وليف الروح تدري من تكون غرام القلب واغلى من العيون

بدايه لقاء 1+

                      عرفتك صدفه بيوم من بين الأغراب
                      وغديت بكل يومٍ أدور عنك واحاتي

                      قربت منك وقلبي من الحب مرتاب
                      بسبّه بقايا شين التجارب بذكرياتي

                      لكني فتحت للمحبه بصدري باب
                    ولقيت فيك جميع اوصافي ورغباتي.

-
الساعه ٢:١ ص
بهاج: شوفني الف بالحواري عملي يخلص ست الصبح والقائد مايخليني استلم دوريتي الا بتالي الليالي تأفف بملل
بندر: ودي اجي اونسك بس تعرف الوضع استكنان بالاستراحه وبسطه ضحك وكمل : ترا على فكره والله انا والعيال فقدناك بالاستر.... سكت وهو يسمع بهاج يكلم احد
بهاج نطق وهو مصدوم ومرعوب : انتي انس ولا جن وقفل الجوال بوجه بندر وحط الجوال بجيبه ومسك سلاحه بربكه تكلمت البنت وهي تبكي : انس انس!  بس تكفى ساعدني انا بوجهك وكملت تشاهق تكفى فكني منه بهاللحظه بهاج سمع صوت احد جاي يركض من خلف الاشجار جنب العماره لف عالبنت الي لفت من الصوت وصارت تركض باتجاهه وتمسكت بذراعه وتخبت وراه وهي تبكي لف بهاج على الي طلع لهم وتكلم : من انت ؟
بعصبيه رد الرجال وهو يلهث ويناظر بالبنت : غرام تعالي بلا فضايح !
حس بهاج بالبنت وهي تتخبى ورا ظهره اكثر وتتمسك ببدلته اكثر وهي تبكي وتكلم بهاج بعصبيه وحواجبه معقوده بغضب من الي يفكر فيه : قلت تكلم من انت ؟وصاح : تكلم !                           
رد الرجال بلعثمه : زوجتي وببينا خلاف... صاحت البنت وهي تبكي وتشاهق : كذاب كذاب والله ! تكفى فكني منه انا داخله على الله ثم عليك تحميني منه  .
رفع السلاح وشد عليه بهاج وتكلم وهو شوي ويفضي السلاح عالرجال : وش مسوي فيها تكلم !!!
ارتبك الرجال ولف  : غرام عاجبك هبالك بيفهمنا غلط تعالي !
لف بهاج عليها وحواجبه معقوده من العصبيه : تكلمي لاتخافين انا معك مابيسوي لك شي انتي بوجهي وشنبي بكت البنت زود وهي تلتفت وراه وفتحت عيونها بصدمه من شافته يهرب واشرت باصبعها الي يرجف التفت بهاج بسرعه يناظر الرجال يركض وكان بيركض وراه لكن هي تمسكت بذراعه اكثر وهي تنفي براسها ماتبيه يروح خايفه .
سكت بهاج بغضب ينتظرها تتكلم لكن كانت منهاره جلس يتلفت وراه وتكلم وهو صاد بنظره : امشي يااختي معي مركز الشرطه قريب هزت راسها وهي تبكي مشى قدامها وهي خلفه تمشي كان كل شوي يحس فيها  تصقعه من الربكه والخوف تنهد ومد ذراعه من الخلف وتكلم وهو صاد لانها كانت بدون حجاب على راسها : امسكي ذراعي اذا خايف.. مامداه يكمل كلامه الا وهي ماسكته بقوه تنهد بضيق وكمل يمشي لين وصل القسم وتركت ذارعه بتردد .
دق جواله يناظر اسم بندر رجعه بجيبه ووقف قدام القسم وتكلم : خلك دقيقه هنا بجيب شي تسترين نفسك فيه داخل فيه رجال بالقسم وانتي كاشفه !
هزت راسها وتنهد بهاج يدخل القسم واخذ شاله وطلع يتقدم لها يعطيها الشال وهي اخذته بيدين ترجف وتحجبت فيه وتلثمت التفت ودخل وهي خلفه وكل الانظار تحولت لهم سحب بهاج الكرسي واشر لها وهي جلست بخوف من الانظار وتقدم واحد وهو ياشر لبهاج بعيونه غمض عيونه بهاج بغضب وجلس عالكرسي وهو يتذكر شكلها كيف طلعت بوجهه عبايتها مايله ومفتوحه وماعليها طرحه شعرها مفتوح على اكتافها .
تنهد وتقدم يحط ايديه عالطاوله : وش سالفتك يبنت الناس وسكت يناظر عيونها الي بمجرد ماتكلم نزلت دموعها التفت على ابراهيم صاحبه واشر له يجيب مويه وتقدم اعطاها تشرب .
تكلمت بصوت يرجف : ابي الحمام
التفت بهاج : من هنا وقام يدلها ووقف جنب ابراهيم
والتفت ابراهيم : شسالفه وش الي صاير غمض عيونه بقوه بهاج : مادري جالس اشيك عالحاره زي كل مرا فجاه طلعت بوجهي تحتمي فيني من واحد ابن كلب !
سكت لما شافها تخرج من الحمام والتفت لابراهيم وهو يتنهد .