يا غزال فضوح الزين عنه اشتهر
في عيونك ملاك وسط قلبي وحيد
مخطي اللي يشبه وجنتك بالزهر
الزهر ماله رماح تصيب وتصيد
لو جحدت المحبه سقم حالي دهر
مير ما كل قلب يأصل اللي يريد.
-
كان يفكر طول طريقه للبيت عن الي اسمه عمر يفتكر وجهه مالوف
وقف على جنب من تذكره واتصل على ابراهيم : برهوم تذكر مجموعه الدشير الي كنا دايم نوقف عمليه تهريبهم للشراب والحبوب؟
ابراهيم : ايه ليش ؟ لاتقول هربو كمان !
بهاج : لا بس واحد منهم هو الي خطف البنت ! وجهه كان مالوف لي
ابراهيم : عندي ملفاتهم تجي نشوفها ؟
بهاج كان مرهق ومانام تنهد يمسح عيونه : لا خلها اذا صحيت الحين تعبان برتاح والله
ابراهيم هز راسه يطلع بالملفات يجهزها : الحمدلله انه ماصار لها شي ولا لمسها دامها هربت منه اكيد قويه بس الظروف حكمتها وخلتها تنهار
بهاج حرك يلف داخل حوش البيت يوقف : انا وصلت نتكلم بعدين فمان الله وقفل يدخل البيت يشوف امه جالسه بالصاله تتفرج الاخبار تقدم منها يسلم على راسها ويبتسم بتعب : صبحك الله بالخير
ابتسمت خديجه : صبحك الله بالرضي حبيبي ارتاح امي جلس بهاج عالكنبه جنبها وانسدح يحط راسه على رجولها : ابوي راح الشغل ؟
خديجه مسحت على شعره : ايه يمه راح من صبح واخوانك كل واحد راح لدوامه انت علمني ليش تاخرت !
تنهد بهاج من طاريها وقام يسلم على يد امه : والله سالفه طويله الحين اعذريني يميمه بروح اتروش واريح اذا صحيت علمتك ابتسمت خديجه تهز راسها له وقام لغرفته يتنهد بتعب كان يوم مرهق نفسياً له مو بس جسدياً .
-
كانت منسدحه تناظر السقف بفراغ وكأنها تعيش بلا وعي دخلت صالحه تناظر بنتها: غرام يمه ومالقت رد: يابنت
التفتت غرام تناظر امها : سمي يمه وجلست
تقدمت صالحه بقلق: فيك شي ؟ تعبانه تحسين بوجع ؟ علامك ساهيه اناديك وماتردين !
تقدمت غرام تحط راسها على كتف امها وتنهدت : اقري علي يمه احس خايفه
عقدت حواجبها صالحه : بسم لله يمه علامك صابك شي ؟ وبدت تمسح على راس غرام وتقرا الايات وغرام كانت تبكي بصمت
دخلت مرام تشوف امها وغرام تنهدت وخرجت لصاله تجلس عند سعاد : سعاد غرام مرا نفسيتها تعبانه !
التفتت سعاد : واجهت شي فوق قدرتها الله يحرقه الكلب عيشها وعيشنا برعب ان شاءالله ينمسك وينسجن الكلب
مرام : والله خايفه يصير شي لغرام احسها بتفقد عقلها !
سعاد : ومن يلومها شي يخوف تنخطف وتعيش رعب مو طبيعي وغمضت عيونها بقهر
تنهدت مرام وعضت شفتها : الحمدلله عدت لازم ننتبه لها ومانتركها لحالها اخاف تسوي بنفسها شي ! قلبي يوجعني عليها يارب تحفظها
سكتت لما طلعت امها من الغرفه : وش فيكم ؟ غرام وش فيها شصاير ؟
مرام تعدلت بجلستها : ولا شي بس غرام طاحت بالحمام وشكلها تأذت ولها يوم تحلم بكوابيس برقيها وان شاءالله خير
تنهدت صالحه : الله يصلح الحال ويحفظكم .
أنت تقرأ
وليف الروح تدري من تكون غرام القلب واغلى من العيون
General Fictionأول روايه لي 🔸. الروايه سعوديه 🇸🇦. التنزيل مستمر ✔️.
