والله مافيهم من لونك لازين
أوصاف ولا مذهب
أنت أغلى والباقي دونك
وأنت احلى منهم وأنت أعذب
وأنت اللي حبك مايخونك
واللي يخونك ماينحب
توك تدري أني مجنونك؟
-
واقف قدامها ويناظرها باستغراب كان بيتكلم بس سحبها لداخل فجاه !
غرام : ايش...
بهاج سحبها بقوه بيده اليمين من ظهرها يقربها له ومن سحبته لها حطت يدينها على صدره بخوف وبيده الثانيه حطها على شفايفها وشال يده الي خلف ظهرها يأشر بالسبابه بمعنى اص !
كانت عيون بهاج بعيونها والقرب بينهم شبه معدوم من شده قربهم صار يتنفس ريحة عطرها الي انتشرت داخل رئته واقف يتأمل عيونها الي تناظره وكأنه نسى كل شي من حوله رفعت يدها تنزل يده من على شفايفها بهدوء ومن نَزلت يده نزِلت عيون بهاج لشفايفها وكأنه مو قادر يتحكم بعيونه ! طال بنظره يتأمل منظر شفايفها المغري له .
انتبهت غرام لنظراته وبتوتر دفته بخفيف ولفت وجهها للجهه الثانيه تحاول تشتت نظره .
عيونه نزلت لعنقها الصافي وبلل شفايفه بتوتر مو قادر يسيطر على نفسه قلبه يدق بشكل عنيف ! التفت للجهه المعاكسه بتوتر من لخبطة مشاعره.
غرام التفت لبهاج من سمعت كلام ابوها وحطت يدها على فمها بصدمه
محمد بحده : بكرا تتصلين على منصور وتطلبين الطلاق !
مرام بصارمه : لا يبه !
محمد عقد حواجبه بصدمه: ايشش؟؟
مرام بحده : هذي حياتي ومابي اتطلق !
محمد بغضب مد يده وضرب مرام كف كان اول مرا يضرب مرام كف عكس اخواتها الي دايم ينضربون !
غرام شهقت تناظر بهاج الي يناظرها وتقدمت تبي تخرج تدافع عن مرام تعرف شخصيتها ضعيفه وبتضعف قدام محمد .
مسك يدها بهاج بقوه يسحبها قدامه وبهمس : مجنونه تطلعين من المكان كذا لابوك؟
غرام تجمعت الدموع بعيونها : مابجلس هنا وابوي ضاربها كف بدافع عنها !
بهاج بحده : تدافعين عنها وتطلعين من الاسطبل كذا وش بيفكر فيه ؟ ماتفكرين انتي قبل تتقدمين بخطوه ؟
بللت شفايفها غرام بغضب : اول مرا يضربها ! اول مرا يمد يده عليها ! اول مرا هي ترده ! عمرها ماقالت له غير سم وابشر وتم يبه ! هذي اول مرا ترده وتقوله لا ! هذي اول مرا توقف قدامه وماتتردد ابدا وتقوله لا! لقت العوض فيه تفهم ولا لا ! ماتبي تخسره ! بهاج انا ماقدر اجلس هنا واتفرج اتركني !
بهاج تنهد : طلعتك من هنا غلط ! افهمي
دفته غرام : واذا؟ ابعد ماني جالسه واتركها تضعف وتوافق على طلب ابوي
تقدمت بتفتح الباب لكن وقفت من سمعت صوت سعاد تتكلم : مالك حق تدخل بحياتها !
محمد بعصبيه : ارجعي داخل الكلام بيني وبين مرام !
سعاد بحده : ماني داخله ! واسمعني يبه مرام مابتسوي الي انت تبيه ! هي مرتاحه معه ليش تبي تخرب حياتها ليش تبي تدمرها ! ليش ؟
محمد بحده : انا اعرف وين مصلحتها ! انتي مالك دخل يسعاد وادخلي داخل ولا والله لي تصرف ثاني معك !
رنا وقفت جنب سعاد : وش بتسوي تضربها! اضرب معد بيفيد جلدنا تعود على الضرب خلاص ! مرام ماراح تسوي الي انت تبيه يبه حتى لو هي وافقت انا وسعاد وغرام مابنوافق !
محمد التفت لمرام : مالك بكلام اخواتك واسمعي كلامي! وبتتصلين فيه بكرا غصباً عليك اذا مو بالطيب !
مرام بحده ودموعها تنزل : مابتصل ولا راح اقوله يطلقني ! تفهم يبه ! محمد بحده: بتتصلين غصب !
مرام :مابتصل ! انا اعرف ليه تبيني اتطلق منه غصب! لانه رفض يجيب لك الشراب ! عشان تركه ومايبي يرجع لدربه ! الرجال تاب يبه ليه تغصبه يرجع له ليه!
محمد بحده : وش تبين فيه ؟ انا ابوك وكلمتي تنسمع! دام تونا على بر اطلبي الطلاق واسمعي الكلام ولا تجادلين !
مرام : لا يبه ! انا لقيت فيه الحب والحنان والاحترام والتقديرالي ماشفتها عمري كله منك ! طول عمري اقولك ابشر يبه سم يبه عمري مارفضت لك طلب حتى بزواجي منه ! لكن لين هنا وخلاص يبه لين هنا وكفايه وماراح افرط فيه ومابوافق بطلبك ذا !
دخلت مرام عند البنات وسعاد ورنا واقفين قدام ابوهم بشموخ يبينون له انهم مع قرار مرام .
محمد بحده : هذي بدايتها انتي وياها اخذتم تفكيرهم ! ولا كأني قلت لاتحتكون فيهم ! طيب
سعاد بحده : هذا قرار مرام ووقفتنا معها حتى لو كنا ببيتنا ! لا تفكر اننا بنطيعك بكل قراراتك يبه !
محمد كان يشوف قوه بناته لاول مرا كذا ركب سيارته ومشى بغضب .
غرام كانت واقفه ويدها عالباب ماقدرت تفكه تبكي بصمت على حالها وحال اخواتها محمد متسلط ومتجبر عليهم وبكل مرا يبين لهم انهم اخر اهتمامه !
بهاج تنهد يناظر ظهرها : انا بكلم ابوي وعمي مشعل وبنحلها
غرام التفت تناظره : ابوي مابيعيدها ! وبيسوي الي يبه اذا مو اليوم بكرا
بهاج تقدم لها : وابوي وعمي مابيخلونه ! مابيسكتون على الظلم ذا
غرام مسحت دموعها : جرب اذا قدرتو !
فتحت الباب وخرجت تدخل داخل عند البنات الي كانو واقفين مشتتين وواضح الخوف بوجيههم دخلت الغرفه عند مرام الي تبكي وسعاد ورنا ووعد يهدونها ودخلت خلفها وسن وبيدها مويها: اشربي واهدي
وعد : مايقدر يسوي شي اذا انتي رفضتي وهو رفض ماعليك منه !
سعاد بحده : لاتوافقين مهما صار تسمعين !
غرام جلست عند رجول مرام : لو فيها قص رقبتي ماخليته يطلقك غصب يامرام !
رنا : دام انتم تبون بعض والله مايقدر يفرقكم شي !
وسن : قومي صلي ركعتين وادعي ربك ونامي ترتاحين والله
مسحت وجهها مرام وقامت تتجه للحمام تسمعهم يتهامسون عضت شفايفها ماتبين تبكي زياده .
رنا بكُرهه: عمري بحياتي ماحبيت ابوي لو هو ميت كان افضل !
سعاد : والله مابسامحه لو غصبها تتطلق
غرام بحده : والله ماسيبه يسويها وانا بنت صالحه ! لاسوي المستحيل عشان يبقون سوا
تنهد وعد : الله يصلح الحال.
دخلو البنات ينسدحون ينامون بكرا عندهم الشوفه الشرعيه للمى ولازم يقومون بدري يساعدونها
كل وحده انسدحت تفكر بالي صار الموضوع وترهم وخصوصا ان مرام ومنصور ماكملو حتى سنه بس متعلقين ببعض كل واحد فيهم لقى نصفه الثاني المكمل له .
أنت تقرأ
وليف الروح تدري من تكون غرام القلب واغلى من العيون
General Fictionأول روايه لي 🔸. الروايه سعوديه 🇸🇦. التنزيل مستمر ✔️.
