وانا معاه اعيش فرحه بدون حدود احبه حب اكبر من مدى ظنه❤.

part 3🌷:

في الديره في بيت الجد سلمان
كلهم كانو جالسين بالحوش الكبير ويتقهوون عند العيال :
زيد لنواف : نواف وش رايك نروح نفرفر بالسيارة وربي طفش
نواف : مب شايف انه طفش ولله مافي ازين من هالجلسه
ام فهد : اي يانواف هاذا زيد مايعرف يجلس بالبيت واذا جلس احتمال يصير فيه شي
ضحكو كلهم
الجد سلمان : اتركيه يا ام فهد يابنيتي يعيش حياته هاذي الحياه رايحه واللي بعمره الحين كلهم نفسه ما تلاقين اللي يجلس عند اهله
ام فهد : اي ياعمي شنسوي ذول الشباب الله يصبرنا عليهم بس
ضحك زيد : يمه شدعوهه
ضحكو كلهم
زيد لنواف : ها نواف شقلت
نواف : زين مافيه مشكله
فزت ريفان : نوافي اخوي تكفى تكفى بنروح معاكم انا وترف تكفى بنغير جو نروح كوفي وكذا تكفى طالبتك
ضحك نواف : الراي مب معي مع زيد
ناظرت ريفان ب زيد : زيد تكفى بنروح معاكم
زيد اللي سرح بنظرة عيونها ونسى وش قالت
ضحكت ريفان : ها زيد شقلت
زيد : على وشو
ريفان : شفيك ان نروح معاكم انا وتروف
زيد : اي تمام تمام بس تجهزو لان مالي خلق انتظر ترى
ضحكت ريفان : اوكيه مانتأخر
ريفان لترف : يلا تروف
ترف اللي مصدومه من رد زيد وانه وافق بهالسرعه هاذي ضحكت وقالت : يلا اوكيه
راحت ترف وريفان البيت يتجهزون
مها : ولله وش يبون يسوون اكيد طفشو من سوالفنا ومب جوهم هههههههه
ضحكو كلهم
نواف : لا ولله مب كذا بس تغيير جو لا اكثر
زيد : اي اي تغيير جو
طلعو ترف وريفان
ترف : ها بنطلع بسيارة من ؟
نواف : نطلع بسيارتنا وش قلتو
زيد : اي اي سيارتكم كبيره البنات يجلسون ورى وانت تسوق يا نواف انا بجيب العيد فيكم لو سقت
ضحك نواف : اي زين
طلعو وركبو بالسياره
ركبت ترف بالكرسي الخلفي " مقابل المرايه اللي عند السايق "
طلعو وبدو يمشون
زيد : نواف ياخي جوك نايم حط لنا شي نسمعه
ريفان : ايوه ايوه حط ل عبادي الجوهر اغنية عيونك اخر امالي تدري فيني يانواف اعشقها
نواف : ابشري
شغل الاغنيه  وريفان اللي بدت تغني مع الاغنيه نست نفسها ونست ان زيد موجود
نواف : هي هي وش فيك تحمستي اقفلها الحين
ريفان : اوو نسيت اسفه خلاص
جا ذا البارت ب الاغنيه " عيونك اخر امالي " وناظر نواف للمراية ناظر ل ترف اللي كانت جالسة على جوالها وتبتسم وقال بخاطره
" يا بخت عيني دامها في شوفتك تهنت "
زيد لنواف : هي نواف وش فيك شويه ولا كان روحتنا وش فيك انتبه ل سواقتك
نواف : اي اسف سهيت
كملو طريقهم ووصلو الكوفي اللي بيجلسون فيه
جلسو البنات بطاوله والعيال بالطاوله اللي بجمبهم
زيد : ها وش تبون نطلب وش تبين يا ريفان
ترف ضحكت : هي ترى انا اختك المفروض تسألني انا
ضحك زيد : امري وش تبين يا اختي
ترف : خلاص طس انت ووجهك انا بطلب نواف
نواف اللي فز قلبه يوم سمع اسمه وهي تنطقهه
نواف : امري وش بغيتي
ترف : هاذا ولد عمتي الكفو مايامر عليك عدو ابي ايس كوفي
نواف ضحك : افا عليك يابنت خالي ابشري على هالخشم
ضحك زيد : امري يابنت خالي يارفون وش تبين
ريفان اللي تضحك بصوت عالي ومصدومه
نواف : هي ريفان قصري صوتك بتفضحينا انتي
ريفان : اوو نسيت نفسي ولله
نواف : انزين يلا يازيد انا بطلب للبنات اللي يشربونه وانت روح اطلب الحلى
زيد : اوك
جلست ترف وريفان على الطاوله
ترف : ريفان تذكرين مشاري اللي قلت لك عنه
ريفان : اي ولد جيرانكم
ترف : ايوه لو تدرين امس شصار
ترف : وش صار
ترف قالت ل ريفان الموقف
ريفان : تمزحين انتي ماتعرفينه ذا حق بنات لا تنخدعين بالمظاهر صدقيني ذا ما يستاهلك يمكن فيه احد يحبك من قلبه ومكتفي فيك ومايشوف غيرك ذا اللي يستاهلك
ضحكت ترف : ومن ذا اللي يحبني من قلبه ومايشوف غيري
ريفان : ماتدرين مع الوقت يمكن يجي ويصارحك
ترف : من تقصدين
ريفان : اطقطق معك شفيك بس انا اقول كذا
ترف : ايوه
نواف اللي كان واقف قريب منهم وسمع كل الحديث وانصدم
جا نواف وجاب القهوه وقال : ريفان روحي شوفي زيد وش فيه تأخر
ريفان اللي فهمت ان نواف يبغى يكلم ترف
ريفان : اوكي الحين بشوفه
جلس نواف قبال ترف وقال : ترف انصحك تبعدين عنه
ترف : وش فيك نوافو وش تهبد ابعد عن من ؟
نواف : انا كنت واقف هنا وسمعت كل حديثكم انتي وريفان
ترف بصدمه : لا انا ما كنت اقصد هاذي خويتي قاطعها نواف بالكلام وقال : ترف قلت لك ابعدي عنه افضل لك
ترف : ان زين وانت وش عليك مني
نواف بعصبيه : كيف وش علي منك ياترف انتي ماتعرفينه ذا مشاري
ترف : ولله انتو اللي ماتعرفونه وكلكم ظالمينه
جا زيد وريفان
زيد : شفيكم شفيكم
ضحك نواف : لا لا ولاشي
زيد : كيف ولا شي وصراخكم واصل لين الشارع
ترف تبغى تغير الموضوع : ها وين الحلى حقي
نواف : يلا يلا يازيد نترك البنات لحالهم
راحو العيال وجلسو على الطاوله
عند البنات : ترف اللي ساكته ولا جالسه تقول شي وعيونها صارت حمره
ريفان : ترف شفيك
ترف اللي نزلت دمعتها وابتسمت لا مافيني شي بس بروح الحمام
ريفان : انزين وش فيك تبكين
ترف : هي وشفيك ما ابكي الضاهر شي دخل بعيني من المسكرا ولا شي بروح الحمام اشوف
ريفان : تمام انتظرك
عند نواف اللي ماشال عينه عن ترف : نواف اللي يقول بينه وبين نفسه : انا ليه سويت كذا ليه ليه زعلتها
نواف لزيد : زيد ابغى اروح السيارة نسيت سماعتي الحين برجع
زيد : انزين
طلع نواف وتوجه للسياره والتقى ب ترف اللي كانت جالسه تبكي بحرقه
فتح نواف باب السياره
انصدم نواف وركب ترف مسحت دموعها
نواف : شفيك ترف
ترف : مافيني شي وكانت بتنزل من السياره
نواف مسك يدها وقفل الباب
ترف اللي نزلت يد نواف وقالت : خير وش تبغى مني انت
نواف : اسف ولله اسف ما كنت اقصد اني ازعلك بس ولله يا ترف انك ما تعرفينه والايام بتثبتلك ذا الشي مب انا
ترف : انزين نشوف وش بتثبت لي الايام يا نواف
نزلت ترف وراحت جلست مع ريفان ونواف بعد راح عند زيد
زيد : ها يا بنات وش رايكم نطلع الحين نرجعكم البيت وبعدها بنطلع انا ونواف نروح نجلس بالبر
نواف : لا ولله يازيد تكفى خلنا نرجع البيت وربي تعبان مره ومصدع
زيد : زين اللي تشوفه
حاسبو وطلعو
"طول الطريق كلهم جالسين وساكتين ترف اللي جالسه تفكر ومصدومه نواف كيف صارخ عليها و وش يقصد باللي سواه
ونواف اللي جالس يفكر بعد وندمان مره انه صارخ عليها ويفكر كيف بيعتذر لها وزيد وريفان كل واحد على جواله"
وصلو البيت
دخلو سلمت ترف على الجميع اللي كانو يجلسون بالحوش ودخلت داخل
جلسو نواف وزيد وريفان مع العايله
ام نواف : الا ريفان شفيها ترف ما جلست معنا
ريفان : ولله مادري يمه تقول انها مصدعه
فزت ام فهد : بسم الله عليها بنيتي بروح اشوف شفيها
زيد : يمه وش فيك انتي قالت انها مصدعه ليه تكبرين الموضوع وترى ماعاد هي بزر
ابو فهد : نواف وش تبي فيها انت روحي روحي ي ام فهد شوفي البنت واذا تبغى شي قولي لي
الجده منيرة بضحكه : ايه الضاهر ان زيد يغار من ترف
ضحك زيد : لا ولله ياجدتي بس ماتشوفين امي وابوي شلون يدلعونها
مها : اي عاد هاذي بنتهم الوحيده اكيد بيدلعونها
ضحكو كلهم
دخلت ام فهد على ترف اللي كانت جالسه بغرفة عمتها سارة ( بحكم انها بتنام عندها )
ام فهد : ترف وش فيك يا بنيتي عسى ماشر
ترف : ابد ولله يمه بس صداع شوي ولا تخافين خذيت مسكن والحين بيطيب ان شاء الله
ام فهد : ان شاء الله خير
ترف : يمه انا بنام الحين قعدوني على السحور
ام فهد : ما بتسهرين معنا
ترف : لا يمه
ام فهد : ان شاء الله
طلعت ام فهد
عند نواف اللي متوتر قام نواف ودخل داخل
ارسل نواف ل ريفان انه يبيها بالمجلس الكبير
جات ريفان
ريفان : خير ان شاء الله
نواف : ريفان تكفين تشوفين ترف وش فيها الظاهر انها زعلت من كلامي لها تكفين شوفيها
ريفان : ليه وش قايل لها انت
نواف : بقولك بعدين بس الحين روحي وشوفي وش فيها
ريفان : اوك اوك خلك هنا
نواف : تمام
دخلت ريفان على ترف اللي جالسه تبكي
ريفان اللي حضنت ترف وتقول : حبيبتي بسم الله عليك وش فيك
ترف : ما ادري يا ريفان ما ادري وش نهاية ذا الحب
ريفان : اي حب تقصدين
ترف : مشاري وربي اني احبه بس كلهم يقولون بتندمين وماحد يحبه ما ادري ليه وحتى ابوي واخوي زيد ما ادري
ريفان : استهدي بالله انا بحاول افهم الموضوع من نواف واقول لك
ترف : انزين
طلعت ريفان وتوجهت ل نواف اللي جالس بالمجلس
ريفان : نواف اللي فهمته من ترف انها تحب ذا اللي اسمه مشاري ونفس الوقت خايفه
نواف اللي خبط الطاوله وقال : اخخخ يا ترف متى بتفهمين متى
ريفان اللي تهدي نواف : اهدى وشفيك ان شاء الله انها بتفهم مع الوقت والحين خلنا نطلع لا يفقدونا
نواف : ايه افضل
طلعو وتوجهو للحوش
جلسو كلهم وجا وقت السحور
الجده منيرة : روحي يا ريفان يا بنيتي قعدي ترف على شان تتسحر
ترف : ابشري
طلع زيد وقال انا بروح اغسل وجهي
زيد مشى ورى ريفان ونطق بصوت واطي : هي ريفان ريفان
ريفان اللي لفت وجهها : بسم الله
زيد : هههههههه وش فيك خفتي
ريفان باستهزاء : لا ليه اخاف
زيد : اي واضح واضح تدرين يا رفون ما تخطيت
ريفان باستغراب : ما تخطيت وشو
زيد : نظرت عيونك ونتي تطلبين تروحين معنا
ريفان : اااا شنوووو
زيد بضحكه : هههههه اطقطق اطقطق كنت بسالك وش فيها ترف
ريفان : ايوه انا اللي بسالك بس تكفى لاحد يدري ولا ابغى مشاكل
زيد : ابد ابد قولي
ريفان : وش سالفة ذا مشاري ولد جيرانكم
زيد بعصبيه : ليه وش جاب طاريه
ريفان : هدي وش فيك بس انا كذا سمعت خالي ابو فهد ونواف يقولون عنه وذبحني فضولي بس
زيد : ايوه ذا يتاجر هو وابوه ومطلوبين ان شاء الله ينقفطون وربي اني ابي الفكه منهم امحق جيره وخالقك
ضحكت ريفان : اي فهمت ان شاء الله ان شاء الله
زيد : ايه
توجهت ريفان ل ترف وقعدتها من النوم
تجمعو كلهم وبدو ياكلون
ترف اللي جالسه تحرك الاكل بالشوكه ومو جالسه تاكل شي
ونواف اللي لاحظ ذا الشي وما شال عيونه عنها
خلصو وكل واحد توجه ل غرفته والعيال توجهو للديوانيه بينامون فيها