ស្នេហាចាស់ទុំផ្គូផ្គង [ HEEJAKE]

Part 5:លើកទី2?

*** នៅក្នុងបន្ទប់ទឹក***

នាយម្នាក់ដែលអូសនាយតូចចូលក្នុងបន្ទប់ទឹកគ្មានអ្នកណាក្រៅពីកម្លោះសង្ហារ lee Heeseung ទេ ចៃដន្យអីនាយនឹង sunghoon ដើរលេងនៅម្តុំនឹងហត់ពេកឃើញមានហាងកាហ្វេក៏នាំគ្នាចូលសម្រាកញាំអីឲ្យបាត់ហត់សិន តែ heeseung ចង់ចូលបន្ទប់ទឹកទើបដើរមកតែក៏ឃើញមនុស្សម្នាក់វិះតែនឹងដួល មានចិត្តល្អក៏ចូលទៅជួយ តែមិននឹកស្មានសោះថាលទ្ធផលវាបែបនេះ

« នែ ក្មេងឈ្លើយយើងខំជួយឯងប៉ុណ្ណឹងហើយឯងនៅមកទះយើងទៀតមែនទេ ក្មេងគ្មានសុជីវធម៌មិនចេះដឹងគុណអ្នកដទៃ » នាយក្រាសនិយាយទាំងក្រហមមុខ ព្រោះមុខត្រូវនាយតូច jeayun ទះឡើងក្រហមផងផ្សំជាមួយនឹងខឹងដែលខំជួយគេហើយគេមិនអរគុណបែរជាមកទះខ្លួនវិញនោះអ្នកណាមិនខឹង ( អាណិតបង hee ខ្លោចផ្សិត )

« នែ មួយម៉ាត់ក្មេង ពីរម៉ាត់ក្មេងលោកដឹងថាខ្ញុំអាយុប៉ុន្មានហើយទេ » នាយតូចនិយាយទាំងលើកដៃចង្អុរនាយក្រាសចំៗតែម្តងហើយភ្នែកវិញយាយពីថាខំប្រឹងបើកឡើងធំៗសម្លក់គេខ្លាចគេមិនខ្លាច

« យើងមិចនឹងដឹងទៅថាឯងអាយុប៉ុន្មាននោះ ឯងជាប្រពន្ធយើងមែនទេ បានជាយើងត្រូវដឹងនោះ» (ប្រពន្ធហើយថាមិនប្រពន្ធ) នាយក្រាសនិយាយទាំងឌឺដោយញាក់ស្មាធ្វើឲ្យនាយតូច jeayun យើងខឹងឡើងចង់ចេញផ្សែងតាមត្រចៀកទៅហើយ

«ទៅរៀននៅអុីតាលី 4 ឆ្នាំហើយ មោវិញនៅតែរោគចិត្តមិនប្តូរទៅណាសោះ » នាយតូចនិយាយហើយថែមទាំងឆ្លៀតញញឹមញញែមដាក់នាយក្រាសទៀតតែមិនមែនញញឹមគួរឲ្យស្រឡាញ់ទេ គឺញញឹមឌឺដងគ្នាតែប៉ុណ្ណោះ

« ឯងថាអ្នកណារោគចិត្ត » នាយក្រាសលើកចិញ្ចើមសួរទាំងខឹងព្រោះនេះនាយតូចលេងជេរចំៗតែម្តង

« ក៏គិតមើលទៅ ថានៅទីនេះមានមនុស្សប៉ុន្មាននាក់ ខ្ញុំមិនមែនភ្លើមកជេរខ្លួនឯងទេ » នាយតូចនិយាយទាំងមិនភ្លេចធ្វើមុខឌឺទេ

«មិនដឹងជាម៉ាក់គាត់មើលឃើញឯងល្អត្រង់ណាទេ ទើបបានជាឲ្យយើងមករៀបការជាមួយក្មេងឈ្លើយដូចឯងនោះ ហុឹស» នាយក្រាសនិយាយទាំងហួសចិត្តនឹកឃើញរឿងនឹងពេលណាចង់តែបោកក្បាលឲ្យងាប់ទេយ៉ាងនេះ