وليف الروح تدري من تكون غرام القلب واغلى من العيون

14+

                               اخاف من غدر الوقت!

-
مرام بخوف تملكها : ايش فيها ؟ انطقي !
منصور مسك يد مرام يهديها من انفعالها : اهدي ان شاءالله خير
سعاد بكت زود : تكفين تعالي امي منهاره احنا بالمستشفى
مرام : طيب طيب الحين اجيكم
منصور حرك : ايش فيه؟
مرام حطت يدها على قلبها بخوف : ماعرف بس غرام صابها شي وبالمستشفى استودعتها الله الذي لاتضيع ودائعه
منصور تنهد : ان شاءالله خير اهدي انتي مو زين لك !
-
نرجع بالوقت شوي البنات جالسين بالحوش يتقهوون دخلت بسمه ومعها بشرى تسلم عالبنات : سسلام عليكم
لمى فزت : اهلا يالله حيها
بشرى ركضت تضم رجول لمى : عمه لمى
لمى: وحشتيني
بشرى : حتى انتي
غرام تقدمت ترفع يدها: وانا ماوحشتك؟ انا مرا اشتقت لك كثيررر
ابتسمت بشرى : الا انا احبك كثير
ضحكت غرام تبوس خد بشرى وجلسو يتقهوون ويسولفون مع بسمه
لمى: اشوف السحبه صارت اقوى ست بسمه شكل جلستنا ماعجبتك؟
بسمه ضحكت : لاوالله جلستكم ماتنمل ابد بس تعرفين زواره لامي واخواتي جو ينامون عندها ونمت معهم
لمى ضحكت : الله يخليهم لك يارب
بسمه : امين يارب .. الا مرام وين ماشوفها لسى مارجعت ؟
رنا : لا باقي
حصه : كيفك يبسمه وكيف امك واخواتك ؟
بسمه : بخير يارب لك الحمد انتي كيفك
حصه : بخير الحمدلله
مزنه : دامك جيتي ياام عماد بعطيكم البشاره دام الكل مجتمع
خديجه ضحكت: ماقلنا لهم ننتظرك تجين عشان تسمعين معهم !
بسمه ابتسمت: عساه خير وش يخاله ؟
مزنه : ابو راكان وابوسياف اتفقو وحددو العريس ان شاءالله خامس يوم عيد
وعد شرقت باللقمه وبدت تكح ضربت ظهرها سعاد وسمت عليها ضحكوالبنات والحريم من انحراج وعد
خديجه : بسم لله عليك
بسمه : ماشاءاللله اللله يتمم لهم على خير
رنيم : الله يعني نجهز من الحين ؟
وسن : عمه خديجه مو كأنه قريب ؟ احس مايمدي نخلص كل شي من دبش وحجوزات !
ساره : الا يمدا احنا الحين باقي على رمضان اسبوع ..شهر وكم يوم يمدي ان شاءالله
مزنه : الله يهله علينا بالرحمه
الجميع : امين
جميله : عاد صدق الحين احس رمضان بيطلع غير ذي السنه دام بنات خالي محمد معنا
غرام ضحكت : والله دايم رمضان نطفش انا وخواتي لحالنا ماغير جارتنا ام بدريه الي نفطر معها اوقات تسلينا
صالحه : الله يذكرها بالخير ونعم الجار صدق
مزنه : اجل اعزميها بزواج ناصر
صالحه : ان شاءالله
من خلف الباب راشد ينادي : يمه
حصه : سم
ملاك : اجلسي يمه انا اقوم اشوفه
قامت ملاك للباب الحوش تفتحه شوي: هلا
راشد: سوو قهوه وشاهي ابو ريان وصل
ملاك : ابشر
سكرت الباب وتقدمت لحصه: يمه راشد يقول وصل ابو ريان يبون قهوه وشاي
مزنه قامت : ايه دام وصل ادخلي نادي منيره !
ملاك : ابشري يجده
دخلت داخل وطقت الباب تدخل : خاله منيره
منيره : نعم ؟
ملاك : جده تبيك
منيره قامت وطلعت وريانه ناظرت ملاك وشمقت ترجع عالجوال
ملاك انقهرت من حركه ريانه : شمقي ولمقي حبيبتي بتبقين منبوذه ومحد يبيك !
ريانه اشرت عالباب : اطلعي مو ناقصتك !
ملاك : والله هذا بيت جدتي اذا كان بيتكم وقتها اطرديني زي ماتبين وبعدين المفروض تستحين على وجهك وتعتذرين من غرام انتي الي غلطانه بحقها !
ريانه بحقد : والله محد طلب رايك وبعدين خلو غرام تنفعكم وتقابلكم ماكأنها فتره وخالي محمد بيرجعهم البيت وتنقطعون مثل قبل !
ملاك تكتفت : والله حتى لو غرام بتبعد بس بتبقى بقلوبنا قريبه مو مثلك قريبه وكل البعد عن قلوبنا ! مافيه احد يحبك بالبيت هنا حتى خوالي وعيالهم الحين يشوفونك اوسخ بنت بعد قذارتك الاخيره !
ريانه وقفت وبقهر : اطلعي ماطلبت منكم تحبوني !
ملاك ابتسمت باستفزاز : حتى لو طلبتي محد بيحبك وعع
ريانه وقفت وقلبها يشتعل من القهر !
خرجت ملاك للبنات تجلس معهم : اخ بنات بردت خاطري بكم كلمه لريانه وجيت
رنيم: كان سفهتيها !
جميله : منجد كان طنشتيها وماعطيتيها اكبر من حجمها !
ملاك : لاوالله مابرد قلبي الا تو لو تشوفون وجهها كيف صار اسود من كلامي
غرام : استودعتك الله ماتسوي لك مصيبه زيي
ملاك : تخسي مابقي الا هي ! جده مزنه وين اخذت خاله منيره ؟
وعد : راحت تشرشحها هي وزوجها على التربيه
ضحكت سعاد : الله يقويها
بسمه : ليه وش صاير ؟
تنهدت لمى: امس ......
شهقت بسمه : الله لايوفقها من بنت فيه احد يدخل بشرف بنت ! معتوهه
جميله : الله ياخذها وجودها بس قلق على الفاضي!
وسن : والله قليله ادب وماتربت
ملاك : مافيه احد يحبها كلنا مانطيقها يازينك يغرام والله سنين مانعرفك لكن بيوم وليله صرتي كأنك اختنا !
غرام ابتسمت : يروحي والله حتى انتو اعدكم بحسبه خواتي
ريانه كانت واقفه قريب من الباب وسمعتهم غمضت عيونها من حست دموعها تنزل هي تعرف انهم مايحبونها من قبل بس الحين نظره الكره والاشمزاز زادت مسحت دموعها ودخلت لبشرى الي جالسه عالايباد تقدمت تخرج كيس من شنطتها : بشرى
بشرى رفعت نظرها عن الايباد : هلا
جلست ريانه جنبها : انتي تحبين غرام ؟
بشرى ابتسمت : ايوا احبها
ريانه ابتسمت بجامله : امسكي هذي واعطيها غرام ! اذا عطيتيها واكلته كله معناته تحبك
بشرى وقفت : هي تحبني اصلا
ريانه : نشوف طيب اذا تحبك بتخلص البسكوت ذا كله!
بشرى بحزن : واذا ماخلصته ؟
ريانه : يعني ماتحبك
بشرى اخذت البسكوت : الا تحبني الحين تشوفين !
ريانه اخذت البسكوت وفتحته تعطيه بشرى من غير الكيس عشان محد يعرف وخرجت ورا بشرى الي تركض عند غرام وحاطه يدها خلف ظهرها
بشرى : انتي تحبيني ؟
غرام عدلت جلستها من جنب لمى : اكيد احبك
مدت بشرى البسكوت : اذا اكلتي البسكوت كله اكيد تحبيني
ابتسمت غرام : اكيد اكله اخذت البسكوت وبدت تاكل منه لقمه اول احساس لها غريب من اول لقمه تحس جاتها كتمه غريبه وبدت تكح وبشرى واقفه تناظر غرام ومرا تناظر ريانه الواقفه عند الباب التفت لمى من حست غرام تكح كثير : ايش فيك ؟
حطيت البسكوت غرام عالارض وبدت تضرب صدرها التفتو البنات يناظرونها وقامت جميله تركض تجيب مويه ولمى ناظرت البسكوت وشهقت : هذا فيه فول سوداني !
سعاد شهقت توقف : ايشش !!
لمى التفت على بشرى : ليش اعطيتيها !
رنا بكت : بسرعه احد يتصل على الاسعاف !
قامت وسن تركض لباب الحوش تفكه على وقفت سياف بالدله : ارجعي الرجال ماراح باقي
وسن بخوف : الحق غرام بتموت !
سياف عقد حواجبه : وش بلاها ؟
وسن بسرعه تنطق : عندها حساسيه من الفول السوداني واكلته واختنقت الحقها بسرعه
سياف رمى الدله بالارض بخوف: اعوذ بالله بشغل السياره وانتم لبسوها عبايتها ووحده منكم تجي سرعه
ركض سياف لمجلس الرجال يدور المفتاح على استغراب مزنه وعيالها
مشعل بحده : ولد ايش فيك !
سياف وهو يشيل مفتاحه: بنت عمي محمد اختنقت وبوديها المستشفى
وقف صلاح : وش العلم !
سياف خرج يركض : ادخل عندهم يقولون لك
منيره بشماته : هذي حوبه بنتي اكيد !
مزنه بغضب: انكتمي يقليله الادب !
منيره بحده وصوت عالي : وانا الصادقه يمه ! ظالمين بنتي وهذا حوبتها اكيد ماتخطي !
صلاح بحده : بنت حشمي عمرك !
فهد وقف بغضب : هذا الحق وبان الحمدلله !
عبدالله وراشد وراكان وناصر وريان خرجو برا يشوفون وش صاير.
شغل السياره سياف على خروج وعد وصالحه ماسكين غرام وتشاهق باقي ووجها ازرق وبس لابسه عبايه ماهي قادره تتغطى تحس الاكسجين ينقص وماوصلو عند السياره الا طاحت عالارض صرخت صالحه: غرام !
نزل من السياره سياف بسرعه يشيلها يركبها وركبت جنبها صالحه ووعد قدام واتجهو للمستشفى بسرعه كان سياف يسوق بسرعه جنونيه ووعد تبكي وصالحه تون : بنتي بتروح ! يارب الطف فيها يارب
سياف : اهدي يخاله ان شاءالله انها بخير
وقف سياف امام المستشفى ونزل يشيل غرام الي زي الجثه ووجها مزرق من الاختناق دخلها الطوارئ يصيح: بسرعه سرير بتموت
تقدمت الممرضه بالسرير تسحبه : ايش فيها ؟
صالحه تبكي: عندها حساسيه شديده من الفول السوداني واكلته
سحبت الممرضه السرير ومعها المساعد يركضون فيها وخلفهم يركضون وعد وصالحه وسياف .