وليف الروح تدري من تكون غرام القلب واغلى من العيون

19+

                         من قريت الشعر ... وأنتِ أعذبه

-
سعاد بخوف : وش فيك !
غرام ناظرت سعاد وبخوف : عندك رقم بهاج صح؟
سعاد عقدت حواجبها باستغراب: ايه ليه؟
غرام بخوف : بسرعه دقي عليه ولا اقولك هاتي جوالك !
مدت الجوال سعاد بخوف : طيب وش فيك ؟ علميني
غرام اخذت الجوال تتصل : اذا جا تفهمين ! يارب مايصير الي ببالي يارب
رد بهاج : الو ؟
غرام : بهاج
بهاج ناظر الرقم ووقف يبتعد عن العيال: غرام ؟
غرام : ايه انا اسمع تعال الان الله يخليك بسرعه !
بهاج واقف يناظر العيال من بعيد : ليه وش صاير ؟
غرام تنهدت بخوف : تعال وافهمك!
بهاج : طيب الحين اجي
قفلت بخوف تناظر سعاد : يارب اني احلم ولا يكون واقع !
سعاد مسحت على كتف غرام : اهدي خلاص !
مرت الدقايق لين وصل بهاج ودخل الغرفه بعد مادق الباب وسمحت له غرام يدخل
بهاج : وش صاير ؟ ايش فيك !
غرام ناظرت بهاج بربكه : ابيك تحمي ريانه !
بهاج عقد حواجبه : مافهمت ؟
سعاد بحده : الحين الي مخليتك هنا طايحه تبين تحمينها !من وش ؟
غرام نزلت راسها تفرك ايدينها : مو فاهمين شي!
بهاج تقدم : طيب فهمينا وش فيك ؟
غرام رفعت راسها تناظر بهاج بحيره : ماني متاكده لكن اخاف يصير شي لها ! لما كنت بغيبوبه فيه شخص كان عندي ماني مذكره كل الكلام لكن فيه كذا كلمه علقت براسي !
بهاج عقد حواجبه :وش الكلام؟
غرام : تلاطيش غريبه يابهاج ان ريانه بتندم على الي سوته وباخذ حقك واسم ريانه تكرر علي انها بتموت و....
بهاج رفع يده يسكتها : بس بس !
غرام : بهاج خايفه يصير شي ! واكون انا السبب
بهاج : انا قبل جيت المستشفى وشفت واحد طالع من غرفتك !
سعاد وقفت : مين هو ؟ وليه جيت لغرام ؟
بهاج بارتباك :  مو وقت الكلام ذا ! والتفت لغرام يسالها : ماتتذكرين شي غير الكلام؟صوته ميزتيه ؟
غرام عضت شفتها بتوتر : ماعرف بس الي اعرفه ان ريانه بخطر ولازم ننقذها !
سعاد : مابيصير لها شي اهدي
بهاج : انا بتصل على عمه منيره واتاكد وين ريانه!
سعاد : ماشفت وجهه؟
بهاج هز راسه بأسف: لا كان لابس كمام وكاب وسالته قال غلطان بالغرفه
غرام غمضت عيونها بقوه تفكر: مين هذا !!
بهاج : اهدي براجع سجلات الكاميرا يومها واشوفه !
اخذ جواله بهاج بيتصل على منيره لكن قاطعه اتصال ابوه ورد: هلا يبه ؟ ايش!!!! لاحول ولا قوه الا بالله طيب طيب جاي !
ناظرته غرام بخوف وبكت : لاتقولها !
ناظرهم بحذر: ريانه  !
سعاد شهقت : وش فيها؟؟
غرام غمضت عيونها وسكرت اذانيها بخوف : تأخرت تأخرت
بهاج تنهد : حادث والحين هي بالعنايه
سعاد : لاحول ولا قوه الا بالله
بهاج ناظرهم : هم هنا بالمستشفى بروح لهم خليكم هنا والتفت بيمشي
غرام رفعت راسها : وقف ! بجي معك
بهاج عقد حواجبه بغضب: تجين وين ؟ انتي تعبانه اجلسي
غرام عصبت : بجي معك بهاج بروح اشوفها الي صار لها بسببي ! ماقدر اجلس هنا وانتظر يجيني خبرها !
قامت من السرير بتعب وفصلت الابره من ايدها والتفتت لشنطه تاخذ منها عبايه تلبسها تنهد بهاج يناظر عنادها وحتى بتعبها تقاوم تقدمت سعاد تساعد غرام تمشي ومرو من قدام بهاج الي واقف بهدوء
تقدم بهاج: لاتجيبون سيره عن الموضوع بحاول احله بالساكت !
غرام كانت خايفه وقلبها يدق بشكل فضيع وتحس كل ماله الاكسجين ينقص بالتدريج وصلو للغرفه الي كانت برا منيره جالسه عالكرسي منهاره وحصه جنبها تهديها وصلاح ومشعل واقفين فوقها تقدم بهاج : وش صار ؟
صلاح ناظر غرام وسعاد باستغراب: وش جابكم ؟
غرام بترقيع : انا ناديت بهاج ابي اتنازل عن ريانه لكن جاه الخبر عندنا وماقدرنا مانجي!
رفعت راسها منيره ووقفت تبكي بحرقه تمسك ايدين غرام: هذي حوبتك والله حوبتك !! تكفين سامحيها
بهاج بحده : يبه وش صاير وحادث وش؟
صلاح تنهد : ناديتك ابيك تشوف الموضوع فيه احد صدمها وهرب ! وصحباتها شافوه
بهاج : لاحول ولا قوه الا بالله طيب انا بشوف الموضوع !
غرام بكت بخوف : هي بخير ؟
منيره بكت بانهيار وكأن تو تسمع الخبر وتقدمت حصه تضمها تهديها التفتت بخوف على صلاح ومشعل تناظرهم ومسكت صدرها الي يرتفع وينفض بشكل ملحوظ تاخذ نفس: وش فيها ؟
مشعل تنهد : الحادث قوي احتمال انها تصير مشلوله!
غرام انهارت بالارض تبكي وبدت تشاهق تبي تاخذ نفس مو قادره وسعاد بكت ونزلت تمسك غرام الي بدت تضرب صدرها وصاحت : بهاج ناد احد بسرعه !
ركض بهاج ينادي الممرضات الي جو يركضون لغرام بالكرسي يجلسونها وهي كانت مو قادره تاخذ نفس تبكي وتضرب صدرها تبي نفس نقلوها بسرعه يسعفونها ومعها سعاد ومشعل وبهاج .