شفتك وزاد بي الولع والشوق
غنيتها من ساعت اقبلتي
عيني ماقد شافت كذا مخلوق
كنش على ذوقي تشكلتي
قلتي لي اصبر بس انا المطفوق
عجلت في شوفش وعجلتي
-
طال النظر بينهم واحتدت نظرات غرام من عرفت انه مابيعتذر على ضربه وظلمه لها قبل ولا بيتحمد لها بالسلامه ! هي متوقعه منه مايعتذر ولا يعترف بغلطته بس كان عندها أمل ضئيل جداً يتحمد لها بالسلامه وهذا الشي كسر قلبها وزعزع مشاعرها وخيبتها زادت من شافته واقف فقط وعلامات الغضب واضحه على وجهه
تساؤلات كثيره بهاللحظه داهمتها لكن تصدر سؤال واحد في انه يخليها توقف عنده وتحط تحته الف خط ..هل ابوي يحبني؟
وقفو العيال بالخلف يشوفون النظرات بسكون محد كان فاهم العتب والحيره من عيون غرام الا واحد بس .. بهاج !
تنحنح راكان : الحمدلله على سلامتك
التفتت غرام ببعثره وتأتأه: الله يسلمك
تقدم العيال كلهم يتحمدون على سلامتها أمام محمد الي واقف يناظرها بغضب وساكت رفعت عينها غرام تدوره تبيه ينقذها من بحر التعب والعتب ولو بنظره هي متأكده بتفهمه .
بمكانه وبس ثابت يناظر عيونها الي تدوره وكأنها تدور طوق نجاة بوسط محيط يسحبها للقاع .
تلاقت الأعيُن ثواني لكن كانت كفيله بأنها تبحر بموج من المشاعر والكلام تنهد من حس فيها وبضيقتها ومو قادر يسوي شي !
دخلت بعد فقدت اخر ذرة أمل في محمد وبضعف همست لسعاد: استخصر فيني كلمه !
سعاد بضيق : معليك ابوي كذا من متى اهتم فينا !
تقدمت رنا ومرام وخلفهم البنات يركضون يحضنون غرام بحب ومشاعر ماقدرت تسيطرعليها واعلنت استسلامها لدموعها: وحشتوني مراا !!
ملاك : والله انتي اكثر !
وعد والبنات : الحمدلله على سلامتك
غرام مسحت دموعها : الله يسلمكم يارب
تقدمت صالحه تحضنها : الحمدلله على سلامتك قرة عيني بشوفتك سالمه
غرام غمضت عيونها من فيض المشاعر : الله يسلمك يمه ولا يحرمني منك
مسحت على راسها صالحه : ولا منك ياغرام
حصه وخديجه وساره وبسمه : الحمدلله على سلامتك
رفعت راسها تناظرهم : الله يسلمكم يارب
لمى ضحكت: اخيرا وصلتم كنا نحسب لكم من اليوم
وسن: خايفين يجون الناس وانتم مابعد وصلتم !
سعاد : جهزتو اغراضنا ؟
رنا : ايه علقت فساتينكم
صالحه : ادخلي انتي وغرام اخذو لكم دش دافي وتجهزو قبل الضيوف يوصلون
غرام ابتسمت : مابعد شبعت منهم !
حصه : بتملين منهم الحين روحي اجهزي انتي راعيه العزيمه
غرام : ان شاءالله
دخلت غرام الغرفه ولحقتها سعاد تأخذ أغراضها وتتجه للحمام ونص ساعه وبدأو يتجهزون عند المرايا
جميله دخلت : ماخلصتو؟
غرام تعدل الروج : باقي شعري واخلص
سعاد : انا خلصت بس بلبس الاكسسوارات واطلع
جميله بعجله : طيب الناس وصلو
دخلت لمى : وينكم بنات
غرام حطت الروج على التسريحه بربكه: بنات وحده تساعدني بشعري !
اخذت الاستشوار لمى تجلس ورا غرام : انا بساعدك
خرجت جميله ولحقتها سعاد تسلم على الضيوف وغرام بدأت تجهز شعرها
لمى : تخيلي وصلو ومن جلسو وهم عينهم علي احس توترت
غرام ابتسمت : يشوفون الجمال هذا كله ومابيناظرونك ؟
لمى باحراج : يروحي ياغرام والله احس مو مصدقه امس كلمني انهم انعزمو وقال فيه مفاجأه لي
غرام : ماعرفتي وش؟
لمى حطت المشط : لا حاولت فيه بس رفض عشان كذا توترت من نظراتهم لي
غرام : مصيرنا نعرف شوي علميني انتي محد يدري انكم تحبون بعض؟
لمى : لا بس انتي كنت بكلم البنات بس اخر فتره صار الوضع ملخبط
غرام بتوتر : عمتي منيره ماجات؟
زمت شفايفها لمى بحزن : لا كلمتها جده مزنه بس تقول بتجي بعد المعازيم تتحمد لك بالسلامه
غرام تنهدت بحزن : الله يقوم لها ريانه بالسلامه والله حزنت عليها
لمى ابتسمت : ياطيب قلبك ياغرام ! البنت كانت ناويه تقتلك وانتي حزنانه عليها
غرام ضحكت تلحن :طيبة قلبي اذتني !
لمى ضحكت :صدق والله لو انا مكانك ماسامحتها !
غرام : دام انا طيبه الحين بسامحها لان ربي فوق وأخذ حقي منها خلاص
عدلت شعرها غرام توقف تشوف شكلها : تمام ؟
لمى ابتسمت : تهبلين تحصني !
ضحكت غرام ترش من عطرها شوي : يحلوك يالمى يالله مشينا
وقفت عند المدخل تتأكد من شكلها قبل تدخل عندهم وجنبها لمى تقدمت صالحه تسألها : تحصنتي؟
لمى رفعت يديها: قلت لها والله
غرام هزت راسها : لا مايحتاج البنات كل وحده تقول الزين عندي بيتركونهم ويناظروني؟
صالحه رفعت يدها تقرا لين خلصت ومسحت على غرام : تعبانه وهذا شكله اكيد بيناظرونك !
دخلت صالحه وخلفها غرام تسلم عليهم ويتحمدون لها بالسلامه وتجمدت في مكانها من شافت بدريه جالسه مع البنات: اهلاااا !
حضنتها بدريه : الحمدلله على سلامتك يروحي
غرام : الله يسلمك وحشتيني والله
بدريه ضحكت: لو وحشتك كان كلمتيني يالخاينه! ماعرفت الا من امي يوم انعزمت
غرام رجعت تحضنها : والله مو بإيدي المهم اني شفتك الحين وردت روحي
تنحنحت ملاك تمثل الغيره : احممم نحن هنا !
ضحكت غرام : كلكم احبكم بس بدريه صديقه الطفوله
جلست معهم تسولف بعد ماخذت الاخبار من بدريه : والله انبسطت بشوفتك
بدريه : ماصدقت الي صار لك وجلست احلف امي
غرام : الحمدلله عدت
بدريه باستغراب: ليه ماكلمتيني ؟ للحين ماتخلصتي من عقده الجوال ؟
وعد باستغراب: وش عقده الجوال ؟
غرام ارتبكت لما حست انها بتنفضح : ماقلتي لي كيف أميره ؟ ليه ماجات معكم ؟
بدربه ابتسمت : بخير الحمدلله جلست بالبيت تسوي عشا ابوي اليوم دورها لو تدرين انها انهارت تبي تجي معنا بس امي رفضت
غرام: حرام لو جات معكم
ام بدريه : كيفك ياغرام عساك طيبه ؟ ماتشوفين شر
غرام ابتسمت بحب : بخير جعلك سالمه والشر مايجيك
ام بدريه : والله اني فقدتك من غير شر ماكانك خالي ببيتي !
رنا باستهبال : خاله والله ضنيت بتقولين الحمدلله ارتحنا منها ؟
ارتفعت اصواتهم بالضحك والتفتت غرام على ام بدريه لما نطقت : لاوالله مايوسع خاطري الا هي واني احبها وأعدها مثل بنتي بدريه
غرام ابتسمت : يروحي ياخاله الله يرفع قدرك
خديجه : دام انتي موجوده ياام بدريه الله يحيك انتي وبناتك والي تعزينه بزواج ولدي ناصر خامس يوم عيد ان شاءالله
ام بدريه : الله يبقيك ان شاءالله على خير
ام بندر بصوت عالي : دامنا على السيره ياام راكان انا كلمت ابو بندر نبي نحدد ملكه نشوف يوم يناسبنا جميع ولدي بندر مستعجل !
لمى رفعت نظرها على ام بندر باحراج والتفتت على غرام على يمينها الي مبتسمه وبهمس : يمه يالاحراج يارض انشقي وابلعيني !
غرام بهمس : شكل هذي المفاجأة حقته
بشاير اخت بندر بضحكه تناظر لمى: والله بندر من بعد الشوفه وهو طاير بالعجه يبي يملك بسرعه
ام بندر ضحكت : البنت طيرت عقله ماهو براكد لين يعرس
خديجه : الله يكتب الي فيه الخير
لمى بتوتر تفرك اصابعها : كيف اهرب ؟
وسن : الله وش الحركات ذي يالمى مطيره عقله !
بدريه ضحكت: عندكم فعاليات حماس الله يرحم فعالياتنا ياغرام الي فشار وفلم !
رنيم : شكلكم مقاطعين الناس
بدريه : حارتنا مافيها الا اربع بيوت بيتنا وبيت غرام وبيت جارتنا ام عصام وبيت وحده متزوجه قريب مافيه احد نعرفه كثير
سعاد ضحكت : رنا ماوحشتك اخبار ام عصام؟
رنا بحماس: والله حشتني صدق
بدريه : خلاص بتفقدونها من غير شر شاده عفشها بتنقل !
غرام : وين بتروح؟
رنا ضحكت باستهبال : شكلها رايحه سوريا
وعد التفتت للبنات : وش سالفتها ؟
سعاد ضحكت : الله يسلمكم الحرمه مسميه ولدها عصام ورنا مقتنعه ان مافيه احد سعودي يسمي عصام بس السوريين يسمون عصام ورنا طبعها ملقوفه لما كانت صغيره كل ماشافتها سألتها انتي سوريه
جميله : صادقه رنا فيه احد يسمي عصام ؟
رنيم : شكل التنمر بيمشي معنا عليها
حصه : ياجميله
جميله وقفت : لبيه؟
حصه : صبي قهوه لهم
جميله : ابشري
اخذت الثلاجه جميله تصب وقامت معها سعاد ووسن يدورون بالحلى والتمر جميله همست لسعاد : جيبي فناجيل خلصت !
سعاد التفتت تناظر البنات جالسين ومحد منتبه : طيب
اتجهت لطاوله تحط صحن التمر وخرجت المطبخ تجيب الفناجيل من الدرج
ساره كانت تصب القهوه بالثلاجه : وش تدورين ؟
سعاد : فناجيل خلصت هناك
ساره اخذت الثلاجه : تلقين في فوق فناجيل جديده بالكرتون
خرجت ساره للحريم وسعاد فتحت الدرج تحاول توصل للكرتون
جمدت بمكانها من صوت قشعر جسمها : يمه ؟ ياجميله ؟ مافيه احد ؟
سعاد التفتت وبتردد داخلها : ارد عليه ولا لا ؟ بطنشيه خل اقلب الطاوله عليه اني انا زعلانه مو هو الزعلان !
عبدالله : يولد احد فيه ؟
التفتت ورفعت رجولها تحاول تلحق الكرتون وهي تدّعي بعدم المبالاه
ماسمع صوت ودخل يشوف وحده معطيته ظهرها لف بيخرج لكن جمد بمكانه بذهول من التفتت سعاد !
كانت متوقعه انه بينادي لين يمل ويمشي التفتت بصدمه ناظرته واقف بالثوب ومشمر اكمامه والساعه مزينه يده والشماغ لافه عمامه قلبها رجف من طلته الفخمه وهيبته عيونها ماقدرت تنزل عن عيونه تقدم لها بهدوء يتفحصها بذهول لابسه فستان ابيض طويل لين كعبها الذهبي وبكُم طويل والايد الثانيه عاريه شعرها مفتوح لين نص ظهرها ويزين ثُغرها اللون الاحمر وكأنها تغريه
تقدم لها يقطع المسافه والبعد وببعثره مشاعره نطق : انادي من اول ليه ماتردين ؟
رجفت ايدينها تناظره بتوتر وصوتها اختفى ماقدرت تنطق من خجلها ومن نظراته المتركزه على ثُغرها التفتت بتوتر تشتته ورفعت رجولها تحاول توصل الكرتون
عبدالله ناظر ظهرها : وش تبين من فوق؟
سعاد بتوتر: كرتون الفناجيل
عبدالله تكتف : طيب ابعدي انا اجيبه !
سعاد تمثل الزعل : شكرا ماطلبت مساعده منك!
جمدت بصدمه من صدره الي لصق بظهرها وايده الي تمركزت جنبها على الطواله والايد الثانيه فوق ايدها يسحب لها الكرتون نزل راسه قريب من اذنها ينطق : حتى وانتي لابسه كعب ماتوصلينه !
التفتت بسرعه من القشعريره الي سرت بجسدها تناظر قربهُ المبالغ فيه نزل الكرتون خلفها على الطاوله وحط ايده على الطاوله خلفها يحاصرها بجراءه : ليه راسك يابس؟
كان قريب منها لحد أنفاسهم تتخالط من شدة القرب عينه تتفحص ملامحها وكأنها جاته الفرصه انه يشبع عيونه بتأمل : وين صوت ؟ اختفى !
سعاد توردت خدودها وبشبه همس: ابعد !
عبدالله كان وده يبتسم من خجلها لكن مثل الغضب : وين صوتك الي يلعلع قبل ؟
سعاد رفعت يدها الي ترجف تحطها على صدره تبعده : ابعد !
مسك يدها يشد عليها : اشوفك خايفه ؟ وين القويه الي قبل ؟
سعاد غمضت عيونها بتوتر وعض شفتها وبهمس: عبدالله بعد عني !
نزل عيونه على ثُغرها من حركتها وصوت نبضات قلبه عالي مو قادر يقاوم اغراءها رفع عيونه لعيونها المغمضه بقوه ترك يدها وابتعد بخوف من افكاره الي راودته وخرج بسرعه مايبي يغلط ويندم بعدين !
رفعت يدها بإرتجاف على قلبها تتحسس صخب نبضاتها وبدأت تأخذ شهيق وكأنها كانت حابسه أنفاسها لمده وزفرت بتوتر من دخلت جميله بإستغراب تسأل: وش فيك تأخرتي ؟
سعاد بلعثمه : هنا حصلته الحين اجيبه
جميله : وش فيك ؟
سعاد بتوتر: ولا شي اسبقيني واجيكم الحين !
خرجت جميله وسعاد غمضت عيونها بتوتر اخذت الفناجيل وطلعت للحريم ماتبي تستلم لافكارها .
دخل يجلس جنب سياف بهدوء : وين بهاج ؟
سياف رفع كتوفه : ماعرف طلع يكلم
راشد : راكان وصل بالعشا
دخل احمد باحراج :السلام عليكم العذر والسموحه تأخرت عليكم
ردو جميع :وعليكم السلام
صلاح : ارحب يالله حيه حياك حياك
سلم احمد يجلس جنب صلاح : كيف الحال ؟
صلاح ابتسم : بخير الحمدلله انت اخبارك بشرني عنك
احمد : بخير الحمدلله
مشعل : وش مأخرك؟
احمد : والله ملف خلصته وجيت
راشد : جيت على رزقك يبه العشا وصل
احمد : كثر الله خيركم يارب
مشعل : زين خلصت ولحقت معنا
احمد التفت على محمد : الحمدلله على سلامه بنتك يابو مرام
محمد حط الفنجال بملل : الله يسلمك
احمد : اخبارك عساك بخير سامحني والله ماجيت عزيمتك كان عندي شغل
محمد ناظر احمد باستهزاء: ايه ايه! والتفت بغير اهميه
راشد احتدت ملامحه بغضب وقام : عن اذنكم !
لحقه عبدالله وسياف :شفتو كيف يتكلم مع ابوي؟
سياف رفع ثوبه يشمره : طنشه مريض !
عبدالله : صادق ماعليه شرهه
راشد بحده : شفتم كيف ابوي انحرج ؟ وجهه قلب اللوان ليت ابوي سفهه ولا تكلم معه !
راكان وقف الونيت ونزل ناصر من الشنطه يستفسر : وش فيكم ؟
راشد بغضب اشر: خالي محمد وحركاته !
عقد حواجبه راكان : وش فيكم ؟
عبدالله : خالي محمد واسلوبه
راكان : تعالو بس نزلو العشا وطنشوه
حطو العشا لرجال والحريم وبعد خلصو الرجال بدأ المعازيم يخفون شوي شوي
نطق ابو بندر بصوت عالي: كثر خيركم يابو راكان ودام احنا هنا حاب احدد ملكه بندر ولدي الاسبوع الجاي يناسبكم؟
صلاح ابتسم بمجامله : والله مدري وش اقول لك ان شاءالله على خير اشوف الاهل وارد لك
بندر ابتسم بتوتر : عمي انا حاب استعجل بالزواج عندي انتداب بعد ثلاث شهور وبطول فيها حول سنتين ثلاث اذا تسمح يعني
صلاح ابتسم : فاهمك يابندر لكن نقول ان شاءالله اشاورهم وارد لكم
ابو بندر : على خير ان شاءالله احنا نستأذن
بهاج عدل جلسته : بندر اقعد انت
بندر بفشله : لاوالله المرا الجايه ان شاءالله
عبدالله : اقول اجلس بس نبي اليوم سهره !
بهاج : ايه اجلس نسمر
ابو بندر ابتسم: اجلس معهم
بندر : بأخذ امي واخواتي ارجعهم
ابو بندر : انا اخذهم اجلس انت والتفت على صلاح يلا فمان الله
بهاج وقف : انا باضبط جلسه برا
طلع يفرش وجاب المراكي واتصل على لمى: لمى
لمى بضحك: لبيه؟
بهاج ابتسم: وش فيك تضحكين؟
لمى : وش تبي انت يالملقوف؟
بهاج رفع حاجب: وانا جاي اقولك بندر معنا تبين تشوفينه ولا لا ؟
لمى بشهقه : احلف !
رهـِام .
أنت تقرأ
وليف الروح تدري من تكون غرام القلب واغلى من العيون
General Fictionأول روايه لي 🔸. الروايه سعوديه 🇸🇦. التنزيل مستمر ✔️.
