وليف الروح تدري من تكون غرام القلب واغلى من العيون

8+

ماهو بكيفك تواصلني وتقطعني
اما غلا بين او فضها سيره

والله تدري وش اللي معك دافعني
اني معاك انت امارس آخر الغيره

__

  وش جاك مني خطا يومك تبيعني
  في سوق ذقها عليك اسوقها جيره

  انا اذكر انك الا من قلت دلعني
  القلب هانت علشانك مشاويره

   يامشغل القلب بين تحبني و يعني
  شفني عليك احترق ياسيدي حيره

-
نزلو البنات من السياره يدخلون الاكياس ونص الاكياس مخبينها عن لمى مزنه بحده: تأخرتو الي يشوفكم يقول تدبشون لعروس مو كم غرض ناقص !
وعد نزلت الغطايه : جده والله زحمه السوق تعرفين وكمان الحلى مو زين درنا اكثر من محل عشان نجيب شي زين
ملاك بتمثيل : كمان ترا عبدالله تأخر علينا جلسنا ننتظره نص ساعه برا
التفتت سعاد تناظرها كيف تكذب بسلاسه وابتسمت من سمعت مزنه تسب بعبدالله .
غرام دخلت : وصلتو الحمدلله اجل بروح احط العشا مع امي وعماتي عبال تنزلون الاغراض نشوفها بعدين !
لمى جات تركض : اشوف وش الاغراض الي تأخرتو عليها تستاهل التأخير ولا لا
رنا : مايحتاج تشوفين كلها شوكلت ضيافه بكرا تذوقينها
رنيم سحبت يد لمى : تعالي شوفي جبت بسكوتك المفضل مانسيتك
لمى : يبعد عمري عاد كان بخاطري والله
نزلت عبايتها سعاد بالغرفه وخرجت للبنات : هذا البسكوت لو بس يجي فتات منه بفم غرام تلقونها بالعنايه !
عقدت حواجبها وسن : ليه؟
رنا رفعت البسكوت تأشر فيه : لان فيه فول سوداني وهي عندها حساسيه منه !
ملاك باستغراب : وش دعوه عنايه حده طفح جلدي اتوقع ؟
سعاد ضحكت : لا حبيبتي غرام حساسيتها منه شديده مرا اكلته وتنومت اسبوع بالعنايه !
رنا : نفس هذا البسكوت بالضبط اكلت لقمه منه واختنقت واسعفوها صحباتها بالجامعه ودخلت العنايه الله لايعوده من ايام كنا بنفقدها بس الله لطف فيها
وعد جلست تتربع : اول مرا ادري ان فيه ناس كذا توصل معهم الحساسيه !
جميله وقفت : الحمدلله بس ربي لطف فيها
لمى: اجل شيلوه عنها لاتاكله بالغلط
رنيم رفعت كل البسكوت : بحطه بشنطتي يالمى اذا بغيتي منه تحصليه هناك
حطته بالشنطه وشالتها للغرفه
سعاد : بنات امشو نساعدهم نحط العشا
وعد : يالله بس بودي عبايتي اعلقها والحقكم
وسن انسدحت عالكنب : والله انا مكسره بريح !
رنيم جلست : حتى انا والله مالي خلق بعد لفه السوق
جميله : اقول قومي انتي وهي ساعدوهم يالله
خرجت جميله ووعد وسعاد للمطبخ عند صالحه وحصه وساره وخديجه وغرام ينزلون الاكل يوزعونه
سعاد شالت السفره : هاتي عنك يعمه
صالحه بحده : ماشاءاللله مافي الا غرام تساعدنا وينك انتي ورنا
سعاد : تونا وصلنا من السوق بس شلنا الاغراض وجينا
صالحه : ووين رنا ماشوفها ؟
وعد : جالسه مع البنات بكرا دورها تقوم هي اتركيها اليوم
خديجه : وعد امسكي الصحن بهاج برا عطيه يوديه لرجال
غرام : انا اوديه هاتي عنك يخاله
اخذت الصحن وخرجت للباب تتنحنح : امسك
بهاج وقف ينفض ثوبه : فيه شي ثاني ؟
غرام مدت الصحن : ايه باقي الخبز وبراد الشاي
مد يده بهاج ياخذ الصحن منها : بتجيبيه انتي ولا احد ثاني ؟
كان سواله عفوي جدا بس بيتاكد اذا هي بيرجع ياخذه منها واذا لا بيرسل احد ثاني غيره
ناظرته لثواني غرام بحده : ليه متوقع احد ثاني يجيب لك الصحن غيري!
وقف باستغراب من اسلوبها ومارد يناظر علامات الغضب بوجهها !
مشت وتركته وراها من طال صمته عصبت من فكرت انه ماكان يبي ياخذ الصحن منها يبي ريانه ممكن !
دخلت المطبخ تشيل الصحن الثاني ونطقت : وعد ودي الخبز والبراد لرجال انتي انا بودي حقنا وخرجت قبل تسمع الموافقه
وعد : عمه حصه اخذ الخبز الابيض والبر ولا بس البر ؟
حصه : لا خذي الاثنين البر لعمانك والابيض للعيال ماياكلون البر
اخذت الخبز وخرجت لبهاج : امسك بسرعه حار
التفت بهاج من سمع صوت وعد وعقد حواجبه : ليه وين غرام ماجابته ؟
وعد : مادري دخلت .. ودي الخبز وتعال خذ البراد
اخذ الخبز بهاج واتجه لقسم الرجال نزله وهو يفكر وش فيها زعلت ! هو متاكد ان فيها شي المغرب كانت عيونها تحكي شي مافهمه ولا راحت معهم السوق والحين اسلوبها متغير تنهد : عبيد رح جيب الشاي
عبدالله كان منسدح : يوه بهاج جيبه انت وكمل جميلك انا موديهم السوق اليوم
بهاج : لا تكثر حكي وروح جيبه من اليوم انا رايح جاي
قام عبدالله : عشان الصحبه بس مابيها تخرب
تقدم من الباب ينادي : يمه الشاي وينه
اخذت البراد سعاد : انا بوديه واجي
وخرجت له تمد البراد :امسك يابو بطين
كان ورا الباب واقف ومن سمع صوتها دخل راسه يناظرها : هذي انتي !
سعاد انفجعت من حركته لانها مو حاطه طرحه ومتخبيه عنه: بسم لله وش حركات المبزره !
عبدالله ابتسم : مين مسوي الشاي ؟ تكفين لاتقولين ملاك مسويته !
ابتسمت سعادوتكتفت : ليه تسال؟
عبدالله شمر بيد وحده ثوبه : اول جاوبي !
سعاد : ملاك مسويته
عبدالله كشر يمد البراد : كبيه وسوي ثاني
ضحكت سعاد : وليه كل هذا !
عبدالله : ماينشرب مر ماتعرف تسويه
سعاد : مو ملاك عمه حصه مسويته بس كنت بشوف ليه
عبدالله ابتسم : الحمدلله دام عمه مسويته باخذه
سعاد حست ان الحوار طال معه وهي مو حاطه شي على راسها وهو واقف يكلمها باريحيه عادي استحت لانه واقف ساكت ويناظرها .
سعاد مدت يدها : تقدر تروح !
عبدالله : ايه صح
التفت يمشي ويضحك لانه نسى نفسه يحس نفسه خفيف معها بزياده دخل وحط البراد وهو يتبوسم
بهاج: عبيد وش عندك تبوسم ؟
عبدالله ناظر بهاج وهمس: احسني لقيت نصفي الثاني !
بهاج ابتسم يقرب منه : اسلم !
ضحك عبدالله : والله طحت ومحد سمى علي
سياف جلس جنبهم : وين طحت بسم لله عليك
عبدالله : هنا تو بس الحمدلله عدت سليمه
ضحك سياف : والله اني داري من دخلت وانت تبوسم وعمي يقول ناظرو دخل المطفوق !
بهاج : مد يدك انت وياه اكلو بعدين سولفو
دخل ناصر يسلم : السلام عليكم
ردو عليه جميعا : وعليكم السلام
ناصر تقدم يتربع : الحمدلله اني لحقت ميت جووع
مشعل ضحك: هاب ريح يناصر سم ومد يدك
صلاح : زين انك جيت مسوين لك مرقه لحم تحبها انت
ناصر ابتسم باتساع : يالله كثر من خيرهم دام فيها مرقه لحم
مشعل : غسل يدك اول