وانا معاه اعيش فرحه بدون حدود احبه حب اكبر من مدى ظنه❤.

part 6🌷:

في طريق رجعتهم للبيت :
صدمت سيارة الجد سلمان في شاحنه كانت مارّه من قدامه وسلمان ماقدر يسيطر على سواقته
قلبت السيارة
وابو فهد اللي كان وراهم نزل من السيارة وهو مب حاس على نفسه وجلس يصرخ ويقول : انا توقعت بيصير كذا
والناس كلها تجمعت على الحادث
ابو فهد بصراخ : وش فيكم تناضرون احد يدق على الاسعاف
عند ترف اللي بالسيارة جالسة ترجف وحاضنه اخوها زيد :
ترف وهي تبكي : زيد تكفى قول انها مب سيارة جدي تكفى
زيد : اهدي اهدي ان شاء الله ما فيهم شي
نزل زيد وركض عند ابوه
وام فهد الليةجالسة تبكي وحاضنه ترف وتهديها
*
جا الاسعاف وتوجهو للمستشفى
ابو فهد اللي طلع مع امه وابوه بالاسعاف وزيد اللي بدا يسوق بسيارة ابوه ولحقهم للمستشفى
نواف دق على زيد
نواف : زيد وش فيكم تأخرتو
زيد بتوتر : جدي وجدتي يانواف
نواف بصراخ : زيد شفيهم تكلم وش فيه
زيد : الحين برسل لك الموقع الحين حنا بنروح المستشفى وحاول ان عمتي ريم ماتدري تعال لحالك
نواف : يلا يلا اوك
توّجه نواف واخذ مفتاح السيارة وطلع من دون مايقول اي شي
ام نواف : نواف وين بتروح
نواف : شويات واجي يمه شويات
وطلع وتوّجه للمستشفى وهو متوتر مايدري وش اللي صاير بس اللي يعرفه ان جده وجدته بالمستشفى
بالمستشفى :
عند ابو فهد اللي واقف عند غرفة العمليات ومتوتر مره
وام فهد اللي جالسه تدعي
وزيد اللي ماسك ب أمه ويهديها
اما ترف اللي جالسة تمشي وتبكي فجأه ما حست على نفسها الا وهي جالسة تصرخ وتقول جدي جدتي
دخل نواف وشاف ترف بهالحاله والدكتور جالس يهديها
" بحكم ان ترف كانت بعيده عن المكان اللي فيه اهلها "
ركض نواف ووخر يد الدكتور عن ترف وبدا يهديها ويقول : ان شاء الله مافيهم شي ادعي لهم
ترف اللي تبكي حضنت نواف وهي تقول : ماقدر بدونهم نواف ماقدر
نواف مسك ترف ودخلها عند اهلها
نواف لابو فهد : خير يا خالي ان شاء للله مافيهم شي
ابو فهد : ولله مادري ياوليدي بس اللي شفته ان السيارة تدمرت بالكامل بس يارب بالحديد ولا فيهم يارب
نواف : ان شاء الله يا خالي انت ادعي لهم وان شاء الله ما يصير الا كل خير
طلع الدكتور من غرفة العمليات وهو يناظر بالارض
ابو فهد اللي فز من مكانه : ها دكتور بشر
دخلت سارة ومها وريم اللي خبرهم زيد وجو للمستشفى مع حسام ( زوج مها )
سارة ركضت لاخوها ابو فهد : علي وشفيه ابوي وامي وشفيهم
علي : اصبري اصبري
ناظر علي للدكتور : ها دكتور ما جاوبتني مافيهم شي صح ؟
الدكتور : من ولدهم الكبير ؟
علي : انا يدكتور انا
الدكتور : الحمدلله الوالده تجاوزت مرحلة الخطر الحين لكن ضروري تبقى تحت المراقبه ويبي لها وقت
كلهم فرحو
سارة اللي حضنت اخوها علي وتنطق : الحمدلله ياربي الحمدلله
ابو فهد : الحمدلله والوالد يا دكتور عساه بخير عسى تجاوز مرحلة الخطر ؟
الدكتور : قدر الله وما شاء فعل عظم الله اجركم ولله حنا ماقدرنا نسيطر على وضعه بحكم انه خسر دم كثير من النزيف ولله سوينا اللي يطلع بيدنا البقيه بحياتكم ان شاء الله وطلع الدكتور
سارة اللي صخرت : لا تكفون لا ابوي مافيه شي وكلهم اللي يصارخ واللي يبكي
عند ترف اللي واقفه وراسها على الحايط وتناظر ومصدومه طاحت ترف وفقدت وعيها
نواف التفت لها وركض وحاول انه يقعدها لكن مافاد بشي
ركض زيد وبدا ينادي الممرضه
خذت الممرضه ترف لغرفة الطوارئ
نواف لزيد : زيد رح شوف خالاتي وخالي علي انا ببقى هنا لين تتحسن ترف
زيد : اي بروح اشوف ابوي اخاف لا يتعب الحين وينزل ضغطه
نواف : اي خير ما تسوي
نواف اللي واقف عند الباب ويناظر بترف اللي فاقده وعيها
دمعت عينه وتذكر جده وكلامه
" لكن نواف كان جبّار وكان يكابر على نفسه ويحاول انه يكون قوي ومايحب ان احد يشوف ضعفه "
قعدت ترف وجلست تبكي وتنطق : جدي اخخخ تكفون قولو لي انه مقلب تكفون
دخل نواف وهو يركض وجلس على السرير وبدى يهديها ويمسح على شعرها بيده ويقول :
احمدي ربك يا تروف تكفين اهدي وذا المكتوب لهم ولازم نرضى بالواقع
حضنت ترف نواف وجلست تبكي وهو يهديها
عند زيد اللي دق جواله وطلع بيرد عالجوال الا ونها ريفان
ريفان : زيد شفيكم وش فيه امي وخالاتي طلعو وما قالو شي وحتى ان انا بالبيت لحالي الحين
زيد اللي مايبغى يقول لها خاف ان يصير لها شي وهي بالبيت لحالها وما عندها احد قال :
شويات ونرجع البيت وتعرفين
ريفان : انزين قولي وش فيه
زيد : بروح الحين يا ريفان وقفل
بعد ساعتين تقريبا :
ابو فهد للعيال : نواف وزيد ارجعو البيت وخذو البنات معكم الحين الوقت تأخر وانا ببقى عند امي هنا
سارة : وانا بعد ببقى معك
ابو فهد : لا يا سارة ارجعي الحين من بكرا بيجون الناس على شان يعزون ومب حلوه ماتكونين فيه
سارة اللي جلست تبكي وتذكرت ان منجد ابوها اللي توّه كان يسولف معاهم ويضحك توّفى💔
وجاوبته بموافقه
*
طلعو بسياراتهم وبعد مدّه وصلو البيت
عند ريفان اللي اول ما سمعت صوت السيارات فزت وركضت وما شافت الا خالاتها وامها اللي يبكون
ريفان : وشفيه وشفيه ؟
ماحد رد عليها
توجهت ريفان ل زيد : زيد وشفيه ووينهم جدي وجدتي خير شصاير !
زيد : جدي عطاك عمره
صرخت ريفان : لا لا مو منجدكم تطقطقون صح ؟!
دخلو كلهم وهم كلهم حزن ومصدومين من اللي صار وكل واحد توّجه ل غرفته
اما ترف اللي ركضت صوب غرفة جدها وجدتها وجلست فيها وهي جالسة تبكي
مرّت الساعات وترف على نفس حالتها
مر نواف من عند الغرفة وشاف ترف اللي حاضنه لحاف جدها ونايمه من التعب
دخل نواف ويحسب ان ترف فيها شي
نوّاف بهدوء : ترف ترف
فزت ترف وهي تقول : جدي
نواف بدا يهديها وينطق : ترف تكفين اهدي مب زين اللي تسوينه بنفسك وحرام بعد انه ماترضين بحكم ربك تكفين عاد تكفين هاذا انا ماتشوفيني جالس وطبيعي لان الحمدلله عندي ايمان قوي برب العالمين والحمدلله رضيت بحكمه
خلاص تكفين يا ترف اهدي
ترف من دون ما تحس على نفسها حضنت نواف وجلست تبكي
بعد مدّه قصره اقتنعت ترف بكلام نواف وحاولت تكون قويه نفسه وقالت ل نواف :
مشكور يا نواف منجد ياحضك بقوة ايمانك وصبرك
نواف : الحمدلله انتي الحين ريحي لانك تعبتي اليوم
ترف مسحت دموعها : ان شاء الله
توّجهت ترف لامها بتنام عندها وطلع نواف وتوجه للديوانيه والتقى بزيد اللي جالس يبكي
نواف جلس بجمبه وهو يضرب كتفه ويقول : اوف اوف يا زيد لا ذا مب انت الرجال ما يبكي كون اقوى من كذا لا تنهّد وارضى بالمكتوب
زيد : ان شاء الله
توّجه كل واحد ل مكانه بينامون
*
جا ثاني يوم وبدو الناس يجون ويعزون
مرّت ايام العزا والعايله بحزن كبير وما يدرون بعد وش يصير مع الجده منيرة لكن كانو يدعون
وكان اللي يقويهم نواف ، منجد نواف ما بيّن ضعفه وحاول انه يكون سند لهم
*
بعد ثلاث ايام من العزا :
توّجه علي وولده فهد وزيد ونواف للمستشفى بيتطمنون على وضع الجدة منيرة
بعد مدّه وصلو المستشفى والتقى علي بالدكتور
الدكتور اللي يبشر علي : الحمدلله رب العالمين الوالده توها الحين قعدت والحمدلله انها ما دخلت غيبوبه وان شاء الله يومين ونكتب لها خروج
ابو فهد اللي فرح مره : الله يبشرك بالخير يا دكتور الله يبشرك بالخير
فهد للدكتور : دكتور نقدر نشوف جدتي الحين ؟
الدكتور : لا الحين وضعها ما يسمح ان شاء الله بكرا تجون وتشوفونها
فهد : ان شاء الله خير
*
بالبيت :
العايله كلها كانو جالسين بالمجلس واللي يقرا قران واللي يسبح
دخل ابو فهد :
البشارة ، الحمدلله امي صحت والدكتور قال انها هاليومين بتطلع ان شاء الله
فرحو كلهم وحمدو الله
ترف اللي فرحت وجلست تبكي من الفرحه وتنطق الحمدلله ياربي الحمدلله
نواف اللي يناظرها ويبتسم فرح انه شاف ضحكتها الحلوه من بعد الوضع اللي كانت فيه