وليف الروح تدري من تكون غرام القلب واغلى من العيون

5+

            

           

-
تنهد بهاج بغضب : ولد علامكم استحو على وجيهكم والتفت يدخل الغرفه وقامو العيال يدخلون خلفه يفرشون بالارض عشان ينامون
عند البنات دخلو بسمه ومرام ووعد ووسن وسعاد ورنا ورنيم ومابقي الا غرام ولمى وجميله وملاك وتقسمو الشغل بحكم انهم بكرا يرتاحون هم والبنات يشتغلون عنهم
جميله : المواعين مين يغسلهم ؟
غرام : انا احب اغسل من تجي معي ؟
ملاك : انا معك
لمى : اجل انا وجميله نشيل المراكي والسجاد نطويه وندخله داخل
اتجهو البنات يشيلون الصحون والفناجيل يدخلونها
لمى : اسمعي شرايك نتقسم انتي المواعين وانا انظف المطبخ طاولات والفرن والارضيه؟
ضحكت غرام : قولي ماتبين المواعين !
ضحكت بااحراج لمى : والله متعوده عالخدم مانظف خايفه اتفشل من تنظيفني
غرام : معليك خلاص سولفي معي وانا انظف اصلا انا احب المواعين
لمى : طيب اسمعي نروح نبدل ونرجع شرايك ؟ الفستان مضايقني
غرام : تمام حتى انا اصلا احسه ضايقني
دخلو الغرفه يشوفون البنات مفرشين جنب بعض ونايمين وشناطهم بزاويه الغرفه تقدمت غرام لشنطتها تخرج بجامه بنطلون اسود وتيشيرت ابيض واتجهت للحمام ولمى اخذت بجامه مورده حرير ووقفت عند الباب تنتظر غرام تخرج .
غرام خرجت : لمى محد يجي الحين لو نزلنا بكذا ؟
لمى : ماتوقع خلاص كلهم دخلو ينامون
غرام : تمام اجل بسبقك وباخذ طرحتي احتياط ونزلت بعد مادخلت لمى دوره المياه .
وقفت عند المجلى تعزل الفناجيل عن الصحون والابريق والدِلال وبدت تغسل وثواني دخلت لمى تتربع عالطاوله تسولف : الحين بسالك غرام ليش مافكرتم تدورونا ؟ يعني احس شعور غريب اني اقابل بنات عمي بعد سنين طويله
غرام : ابوي عصبي جدا ولا نقدر نعصيه بشي وامي شخصيتها ضعيفه دايم تسكت ماتجادله
لمى : الله يعينكم احس لازم الاب يكون متفاهم وحنون مع الجنس اللطيف
غرام ضحكت : هذا عند ابوك واخوانك حبيبتي احنا يمكن نلقاه عند العريس واحتمال لا !
لمى : ليش تقولي كذا ؟
غرام : ببساطه لان ابوي هو الي يختار لنا العرسان
لمى : لا مستحيل اقبل بشخص ماعرفه لازم اكون اعرفه واكلمه فتره تعارف بعدين احكم اذا هذا بكمل معه ولا لا
غرام : عند ابوي نظام خذوه فغلوه وضحكت
لمى التفتت تتاكد مافيه احد ورجعت تناظر غرام بتردد وارتباك : غرام بقولك شي !
غرام ناظرتها : وش ؟
لمى : هو الموضوع هذا محد يدري فيه وانتي اول وحده اقول لها !
غرام ابتسمت : شكلك ارتحتي لي ولا جلسه المطبخ أثرت !
لمى ضحكت : لاوالله بس احس اني اعرفك من زمان مدري كيف !
غرام : يعمري انتي يالله قولي وش عندك
لمى بخجل: انا احب
غرام ابتسمت تغسل يدها وتلف بجسمها : الله ومين ؟ واحد من عيال عمنا ؟
لمى : لا هو صاحب بهاج
غرام : طيب ؟
لمى : هو الشعور متبادل
غرام عقدت حواجبها : كيف ؟
لمى : مرا بهاج عزمه عندنا بالمجلس وخرج بهاج لغرفته يجيب غرض وانا ماكنت ادري طلعت باخذ طلبيتي وصلت الا والقاه بالحوش واقف عند عصافيري وهذا كان اول لقى
غرام ابتسمت : حلو طيب كيف عرفتي الشعور متبادل ؟
لمى : هو الصدق انا اخذت رقمه من بهاج بدون يدري ! بس مواقف كثير صارت لنا سوا واحسني حبيته وهو يحبني واخذت رقمه وراسلته وهو اول شي تردد من بهاج انو يخونه وكذا بس بعدين قال يبي يتزوجني
غرام ارتعش جسمها من الذكرى وبحده: وانتي لا يكون صدقتيه !
لمى استغربت  : ايه اصلا جا وتقدم بس جده اجلت الموضوع عشان سالفه عمي والصلح
تنهدت غرام : الله يكتب لك الي فيه الخير زين انه طلع صادق !
لمى : اصلا ماكان يراسلني لو اوريك المحادثات بيننا مافيه كثير لانه مايبي يخون ثقه بهاج وكمان حرام يخاف الله
غرام ابتسمت : الحمدلله دام يخاف الله هذا اهم شي
لمى : اي الحمدلله... صدق ماخذنا ارقام بعض !
غرام : مايحتاج اصلا انا مامسك الجوال كثير ولا احبه
لمى : ليش ؟
غرام : كذا مااحبه المهم اسمعي انا خلصت واحس ودي اجلس بالدكه مافيني نوم تجلسين معي ؟
لمى : لاوالله انا بطاريتي انتهت من صبح قايمه من الحماس ابي اشوفكم
غرام ابتسمت : يعمري نوم العافيه اجل
خرجت لمى للغرفه وغرام جهزت لها كوب قهوه وخرجت تجلس عالدرج تتامل النجوم والهدوء .
العيال كلهم نامو الا هو ماجاه نوم يفكر ويهوجس قام بهدوء متجه لقسم النساء يبي مويه اول مادخل الحوش انتبه له جالسه عالدرج ورافعه شعرها بعشوائية وبيدها كوب تتأمل النجوم استغرب جلستها لحالها وتنحنح يبيها تنتبه له التفتت غرام من الصوت وشافته معطيها جنبه الايسر
رفعت الطرحه على راسها : امر بغيت شي؟
بهاج : ليش جالسه لحالك هنا؟ والتفت يناظرها حاطه الطرحها على راسها وبيد متلثمه واليد الثانيه فيها الكوب
غرام : ماجاني نوم وانت ؟
بهاج تقدم منها يحك خلف اذنه : حتى انا مابي نوم
غرام : وجاي لقسم النساء؟
بهاج فهم سوالها : جيت اخذ شي اشربه
غرام : تبي اسوي لك قهوه ؟
بهاج ناظرعيونها : وكيف تبيني انام بعد القهوه ؟
غرام ابتسمت تنزل اللثمه وتمسك الكوب بيدها الثنتين تشرب من الكوب : تسهرك القهوه ؟
بهاج نزل نظره على غمازاتها : يمكن ؟
غرام : اجل وش تشرب اذا سامرت الليل ؟ التفت تناظر عيونه
بهاج : يمكن شاي وسيقاره !
غرام : ذوقك غريب ! القهوه هي اساس الجلسه
بهاج : يمكن لك وسكت شوي يسمع صوت هدوء انفاسها وهدوء الي حولهم ناظرها تناظر كوبها وساكته
بهاج: ليه سويتي القهوه اليوم بذال لمى؟
ابتسمت غرام: عجبتك؟
هز راسه بالايجاب ورفع راسه لسماء يتأمل النجوم
غرام كسرت الصمت : ماتوقعت الصدفه ذي !
بهاج : ولا انا شفت سيرتك وقريتها عشرين الف مرا وولا مرا شكيت انك تكونين بنت عمي ! سكت ثواني وكمل كنت اتسأل وش صار معك ؟تخطيتي ولا لا ؟كيف صرتي ؟ مانسيتك ابد !
غرام تنهدت: احد يدري بالسالفه ؟
بهاج هزت راسه : لا
غرام : تقدر تحتفظ بالسالفه ومحد يدري ؟
بهاج التفت يناظرها : وماقالو لك ان الشرطي يوقع على عهد انو مايفصح عن معلومات احد ؟
غرام ميلت راسه : بس اهلك يمكن تقول لهم !
بهاج : اقول سالفه بس ماقول اشخاص !! سكت من سكوتها
تنهد يسال: ومارجع ضايقك ؟
غرام عقدت حواجبها : ليه خرج من السجن بهالسرعه؟
التفت بهاج : مانسجن!
غرام : اجل ؟
بهاج : انا قلت لاختك مانمسك وبحثنا عن.....سكت لما استوعب وفهم ان اختها ماعلمتها والتفت يناظرها
غرام تجمعن الدموع بعينها : يعني باي لحظه بيجيني !
بهاج تنهد من استوعب : يمكن هرب خارج وماتوقع يطلع بحياتك دام انه مطلوب عندنا مابيعرض حياته للخطر ويرجع يأذيك ! اهدي
غرام نزلت راسها من حست بدموعها تنزل  ومسحتها بسرعه ماتبيه يشوفها:خايفه يرجع ماني مستعده ابداً
بهاج : مابيرجع وان رجع مايقدر يمسك وانا موجود !
التفتت غرام تناظره وابتسم يطمنها:انا ولد عمك ولا نسيتي ؟
ابتسمت بجامله ووقفت : انا بدخل انام تصبح على خير
بهاج تنهد من حس فيها تدخل وقف ومشى يرجع ينام
الجلسه والكلام كله على مسامع ريانه الي كانت خارجه تجيب سماعاتها من سياره ريان وشافتهم وثقت جلستهم بالجوال كدليل
هزت رجلها بتوتر تفكر وش بين بهاج وغرام ومين الي يضايقها مافهمت شي بس متاكده ان بينهم موضوع ويعرفون بعض من قبل اشتعل بداخلها نار الغيره .
دخلت غرام الغرفه وانسدحت تفكر ليش كذبت عليها سعاد ليش ماقالت لها عالاقل تنتبه وماتطمن بزياده التفتت لجهه سعاد النايمه واخذت جوالها تفتحه دورت على محادثه بهاج لين حصلتها دخلت وجلست تقرا كلام بهاج بأنه دور عليه وبحث ومسك اصحابه وكلهم ماعندهم علم فيه بعد الحادثه وكأنه فص ملح وذاب تنهدت تمسح دموعها وتكمل تقرا كلام بهاج بأنه لازال يبحث وماحصل شي وعن تنبيهه انو تنتبه وماتخرج لحالها ولا تجلس بمكان لحالها احتياط واذا صار شي جديد يبلغونه عضت شفتها تذكر اخواتها بذيك الفتره كانو مايتركونها لحالها حتى لو قالت اتركوني يجلسون تفتكر لما جات طالعه لبدريه لحقتها سعاد وسالت باستغراب : ليش جايه؟ مو من عوايدك
سعاد : طفشانه وقررت اجي معك اتسلى شوي
غرام : بس الي اعرفه انك بيتوتيه ماتخرجين !
سعاد : قررت اصير صايعه فيها شي ؟
ضحكت غرام : لا ابد بعلمك الصياعه على اصول وضحكو يمشون مع بعض وايديهم مشبوكه تنهدت وهي تذكر كل شي تذكر كمان روحتها لسوق ورنا معها مع ان رنا ماعندها شي تبيه بس نزلت معها عشان ماتخليها رجعت الجوال وانسدحت تغمض عيونها بتعب .

-
الساعه ١٠:١١ ص
مزنه بمجلس الرجال والحريم بالمطبخ يجهزون الفطور لهم
حصه : وين البنات ؟
وعد : نايمين امس تقاسمنا الشغل
مرام : ايه امس خلصو الشغل واليوم احنا دورنا
وسن : ايه خليهم يرتاحون عمه
خديجه : ولمى؟ عاد اعرفها رفله ماتسوي شي !
ضحكت وعد : امس معهم بس مادري اشتغلت ولا تهربت زي كل مرا
دخلت غرام تتمدد: صبحكم الله بالخير تبون مساعده ؟
وعد : ارتاحي امس اشتغلتي
غرام تقدمت توزع الصحون : ابد والله دامني صحيت اجي اعاونكم
خديجه ابتسمت: ماشاءاللله سنعه كأني اشوف لمى ضحكو البنات على سيره لمى وبدأو يوزعون المعلبات
تقدم عبدالله يدق باب المطبخ : ياامي اعطوني الاغراض
حصه : ثواني يعبدالله
وسن: سعاد ودي الشاي والفناجيل له لين نخلص المعلبات والخبز يتحمر
سعاد وقفت تحط الطرحه على راسها : طيب
شالت الصحن وتقدمت لين عند عبدالله الي واقف برا ينتظر ومعطي الباب ظهره تنحنحت والتفت : سمي
سعاد بااحراج : امسك ثقيله
تقدم عبدالله يشيل الصحن منها وابتسم بهدوء : ماهي ثقيله
سعاد : عليك مو علي !
ضحك عبدالله واتجه لقسم الرجال ينزل الاغراض ورجع ياخذ الاغراض الثانيه
عبدالله : امي كثرو زيتون
وسن: ابو بطين بنحط لك صحن كبير لك لاتخاف
حصه : قولي ماشاءاللله
عبدالله ضحك: عليك فيها يمه بتصكني عين
سعاد ضحكت تتقدم له : امسك هذا صحنك !
نزل نظره لصحن ورفع راسه يناظرها : ابي الاسود كثروه ترا جايبه انا !
رفعت حاجب سعاد : والله؟طيب ثواني يابو بطين !
عبدالله : يمه تسمعين بنت عمي وش تقول !
حصه ضحكت: مو جايك شي دام تشتكي الحين
دخلت غرام تصحي البنات للفطور تقدمت عند راس لمى وانتبهت لرساله تو واصله بجوال لمى تقدمت بخفوت تقرا من برا
بهاج : لمو تكفين تعرفين اني ماشرب الشاي ساده مع الفطور جيبي حليب
ابتسمت غرام : لمى قومي يالله فطور
لمى : ماشبعت نوم مابي فطور تكفين سيبيني
غرام : طيب براحتك وخرجت اتجهت للمطبخ وطلعت حليب معلب وتقدمت لبشرى تهمس: ودي هذا لبهاج
بشرى هزت راسها وركضت التفتت غرام لاخواتها وتنهدت لان عندها كلام لازم تتكلمه معهم بعد الفطور تقدمت تجلس وتفطر معهم كانو كلهم جالسين ماعدا لمى وملاك نايمين
دخلت بشرى تركض ووقف : عمو بهاج امسك
بهاج اخذه منها : يابعد حيي يلموش انا قايل ماتتركني
عبدالله : تحب الشاي وتشربه كثير واذا جا الفطور تركته
بهاج: اشربه عادي بس وقت الفطور افضل حليب
راشد : اصلا مدري كيف تشربون شي مع الاكل حلاته ساده
سياف : لو مشيتم على ذوق راشد رحتو فيها
مشعل : كلو وانتم ساكتين بلا كثره هرج
صلاح : محمد وينه ؟
ريان : شفته طلع بدري ركب سيارته ومشى
مزنه : يمكن انه راح بيته نسى له شي
كملو فطورهم وبعد خلصو شالو الفطور وتقدم بهاج ينزل يحط الاغراض عند باب المطبخ خرجت ريانه : بهاج كيفك اليوم
رفع راسه يناظرها ونزل نظره : بخير نادي لي لمى
ريانه : لمى نايمه وش تبي انا فيه امر
بهاج عقد حاجبينه : ابد سلامتك والتفت يمشي
طلع جواله يشوف رسالته للحين مافتحت ولمى نايمه استغرب
تقدم لبشرى الي تلعب : بشرى بسالك
رفعت راسها : وش
بهاج : مين عطاك الحليب قبل شوي؟
بشرى : هذيك نسيت اسمها
بهاج : مين ؟
بشرى : الي هنا ...

رهـِام .