بالديره :
بعد ما توّجه نواف للديوانيه والارض مب شايلته من فرحته قرر انه ينام وهو مرتاح بحكم انه تأكد ان ترف مب زعلانه منه
وترف اللي توجهت للبيت وهي تبتسم وتفكر بكلام نواف لها وفيه شي بداخلها يقول : لا لا تفكرين كذا ذا ولد عمتك وبحسبة اخوك لا تفكرين كذا
توجهت للغرفه ونامت
*
جا اليوم المنتظر🌷🌷🌷
( اول ايام عيد الفطر السعيد ) .
في الصباح الساعة ٦ ونص
عند الجد سلمان اللي قعد من النوم توّجه للمجلس
اللي سارة ومها وام فهد وام نواف جالسين فيه
توّجهت سارة ل ابوها وهي تبوس راسه وتبارك له بالعيد وتبخره وكذلك مها وام فهد وام نواف سلمو عليه وجلسو يتقهوون وياكلون حلى
الجد سلمان : الا يا ام فهد وينه علي ما اشوفه باقي ماقعد من النوم ؟
ام فهد : لا ياعمي قعد وجالس يتروش
دخل ابو فهد ( علي )
سلم على ابوه وخواته وجلس معهم
علي : يلا انا بروح اقعّد العيال على شان نلحق على صلاة العيد
توّجه علي للديوانيه وقعّد زيد ونواف من النوم
قعدو وغسلو وتوجهو للبيت وبدلّو ثيابهم وسلمو على الجميع
عند البنات بالغرفة :
ترف ل ريفان : ها رفون ننزل الحين ولا ننتظر لين جدي وابوي والعيال يطلعون الصلاة
ريفان : لا ننتظر لين يطلعون افضل كذا عشان مالي خلق البس عباتي الحين
ضحكت ترف : اوك اوك
بعد مدة قصيرة دخلت ام فهد على البنات
ترف سلمت على امها وتبارك لها بالعيد
وريفان كذلك الامر
ام فهد : ها ي بنات ما بتنزلون تسلمون على جدتكم
ريفان : الا ي خالتي بننزل الحين
ام فهد : زين ترى العيال طلعو بس جيبو عباتكم لأن ما تدرون متى يرجعون
ترف وريفان : ان شاء الله
نزلو وتوّجهو للمجلس سلمو على الجميع وجلسو
الجدة منيرة : وش رايكم الليله نطلع كشته نغير جو قبل لا ترجعون على دياركم
مها : ولله مو بغلط
سارة : خلاص لي جا ابوي بقول له نطلع حزة المغرب ونجلس لنا ب مكان ونشب النار ونجلس نتقهوى
ترف : الله عاد تدرين يا عمتي سارة ان الاجواء هاذي احبها اكثر من عجقة السوق والفرفره
ضحكت ريفان : يوو انا مب جوي بس اوكيه دامك فيه يا ترف انا بروح
ضحكو كلهم
ريفان ل ترف : تروف وش رايك نطلع بالحوش ونتصور
ترف : يوو عاد تدرين خوياتي بيدقون فيني لو ما تصورت لهم زين يلا نطلع نتصور
ريفان : يلا
توّجهو للحوش وجلسو بالجلسة
ترف : رفون انا بجلس هنا وابيك تصوريني وانا اناظر الباب
ريفان : اوك يلا
جلست ترف على العشب اللي بالحوش وفردت فستانها الازرق وناظرت للباب وابتسمت
مافيه ثواني وريفان باقي ما صورت الا و باب الحوش يفتح الا ونه نواف وزيد
نواف فتح الباب وهو جالس يسولف مع زيد ويضحك وجات عينه على ترف
نواف اللي ماتخطى جمالها بالفستان وشعرها الويفي وغرتها اللي على عيونها قال بخاطره :
" يا بخت عيني دامها في شوفتك تهنت
و العيد من دون شوفتك مايعتبر عيد🥹🤎" .
ترف اللي فزت وهي مب حاسه على نفسها وركضت للبيت
ريفان اللي باقي ماشافت زيد وتحسبه نواف لحاله
ريفان وهي ميته ضحك : هي تروف شوي شوي لا تطيحين
التفتت ريفان وشافت زيد وركضت بعد ورى ترف😂😂😂😂😂😭
دخلو البنات وهم ميتات ضحك
ريفان : وش جابهم الحين
ترف : ولله ما ادري لو ادري خذيت عباتي
ريفان : اي اوكيه اوكيه نتخطى ان شاء الله
ترف ضحكت
توجهو البنات للمجلس وكل وحدة لبست عباتها
دخل نواف وزيد
سلمو على الجميع وباركو لهم بالعيد
سارة : ها ي عيال وين ابوي وعلي
نواف : خالي علي وجدي قالو بيروحون يعيدون على اخوياهم وكذا
سارة : وانتو ليه ما تروحون معهم
ضحك زيد : يا عمتي وش لنا بجوّ الشيبان
ضحكو كلهم
ترف بعصبيه مع طقطقه : هي زيد وش تقصد ابوي شايب وربي افصل عليك الا ابوي
زيد : ايه عاد ذا اللي بيذبحني دلال امي وابوي لك
ام فهد : ها يا زيد وشفيك ولا لا تكون تغار من اختك
ضحك زيد : لا لا شدعوه
ترف اللي ضحكت ضحكتها الهاديه ونواف يناظرها ويقول :
أنت تقرأ
وانا معاه اعيش فرحه بدون حدود احبه حب اكبر من مدى ظنه❤.
Poetryتتكلّـم روايتنـا عن عايلَـه كبيـره ومحبّـه ل بعضهَا وبتكـون بطلتنـا تشـوف البطل بحسبـة اخوهـا لكـن مع مرور الوقـت تتحـول هاذي العلاقـه ل حـب كبيـر❤.
