මගේ ඇට්ටේරියා මල ❤️ [ BL ]

Part 9 (මගේ ඇට්ටේරියා මල)

"සඳ...දෙව්ව්ව්..සඳදෙව් "

ඉතින් අදිස් කෑ ගහගෙන සඳදෙව්ගේ ගෙදර ආවේ පොළේ වැඩ තමන්ට බාර දීල දවසෙම අතුරුදන් වුණ සඳදෙව්ව හොයාගෙනයි . ඉතින් යකා නැගලා ගෙදරට කෑ ගහගෙන අදිස් ඇවිත් සාලෙට ගොඩවෙද්දී සඳදෙව් නම් හිටියෙ නෑ . හැබැයි සඳදෙව්ගේ අයියා සියොල් ඉඳගෙන පොතක් කියවන ගමන් හිටියෙ .

කොහොමහරි පොතට වැහුණු කෙනා සඳදෙව් කියල හිතල අදිස් පොත ඇදල ගන්න ගමන් ,

" බේසිකයා...තෝ පොත් කියවන්න..මම ගිරිය කඩන්...අ..අයියෙ . "කියල කියවුණා විතරයි . ලැජ්ජාවට අදිස්ට පොළොව පලන් යන්න හිතුණා .

" අයියෙ .මේ..මේ..මම හිතුවෙ අරූ කියල .ඒකයි මේ..අයියෙ..මේ.." මේ අර මේ කිය කිය පටල පටල ලැජ්ජාවෙන් බේරෙන්න අදිස් ගොත ගහද්දී.

" ආ.. බේසිකයා දැන් ටිකකට කලින් නාන්න කියල වත්ත පල්ලෙහා ළිඳ හරියට ගියා . " කියල හිනාවෙවී සියොල් කිව්වෙ හොයාගෙන ආවෙ කාවද කියල හිතාගන්න පුළුවන් නිසයි.

" ආ..හරි අයියෙ . එහෙනම් හරි අයියෙ මේ අරක ගණන් ගන්න එපා. මම එහෙනම් යන්නම් . " කියල අදිස් ශේප් එකේ කැපෙන්න හදද්දිම ,

" පොඩ්ඩක් ඉන්නකො මල්ලී . " කියල සියොල් අදිස්ව නැවැත්තුවා .

ඉතින් අදිස් කටේ තිබ්බ කෙල ටිකත් ගිලල යන්න හැරුණු පය නැවත U trun එකක් ගහල අනිත් පැත්ත හැරිල සියොල් දිහාට හැරුණා .

" මල්ලී මට ඔයාගෙන් පොඩි දෙයක් දැන ගන්න ඕන. " සියොල් ඒක කිව්වෙ හරිම බරසාර කටහඬින් .

" මොකක් ගැනද අයියේ ? "

" අපේ සඳදෙව් ගැන "

" සඳදෙව් ගැන ? ඒ කිව්වෙ ? "

" ඒ කිව්වෙ මීට කාලෙකට කලින් මොකක්ද අපේ මල්ලිට වුණේ. ඇයි එයා එහෙම කතා නොකර මාසයකට වඩා හරි අමුතු විදියට හැසිරුණේ. මම දන්නවා සඳදෙව් ඔයාට හැමදේම කියනවා . ඉතින් මටත් ඒ දේ දැනගන්න අයිතියක් තියෙනවා නේද අදිස් ? "

" අයියෙ , ඒකට මට දෙන්න තියෙන එකම උත්තරේ ඒක සඳදෙව් ඔයාලටම දවසක කියයි . එතකන් ඒ ගැන මගෙන් අහන්න එපා. "

" ඇයි ඔච්චර ඕක අපෙන් ඔයා හංගන්නෙ ? මොකක්ද හේතුව ? සඳදෙව් ඒක අපිට කියන්නෙ නෑ . අඩුම ඔයාටවත් කියන්න බැරි ඇයි ? "