا احس ان الحين الوقت المناسب تروف انا احبك احبك احبك
توترت ترف وتركت يده : اااا ممدري وش اقول اا نواف نتكلم بعدين بروح انام
ضحك نواف : خلص اوك اوك اشوفك
ترف : اشوفك
توّجهت ترف للبيت وهي مره مبسوطه وتقول بينها وبين نفسها :
معقولهه من قدني ورعهه وهو يحبني عجيب هالنوافو اخخخ بطلي😭😭❤