في الديره
السسَـاعه 3 صبـاح
عند نواف اللي جالس بالحوش بعد ما اعترف ل ترف حس انه ارتاح وقال اللي من سنين شايله بقلبه وقرر انه يروح ينام
اما ترف اللي راحت غرفتها
جلست ترف على سريرها وبدت تلف بشعرها وتبتسم وتتذكر كلام نواف
مسكت ترف جوالها ودقت على خويتها جود " خويتها بالمدرسه واقرب وحده لها "
ترف : الو شحالك جود وش اخبارك عساك طيبه
جود : ارحبي ولله بخير ابشرك وانتي وش اخبارك
ترف : الحمدلله بخير دامك بخير
جود : تدرين اني اشتقت لك ي حيوانه ماصدق متى يجي الاسبوع الجاي على شان اشوفك
ترف : اممم تدرين عندي لك خبرين واحد حلو والثاني شين وش ابدى فيه ؟
جود : قولي الشين اول ههههههههههه
ترف : تدرين يا جود اني نقلت للديره وبعيش هنا
جود : تمزحين والمدرسه ؟
ترف : ولله ما ابغى اكمل الدراسه وبفصل من المدرسه
جود : مو منجدك ما باقي لنا الا ترمين ( فصلين دراسيين ) ونتخرج وشفيك !
ترف : انتي تدري ياجود وقلت لك من قبل اني لو لا ابوي ما كملت دراستي
جود : ولله مادري اللي تشوفينه واللي يريحك بس اهم شي لا تسحبين علينا كل ما جيتي الرياض مريني
ترف : افا عليك اكيد ياروحي
جود : امممم وذا الخبر الشين اجل وش الخبر الحلو
ترف : عاد تدرين انتي اول وحده تدري ب ذا الشي
جود : يووو حمستيني تكلمي
ترف : تذكرين نواف ولد عمتي اللي قلت لك عنه
جود : اي اخو ريفان ؟
ترف : ايوه هو تدرين انه اعترف لي وقال انه يحبني وان له 5 سنين وهو يحبني وانا مب حاسه على شي وربي صدمني
جود : يوووه ياحضك عاد نواف يازينه دايم اتابع ستورياته اووففف صاروخ جو ارض
ههههههههههههههههههههههههههههههههههههههههههههههههههههههههههههههههههههه😂💔
ترف بضحك : هي هي وش صاروخ جو ارض كلي زق ما اسمح لك
جود : امممم بدينا نغار
ترف : لا شدعوه غيرة ايش
ضحكت جود : اي واضح واضح يلا الحين بروح امي تبيني واكلمك بكرا طيب ؟
ترف : انزين تصبحين على خير وقفلت
نامَـت ترف بعد اليوم الطويل من التعب .
*
ثاني يوم الساعَـه 9 الصباح
بالمطبخ عند مها وسارة وريم اللي يحضرون للفطور
مها : انا بروح اقعّد البنات والعيال
سارة : خليهم الحين امس جو متأخر واكيد تعبانين
ريم : اي ولله امس جا نواف ويقول يمه ولله زحمه بالرياض وتعبو بالطريق
مها : ان شاء الله خير
دخلت ام فهد : صبحكم الله بالخير
ردو جميع : صباح النور ياهلا
ام فهد : عمتي منيرة توها قعدت بتحطون الفطور ؟
سارة : اي ان شاء الله ما باقي شي ونخلص
ام فهد : تبون شي اساعدكم فيه
مها : لا ياوخيتي روحي اجلسي مع امي لين ما نجيب الفطور
ام فهد : ان شاء الله
طلعت ام فهد وتوجهت للمجلس وجلست مع منيرة .
منيرة ل ام فهد : ولله زين ما سوّت ترف انها بتجلس هنا ولله اني استانس بشوفتكم
ام فهد : ولله يا عمتي لولا شغل علي ب الرياض ما ردينا وعشنا هنا معاكم بس وش نسوي وان شاء الله كل اجازه ل علي نمركم
منيرة : ادري ولله يلا ان شاء الله وابد حياكم باي وقت
ام فهد : الله يبقيك عمتي
منيرة : الا متى بترجعون الرياض
ام فهد : ان شاء الله اليوم بعد المغرب على شان اشغال علي
منيرة : الله ييسر لكم
دخلو سارة وريم ومها وبدو يحطون بالصحون على طاولة السفره وجلسو وبدو ياكلون
دخل نواف وهو يضحك ويقول : ها اشوف ما قعدتوني افطر معاكم ولا ما تبوني
ضحكت ريم : تعال اجلس ياوليدي لا ولله لانكم امس قلتو انكم تعبانين عشان كذا قلت لا قعدتو نحضر لكم فطور
جلس نواف : ماعليه ماعليه وصبّح عليهم سمّا بالله وبدا ياكل
بعد ما خلّصو اكل توّجهو للمجلس يتقهوون
منيرة : ها ي نواف بترجع مع اهلك ابها ؟
نواف : ولله ما ادري يا جدتي
ريم ( ام نواف ) : نواف خلّك هنا دام ماعندك مدرسة ولا شي ب ابها خلك عند جدتك وخالتك هنا
نواف اللي الفرحه ما شالته بحكم ان ترف بتبقى هنا
نواف : اي خلاص يمه وانا اصلا كنت بقول كذا
ام فهد : هاذا انت وترف تجلسون هنا بعد فتره بيجيني زيد ويقول ببقى هنا بعد
ضحكو كلهم
ريم : اييييهه وحتى ريفان ادري فيها مستحيل تشوف ترف جالسه هنا وترجع معانا بس ان شاء الله لا انهت دراسهه بخليها تجي هنا
سارة : ولله حياكم جميع
دخلت ترف وريفان وسلمو على الجميع
الجميع ردو السلام وجلسو
سارة : ها ي بنات تفطرون هنا ولا تجلسون بالمطبخ ؟
ترف : لا عادي عمتي نجلس بالمطبخ
سارة : ان شاء الله خير
توجهو للمطبخ وبدو يحطون الفطور على الطاولة وجلسو
في المجلس :
دخل زيد وسلم وردو السلام عليه
زيد : يمه وينه فهد
ام فهد : اليوم طلع هو وبيان من بدري على شان بيروحون السوق وبعدها بيرجعون الرياض
زيد : ايوا
ام فهد : روح يا وليدي البنات حاطين الفطور بالمطبخ روح كل معهم
زيد : ان شاء الله يمه وتوّجه للمطبخ
دخل زيد على المطبخ وحط يده على الباب وقال بضحكه : هل تسمحون لي بالدخول
ضحكو البنات
ريفان : حياك تعال
دخل زيد وجلس على الكرسي اللي مقابل ريفان
ريفان : تبي شاهي ؟
زيد : اي ولله يا ليت
ريفان بابتسامه : ابشر وعطته كاسة شاهي
زيد اخذ كاسة الشاهي وبدا يحط سكر ويحرك بالملعقهه ويناظر ل ريفان ويبتسم
ترف : الحمدلله شبعت وقامت وراحت للمجلس
مابقى الا ريفان وزيد
زيد : ها رفون متى بترجعون ابها
ريفان بتنهيده : يو تكفى لا تنكد علي بنرجع بكرا
ضحك زيد : اشكري ربك حنا اليوم بنرجع
ريفان : يووو منجد ؟
زيد : اي ولله توها امي تقول لي بنرجع بعد المغرب للرياض
ريفان : ايهه ياحظها ترف بتبقى هنا
زيد : اي ترف ما عندها شي بس انتي تحزنين عندك مدرسه وضحك
ريفان : زييييييد !!!
زيد : اطقطق اطقطق لا تزعلين
خذت ريفان كاسة الشاهي وقامت وهي تقول : الا بزعل
مرت من قدامه على اساس بتطلع
قام زيد ومسك ريفان من يدها وشدها عليه مسكها من شعرها وهو يناظر بعيونها وقال : قلت لك اطقطق
انصدمت ريفان : اي اوكيه اوكيه وبدت تبعد عنه
وهو باقي صامل وماسكها ويناظرها ويبتسم
ويقول : اخخ ي رفونتي
ريفان بتوتر : زيد الحين احد يدخل شفيك !
زيد اللي قرب من رقبتها بدا يهمس ويقول : وخلهم يشوفون
قامت ريفان بسرعه وقالت : زيد شفيك انت
زيد عدل جلسته : ها لا ولا شي
طلعت ريفان بتروح للمجلس وطلع زيد وراها
دخلت ريفان وجلست بجمب ترف وزيد جلس بجمب نواف
لاحظت ترف على ريفان انها متوتره وفيها شي
ترف : فيك شي ريفاني ؟
ريفان مسكت يدها : لا يروحي
ترف : اممم يوو بشتاقلك ترى بكرا بترجعون ابها والليله لازم نفلها قبل تروحين
ريفان : اي ولله
ترف : دريتي ؟
ريفان : ب وشو
ترف : اخوك نواف بيبقى هنا
قامت ريفان وصرخت : خير وانا ؟!
ترف مسكتها وجلستها : هي شفيك اهدي
نواف : شفيك وش اللي وانا خير ؟
ريفان ل امها : يمه خير نواف بيبقى هنا وانا
ضحكو كلهم
ريم : ولله يابنيتي على شان مدرستك بنرجع واكيد بنجي كل اجازه هنا
ريفان بتنهيده : ييوووو وربي مب عدل ذا
الجده منيرة : خلاص يابنيتي يا رفون ان شاء الله ما تقطعون وبتجون كل فتره صح يا ريم
ريم : اي اي اكيد
زيد ناظرها وابتسم وقال بخاطره :
يا مدلعَـهه الله عطاش من الجمال ومستواهه
اللي يخلي من يشوفش يهتويش
عيونش .. تطيّح لش الطير بسمَـاهه
وانا اللي واقف بين حب وبين طيش
لا وجهه لا نظرهه لا مشيهه لا عباهه
من وين ما رحتي محد غطّى عليشش
انتي الجمال اللي بعمري لم ارآهه
قصص ليالي الف ليلهه تحتويش
❤❤❤❤🌷.
#للشاعر حمد البريدي🌷.
*
دخل ابو فهد وسلم على الجميع وردو السلام
ابو فهد ل زيد ونواف : يا عيال الحقوني الديوانيه ابيكم وطلع
نواف اللي يهمس ل زيد : هي ورع وش مسوي من مصيبه
زيد : ما سويت شي
نواف : انزين قوم نشوف وش يبغى
زيد : اي يلا
منيرة : روحو يا عياليي شوفو وش يبي علي
نواف : اي اي جدتي بنطلع
طلعو نواف وزيد وتوجهو للديوانية ودخلو
نواف : خير ان شاء الله يا خالي وش بغيت
ابو فهد : ابغاكم تروحون معي السوق بنجيب كم غرض للبيت قبل لا اطلع على شان لا ينقص عليهم شي
نواف : بس خالي انا ببقى هنا وان شاء الله ما ينقصهم شي
ابو فهد : اي بس الاحتياط واجب
نواف : اللي تشوفه يا خال
زيد : انزين يبا متى تبي نروح
ابو فهد : الحين عندكم شي ؟
زيد : لا ولله انا ماعندي شي بس مادري عن نواف
نواف : لا ابد ولله ماعندي شي جالس
ابو فهد : انزين مشينا
نواف : انزين اسبقوني للسيارة وانا بروح اجيب جوالي نسيته داخل والحقكم
ابو فهد : انزين لا تتأخر
نواف : ان شاء الله
دخل نواف وراح للمطبخ بحكم انه نسى جواله على طاولة المطبخ
دخل نواف المطبخ وهو يركض بحكم انه مايبغى يأخر خالهه
ترف اللي كانت جالسه تشرب مويا
التفتت ترف الا ونه نواف
وقف نواف وجالس يتنفس بسرعهه من الركض 😂😭😭
ترف بضحكه : هي بسم الله عليك وش فيك
نواف : انقذيني بمويا تكفين
ترف : ايه ابشر ابشر وعطتهه قلاس مويا
ترف : ها شفيك
نواف : يو بلحق خالي لان اذا تأخرت بيفصل علي
ترف : ليه وين بتروحون
نواف : بنروح السوق ما علينا الحين ما ابي اتأخر بس جيت باخذ جوالي
" ترف كانت واقفه عند كولر المويا اللي بجمب الطاولة "
مر نواف من عند ترف بياخذ الجوال
ترف اللي مسكت الجوال بتعطيه ياه ونفس الوقت نواف كان بياخذه وجات يده على يد ترف
ابعدت ترف يدها وقالت : كنت بعطيك ياه
نواف اللي مسك يدها وناظر لعيونها وقال :
خلّي يديني في يدينش ونتعاهد في هوانا
ما تغيّرنا الليالي والظروف المستحيله😢❤
توترت ترف وما عاد قدرت تقول شي تركت يدهه وطلعت
نواف اللي جاتهه لحظة ادراك انهه لو تأخر دقيقه بعد بينجلد من خاله علي😂😭😭
طلع نواف وركب بالسيارة
نواف : عسى ما تأخرت عليكم
ابو فهد : حصل خير حصل خير
وطلعو .
أنت تقرأ
وانا معاه اعيش فرحه بدون حدود احبه حب اكبر من مدى ظنه❤.
Poetryتتكلّـم روايتنـا عن عايلَـه كبيـره ومحبّـه ل بعضهَا وبتكـون بطلتنـا تشـوف البطل بحسبـة اخوهـا لكـن مع مرور الوقـت تتحـول هاذي العلاقـه ل حـب كبيـر❤.
