وانا معاه اعيش فرحه بدون حدود احبه حب اكبر من مدى ظنه❤.

part 2🌷:

*
في الرياض ( بيت ابو فهد )
عند ترف اللي جالسه مع امها بالمجلس
ترف : يمه تدرين ان عمتي ريم وريفان ونواف اليوم بيروحون بيت جدي
ام فهد : منجد احسبهم بيروحون نهاية الاسبوع وش اللي غير رايهم
ترف : اي عمي ابو نواف طلع عنده شغل وكذا وقالو بيروحون اليوم
ام فهد : ايوا
ترف اللي تبوس راس امها : تكفين يمه تكفين وش رايك نروح بكرا ليه نأجل ل نهاية الاسبوع تكفين ابي اتونس مع ريفان من زمان مب شايفتها
ام فهد بضحك : توقعت انك بتقولين ذا الشي خلاص ابشري ولا تزعلين انا الحين بقول ل ابوك
ترف حضنت امها : اوووووو احبك يمه احبك
ام فهد : الله يرضى عليك يا بنيتي الا وش صار بالحلى اللي بتسوينه حق بيان وفهد
ترف اللي فزت : اووو ذكرتيني ربي يذكرك بالشهاده حطيته بالمايكرويف انشالله مايكون احترق الحين
ام فهد : الله يهداك بس روحي شوفينه
طلعت ترف وراحت المطبخ
دخل زيد على امه : ها يمه بنروح بكرا بيت جدي
ام فهد : اي ان شاء الله
زيد : اووو مرا متحمس احس منجد زمان ما جتمعنا مع عماني وعماتي كذا
ام فهد : تدري جدك طلب انه يجتمعون ويبغى يشوف الجميع
زيد : اي
*
في ابها
عند نواف اللي جالس ينتظر ريفان تجيب الشنط
نواف : ياريفان والله لو انك بتروحين المالديف مب كذا خفي شوي بنتاخر ترى والساعه بتصير ٤
ابو نواف : شوي شوي ع البنت الحين بتجي والطريق من هنا للديره يبي له ساعتين ونص شي كذا معكم وقت
ام نواف : اي ي ابو نواف وانت متى بتطلع
ابو نواف : ان شالله بروح اسلم على عمي سلمان وعمتي منيرة وان شاء لله بعد الفطور بلتقي باخوياي ونطلع ان شاء الله
ام نواف : الله يوفقك
طلعت ريفان
نواف : واخيرا ما بغيتي تطلعين
ريفان : زين ترى الدنيا ما بتطير وهاذا انا جيت
ضحكو ابو نواف وام نواف
ابو نواف : يلا يا عيال مشينا
ام نواف : توكلنا على الله
بعد ساعتين مسافة الطريق وصلو الديره
*
في بيت الجد ( سلمان )
طلعت ساره بتستقبل اختها ريم وعيالها
دخلو ابو نواف وام نواف والعيال
ام نواف : سلام عليكم
ساره : وعليكم السلام ياهلا وغلا بخيتي الغاليه تو تنور الديره
ريم : منوره باهلها وسلمت عليها
ساره سلمت على ابو نواف والعيال ودخلو
ريفان اللي ركضت وحضنت جدتها منيرة
ريفان : اووو ياجدتي اشقت لك
منيره : ياهلا ولله بالغاليه بنت الغاليه
ريفان اللي باست راسها : هلافيك ياجدتي
وسلمت على جدها
وسلمو الباقي على بعضهم وجلسو كلهم بالمجلس الكبير
ساره : زين ولله اجتمعتو واختي مها ان شاء الله بتجي اليوم بعد الفطور واخوي علي بيجي بكرا ان شاء الله
سلمان : اي ولله اشتقت حق جمعاتكم
ريم : ولله وحنا يبا بس تدري اشغال ومدارس العيال وكذا
سلمان : ماعليكم لوم يابنيتي
ساره قامت المطبخ بتجهز ل تحضيرات الفطور لان باقي نص ساعه وبيأذن ريم : انتضريني ساره بجي معك
ساره : يلا زين
وجهزو كل شي واجتمعو على طاولة الفطور
اذن المغرب وكلهم سمو بالله وبدو ياكلون بالتمر واللبن
من بعد الفطور جلسو بالحوش يتقهوون
ريفان اللي جالسه بحضن جدها سلمان
سلمان لابو نواف : ماوصيك يابو نواف بحفيدتي رفون انت تدري انها غاليه من غلاة امها ولو صار لي شي لا سمح الله ياويلكم احد يزعلها هاذي حصتنا
ابو نواف : بعيد الشر عنك ياعمي لك طولة العمر ان شاء الله
ريفان اللي حضنت جدها وجلست تبكي : جدي لا تقول كذا جعل يومي قبل يومك
منيرة اللي تحاول تلطف الجو : ها اشوف الغلا كله ل جدك وانا وين رحت
ضحكت ريفان وحضنت جدتها : وانتي بعد احبك
نواف بضحكه : هي ريفان وش احبك وش سوالف المراهقين هاذي
ضحكو كلهم.
ريفان : المراهق انت واشكالك
ابو نواف : يلا كثر الله خيركم انا بستأذنكم اخوياي يدقون علي ولزوم اطلع الحين
منيرة وسلمان وساره : الله يحفظك
ودعو ريفان ونواف ابوهم
ام نواف : انتظرني انا بوصلك الباب
ساره : شدعوه هاذا هو الباب
نواف بضحكه : الحب افعال ههههههههههههههههههههههه
ضحكو كلهم
ام نواف : الله يهداك يانواف
*
في الرياض في بيت ابو فهد اللي كانو مجتمعين مع فهد وزوجته وجالسين بالحوش ويتقهوون وياكلون الحلى اللي سوته ترف
ام فهد : تدري يافهد ان ترف ما اهتمت انك بتجي كل همها انها تشوف بيان
فهد بضحك : ادري يمه ادري
ترف : يماااااا شدعوه كنت اطقطق
ضحكو كلهم
ترف : الا بيان تعالي ابيك تذكرت شي بقوله لك قبل تروحون
بيان : يلا زين
ترف وريفان توجهو للسطح وجلسو بجلسه كانت على السطح
ترف : تدرين يا بيان بديت احس ب شي غريب
بيان : وش هالشي لا تقولين حب وخرابيط ترف انتي تدرين ان ذي اخر سنه لك بالثانوي ولا تخلين شي يأثر على دراستك
ترف : ادري يابيون ولله ادري بس صار معي موقف اليوم ومن بعدها احس مب قادره اتخطى وهو ماخذ كل تفكيري
بيان : وش الموقف
قالت ترف ل بيان اللي صار مع مشاري ولد جيرانهم
بيان بصدمه : اما مشاري ماغيره ولد عبد العزيز
ترف : ايوا ليه وش فيه
بيان : زين ياترف بقولك شي خذي حذرك منه وانتبهي ان اخوك فهد يدري اني قلت لك
ترف : بسم الله وش فيك خوفتيني قولي وش فيه
بيان : تدرين ان ذا مشاري وابوه يتاجرون بالمحرمات وانهم الحين مطلوبين ف تكفين انتبهي منه
ترف بصدمه : مستحيل ياخي ولله اني من زمان احبه ويوم صار معي ذا الموقف زاد بعد وتأكدت ان هو يبادلني نفس الشعور
بيان مسكت يد ترف : ترف تكفين لا تتهورين وحاولي تسيطرين على مشاعرك ذا بيوديك بداهيه
ترف : ما ادري ما ادري
دخل عليهم فهد : ها وش هالموضوع المهم
بيان بضحك : وش عليك انت سوالف بنات
فهد : زين يلا بنمشي
ترف : وين بدري الحين ما تبون تسهرون
فهد : لا بنطلع السوق ونغير جو شوي
ترف : وااايييي ياحليلكم جعل ربي يديمكم
فهد بضحك : امين امين الا وينه زيد ما شوفه
ترف : زيد طلع مع اخوياه ومايرجع الا على السحور
فهد : اي زين وصلي له سلامي
ترف : ان شاء الله
طلعو بيان وفهد وسلم فهد على امه وابوه وبيان بعد وطلعو
*
جا ثاني يوم بالديره عند نواف اللي نايم بالديوانية دخلت عليه ريفان تقعده من النوم
ريفان : نواف جدي يبغاك تروح معه السوق بتجيبون اغراض حق العزيمه
نواف اللي فز : متى العزيمه
ريفان : الليله لان خالي علي بيجي اليوم وخالتي مها بعد جات من شوي عشان كذا جدي قال اليوم بنسويها
نواف : اي زين زين
قام نواف وغسل وجهه وصلّى الظهر وراح ل جده
الجد سلمان : يلا يا وليدي يا نواف بنروح السوق ونشوف لنا ذبيحةٍ سنعه
نواف ابتسم : ابشر ياجدي
طلعو وراحو السوق
في المجلس اللي كانو مجتمعين كلهم فيه
مها : الظاهر كلنا بنعيد هنا
منيرة : اي وانا امك ولله مافيه ازين من هاذي الجمعات
مها : اي ولله جعل ربي يطول بعماركم وجعل بيتكم عامر وما يخلى من ذي الجمعات ان شاء الله
الجميع ردو : ان شاء الله
*
في الرياض ( في بيت ابو فهد ) :
عند ترف اللي مره مره متحمسه وجالسه تجهز اغراضها دخلت امها عليها
ام فهد : ها ي تروف اشوفك متحمسه
ترف : اي ولله يمه انتي تدرين انا احب الديرة مره خصوصا ان جدي وجدتي ربي يطول بعمرهم فيها
ام فهد : امين يارب
ترف : يمه تدرين ؟
ام فهد : وشو يا بنيتي
ترف : ولله لولا مدرستي هنا كان رحت وعشت في بيت جدي وربي حب كبير للديره وربي فيها اجواء تونس وخصوصا اجواء العيد
ام فهد بضحكه : يا بنيتي خلاص لا تخرجتي من الثانوي ان شاء الله بقول ل ابوك كل اسبوع تروحين بيت جدك وتنايمين بعد وش تبين اكثر من كذا
ترف : الله لا يحرمني منك يا غلاتي
ام فهد : امين ولا منك يا بنيتي .. يلا ياترف تجهزي لان بعد ساعه شي كذا بنطلع ان شاء الله
ترف : اي يمه انا كل شي جاهز بس باقي اجهز نفسي
ام فهد : زين يمه ونا بروح اشوف اخوك زيد ذا اللي مانشوفه الا ع الفطور
ترف : ههههههههههههههههه زين يمه
ام فهد طلعت وتوجهت للديوانيه اللي كان نايم فيها زيد
ام فهد : زيد زيد
زيد اللي باقي ما سمع
ام فهد بصرخه : زيد وصمخخ
زيد : ها بسم الله وش في
ام فهد : اي مو حضرتك ما تجي البيت الا على السحور اكيد بتكون ماشبعت نوم
زيد : طيب وش تبين يمه
ام فهد : قوم جهز نفسك بنطلع الديره بعد شوي
زيد : يمه مو من جدك الحين
ام فهد : ايوه الحين ماتدري ان الطريق من هنا للديره يبي له وقت
زيد : انزين انزين
دخل ابو فهد
ابو فهد : خير خير ان شاء الله وش فيه
زيد : ابد ولله ي الغالي هاذي امي الله يهداها جايه وبتفرغ اعصابها علي
ام فهد بضحك : لا ولله بس ولدك ذا يقهر ما يقعد الا بعد صراخ وهواش
ضحك ابو فهد : يلا زين الحين تجهزو انتو عشان نطلع يبي لنا وقت بالطريق
ام فهد وزيد : ان شاء الله
" كل واحد توّجه ل غرفته وبدو يجهزون انفسهم "
*
جهزو انفسهم ويبون يطلعون
ترف ماسكه الشنط : زيد تعال ساعدني شفيك
زيد : ماتقدرين تشيلينها لحالك
ابو فهد : يا زيد انت وش فيك على اختك ساعدها
زيد : ابشر يبا
مر من جمبهم مشاري
مشاري اللي ناظر ب ترف من بعدها ناظر ب ابو فهد
مشاري : شلونك ياعم
ابو فهد : هلا هلا بخير جعلك بخير
ابو فهد اللي يبي يصرفه
ابو فهد : يلا يلا مشينا بنتأخر
ترف اللي جالسه تناظره وتبتسم وهو بعد يناظر بعيونها
زيد لاحظ ذا الشي
زيد اللي مسك يد ترف وقال لها : اركبي وش تنتظرين
ترف : انزين بركب وش فيك
ركبو السياره وبدو يمشون
زيد : تدري يبا هاذا الغثيث مشاري لو ما صرفته كنت بذبحه
ابو فهد : وش نسوي جيران
ام فهد : يا جيرة المصاخه ولله
ترف اللي مب فاهمه شي : ليه وش فيهم ماشفنا منهم الا كل خير
ابو فهد : انتي ماتدرين عن سوالف الرجاجيل يابنيتي
ترف : انزين يبا
كملو طريقهم
" وصلو الديرة الساعه ٥ ونص تقريبا "
طلع الكل يستقبلونهم
نواف اللي جالس يسلم على خاله وعلى زيد
وبعدها وقف على جنب وسلم على ام فهد
وناظر ب ترف ب ابتسامه : شحالك ترف ؟
ترف اللي بادلته نفس الابتسامه الحمدلله بخير دامك بخير
ودخلو جميع وجلسو بالمجلس الكبير
جا وقت الفطور وافطرو كلهم وتوجهو للحوش بيتقهوون ويسهرون