" ආදරණීය ප්‍රාර්ථනා.. "

53 කොටස

" ඒ පගෝ දැන් බිමට වරෙං ! "

" පොඩ්ඩක් හිටපං මන් මේ දෙබලේ හිර වෙලා ඕයි... !! "

" අඩො කවුරු හරි එන්න කලින් බැහැපන් කොහොම හරි "

" මේ ඉදපන් කොහොම හරි මේ ගෙඩියත් කඩා ගන්නකල් රෙද්ද "

" උඹ දෙබල ඇතුලෙ හිර වෙලා තව ගෙඩිත් කන්නද පගෝ කියන්නෙ !! "

" උඹලට එපානම් මට කොරන්න දෙයක් නෑ.. මටත් ගෙඩියක් ඔනෙමයි !! "

" ඉතින් බං මේ තියෙන්නෙ තුනක්ම මෙකෙන් කාපන් "

" බැ මේ ගෙඩියත් මගෙ ඔය ගෙඩිත් මගේ !! "

" ඕන උත්තක් කර ගනින් එහෙනම් ! "

අගහරුවාද දවස එහෙන් පිටින්ම ගෙවුනේ කොහොමද බදදා දවසත් ගෙවිලා ගියේ අන්න ඒ විදිහටමයි...

ඉතින් අද ඇවිත් එතකොට බ්‍රහස්පතින්දා. මේ දවස් ටිකේම පෙපර්ස් ඩිස්කස් කරපු වැඩයි , පෙපර්ස් බලන්න උදව් කරපු වැඩයි එක්ක කොහොම කොහොම හරි මැඩම්ලාට දැන් ඉතුරු වෙලා තියෙන්නෙ මාර්ක් ශීට් එකට ලකුණු ටික දාලා රිපොට් හදන්න විතරයි..

ඉතින් කට්ටිය එක්ක උදේ මැඩම්ලට මාර්ක් ශීට් හදන්නත් උදව් කරලා අපි හතර දෙනාම පැන්නෙ ස්කොලෙ වත්තේ තියෙන ඉපැරණි අඹ ගහට...

කම්බි වැටක් අස්සෙන් රින්ගලා මන්නම් ඉදියේ අතකුයි මුණකුයි සූරගෙන උනාට අඹ කඩන්න තියෙන ආසාව හින්දාම මන් තාම ඉදියේ ගහ උඩ...

කැන්ටිමෙ ඇන්ටිගෙන් ලුණු ටිකකුයි මිරිස් ටිකකුයි ඉල්ල ගත්තනම් ෆ්ට්ට...

එතකොට දැන් මන් ගහ උඩ ඉද්දි ගහේ පල්ලේ ඉදියෙ මගෙ ඕන වැඩකට එක සිතින් පැලිලා යන්නම සප් එක දෙන අතිජාත බලු යාලුවො තුන් දෙනා..

කම්මැලිකමෙන් ඔහේ ස්කොලෙට වෙලා ඉදලා අපි මේ පොඩි සවාරියක් යන්න ගිහින් තමයි මේ අඹ ගහ මතක් වෙලා මේ පැත්තට ගෑටුවෙ...

ඉතින් පඩයා වගේ මමත් අරුන් තුන් දෙනාට ගහ පල්ලෙ ඉන්න කියලා ගහෙ නැග්ගා තමයි , ඒත් ගෙඩියක් කඩන්න ගිහින් අන්තිමට මන් නතර උනේ දෙබලක් මැද්දෙ හිර වෙලා..

එහෙමයි කියලා අපි සැලෙනවද ??
නෑ නේ නෑනේ !!

ලැජ්ජ නැතුව මමත් ගස් දෙබල අස්සෙ හිර වෙලාම අත ලග තිබ්බ අඹ ගෙඩිය කඩා ගන්න ඇත්තටම මාර කට්ටක් කෑවෙ.. ඒ අස්සෙ තමයි ඔය මගෙ යාලුවො තුන් දෙනාට මාව මෙ බිමට බස්ස ගන්න ඔන වෙලා තියෙන්නෙ...