මගේ ඇට්ටේරියා මල ❤️ [ BL ]

Part 8 ( මගේ ඇට්ටේරියා මල )

වර්තමානයට,

විද්‍යා අංශෙ එකම ඝෝෂාවක් . ඔව් ! එච්චරම සාමකාමී සයන්ස් එක එහෙම කැළඹුණේ වාර්ෂිකව හැම අංශයක ම වගේ තියන පොළ විද්‍යා අංශයට තිබුණු දවස අද නිසයි .

" ලාභයි...පෑන් කේක් එකක් 50යි .මල්ලී මේ එන්න .ගන්න "

" ඒ අදිස් පොඩ්ඩක් උදවු කරනවකො මේක විකුණන්න . "

" අනේ තොපේ ඔය පොල් ඔතපු රොටී ගන්න කාටවත් පිස්සු නෑ . අනික තොපි ඔය බැජ් එක ගහන් පොඩි උන්ට හවසට පෝළිම් හදනවා කියල දෙන වදේට ආවොත් පුදුම . අනික උඹල අපායට ගහපු කැලැන්ඩර් ටිකක් කොට ඕව ගන්න තියා උඹල දිහා හැරිල බලනවද එකෙක්. "

එහෙම කියාගෙන තමාගෙ ම සෙක්ෂන් එකේ කෙල්ලොන්ට විහිළු කරන් අදිස් එතනින් දිව්වෙ හිටියනම් එතන හිටපු මහත එකීගෙන් ගුටි කන්න වෙන නිසයි .

එහෙම ඉතින් අදිස් දුවගෙන ගියෙ හොඳම යාලුවා ගාවට තමයි . සඳදෙව්යි අදිසුයි උසස්පෙළ එකම පන්තිවල නෙවෙයි හිටියෙ . සඳදෙව් කරේ බයෝ හැබැයි අදිස් කරේ මැත්ස් . දෙනම සයන්ස් සෙක්ෂන් එකේ උනාට හිටියෙ පන්ති දෙකක . හැබැයි ඕවට මේ අවුරුදු ගාණක යාලුකම නැතිවෙනවද ?

" ඒ සඳදෙව් ? කොහොමද බිස්නස් ? "

" නෙදකින් තෝ මොකද ඒක අමුතු විදියට ඇහුවෙ ? මම මෙතන නිකන් වෙන මොකක් හරි කරනව වගේ . "

" ආ..හා..මේ මට රෝල්ස් එකක් දීපංකො. "

"ආ..රුපියල් අසූවයි. "

"මූ යකෝ යාලුවන්ට දැන් එහෙමද අරින්නෙ ආ ආ ?"

" උඹ උදේ ඉදන් එහාට කැරකෙනවා මෙහාට කැරකෙනවා විකුණපු දේකුත් නෑ. කරපු උදව්වකුත් නෑ . මොකාද එකා වගේ ගිල ගිල ඉන්නව . "

" එහෙම තමයි ඉතින් මෙතන වැඩ අධීක්ෂණය කරල කෑම වල තත්ව පරීක්ෂණ කරන්න ඕන කියල මම හිතුවෙ . දැන් ඔය රෝල්ස් එක මෙහෙ දීපන් . "

" අනේ උඹට කියන කට මම ගලක උලා ගන්නම් . "කියල සඳදෙව් කියද්දී ,

" ආ ඒක උඹේ අම්මා උඹටනේ කියන්නේ . දවසක් මටත් ඇහුණා . " අදිස් එහෙම කියාගෙන රෝල්ස් එකත් කකා විරිත්තල යන්න ගියා .

ඒත් ඉතින් යන්න හම්බ වුණේ නෑ.

" ඒ අදිස්...පොඩ්ඩක් ආයෙ එනවකො . " කියල සඳදෙව් කෑ ගැහුවා .