သွေးထွက်သံယို အခန်းများ ပါဝင်သည့်အတွက် စာဖတ်သူတို့အား ဤနေရာမှ အသိပေးအပ်ပါသည် ။
Unicode
" ခွပ် ! "
ရုရှားက လက်နက်ထုတ်လုပ်သူနှင့် စကားစမည်ပြောဆိုပြီး ပြန်အလာ ဓာတ်လှေကားမှ အထွက်တွင် Leandro မျက်နှာသို့ ဦးတည်လာသော လက်သီး ၊ ဦးခေါင်းကို အလျင်ဖယ်ရှောင်လိုက်တော့ နံရံသို့ ထိုးဝင်သွားသံသည် ကျယ်လောင်လှသည်။ နောက်တစ်ကြိမ် ကျရောက်သော လက်သီးကို လက်ကောက်ဝတ်မှ ဖိကိုင်၍ ထိုလက်အား လှဲ့လိမ်ချိုးလိုက်သည်။
" အား ! "
Leandro၏ ခြေကန်ချက်များသည် တစ်ဖက်လူ၏ နံရိုးကြားသို့ အကြိမ်ကြိမ် ဦးတည် တိုက်ခိုက်သည်။ နောက်ဆုံး မခံနိုင်တော့သည့် သူသည် အရှူံးပေးသည်ဟု ဆိုကာ ဒူးထောက်ထိုင်ချသည်။
" he pecado señor! "
( အပြစ်ပြုမိပါတယ် ဆက်ခံသူ)
" သူ့ကိုလွှတ်လိုက် Leandro ငါကိုယ်တိုင် မင်းကို တိုက်ခိုက်ဖို့ အမိန့်ပေးထားတာ "
" ကျုပ်က ဘာဆိုင်လို့ Mr
ဖာနန်ဒို စကား နားထောင်ရမှာလဲ "
Leandro ဂရုမစိုက်စွာပင် အားရအောင် ထိုးနှက်ပြီးမှ ဖယ်ခွာလိုက်သည်။ Leandro navarro ဆိုတာ ဘယ်သူ့အမိန့်ကိုမှ နာခံတတ်သူမဟုတ် ကိုယ့်စေလိုရာအတိုင်း သွားတတ်သောသူ ။
" ဟိုကောင်လေး ပြိုင်ပွဲစနေပြီလား "
" ဟုတ်..အာ့ စနေပြီ "
Leandroသည် ဖာနန်ဒို၏ ဆွဲခေါ်မှုကြောင့် လက်ဝှေ့ပွဲ ကို အပေါ်ထပ် အဆောက်ဦး၏ မှန်မှတစ်ဆင့် ကြည့်ရှူရသည်။
အောက်မှာ မြင်နေရတဲ့ လက်ဝှေ့ကွင်းမှာ ထိုးသတ်နေကြသော လူနှစ်ယောက် ပြိုင်ပွဲဖြစ်သည့်အတွက် အနိုင်ရှုံးကွဲပြားနိုင်သေရန် တစ်ယောက်နှင့် တစ်ယောက် အားရစွာ တိုက်ခိုက်နေကြသည်။
" ဘယ်သူ နိုင်မယ်ထင်လဲ Leandro "
" ညာဘက် ဝိုင်းထောင့်ကလူ "
" အကြောင်းရင်းက "
" လက်ဝှေ့ (Boxing) မှာ Jab, Cross, Hook ဆိုတဲ့ တိုက်ကွက်သုံးမျိုးက အဓိက အခြေခံနည်းလမ်း ဖြစ်ပြီး၊ ပြိုင်ဘက်ကို အများဆုံး ထိခိုက်စေဖို့ အသုံးပြုနိုင်တဲ့ အင်အားကြီးဆုံး နည်းလမ်းကို ညာဘက်ထောင့်က လူက သေချာအသုံးချပြီး တိုက်ခိုက်နေတယ် ၊ မကြာခင် တစ်ဖက်က ဟာကွက်တွေချည်း အတိုက်ခံရတဲ့အချိန် အင်အားယုတ်လျော့လာပြီး အရှုံးပေးရလိမ့်မည် "
