Unicode
မနက်အစောတွင် ဆရာဝန်က လိုအပ်သည်များကို စစ်ဆေးမှုပြုလုပ်ပြီးနောက် ဒဏ်ရာအခြေနေက အတော်လေးကောင်းမွန်နေပြီး ရက်အနည်းငယ်အတွင်း အရှင်းပျောက်မည်ဟုဆိုသည်။ ဆရာဝန်ထွက်သွားပြီးသည့်နောက် ခဏအကြာတွင် တံခါးခေါက်သံအား ကြားလိုက်ရသည်။ ဝင်ခွင့်ပြုလိုက်သောအခါ မော်ကြွားနေသော ဟန်ပန်ဖြင့် လျှောက်ဝင်လာသော မင်းအာဏာပိုင်ကို တွေ့လိုက်ရသည်။
" ဒီ ဝတ်စုံကိုလဲလိုက် ခဏနေရင် မိတ်ကပ်အဖွဲ့ လာပြီး ခင်ဗျားကို ပြင်ဆင်ပေးလိမ့်မယ် "
" ဘာအတွက်လဲ? "
လက်ထဲသို့ ရောက်လာသော Boxကို ကြည့်ပြီး လင်းမြတ်အမေးပြုလိုက်သည်။ ထပ်မံ၍ တစ်ဆက်ဆည်း ကြားလိုက်ရသော စကားလုံးအား မယုံကြည်နိုင်စွာဖြင့် မေးလိုက်မိသော်...
" ခင်ဗျားနဲ့ ကျုပ်ရဲ့ လက်ထပ်ပွဲ နောက်တစ်နာရီကြာရင် စမယ်၊ အချိန်မလင့်ခင် အလှဆုံး ဖြစ်အောင် ပြင်ဆင်ထားလိုက်.. "
" ငါက ယောကျာ်း လှဖို့မလိုအပ်ဘူး..
ပြီးတော့ ငါတို့ သဘောတူချက်အရ လက်ထပ်စာချုပ်မှာ တစ်နှစ်အကျုံးဝင်တဲ့ လက်မှတ်ထိုးထားရင် ရလောက်ပြီပဲ.. မင်္ဂလာပွဲတွေ ဘာတွေ မလိုအပ်ဘူး ထင်တယ် "
" အဲ့ဒီယောကျာ်း ဖြစ်တဲ့ ခင်ဗျားကို ကျုပ်က လက်ထပ်ဖို့အတွက် ပြင်ဆင်ခိုင်းနေတာ လိုအပ်တယ် မလိုအပ်ဘူးဆိုတာ ကျုပ်ဆုံးဖြတ်မယ် လင်းမြတ်တည်ကြည်၊ ကျုပ် ခင်ဗျားကို တောင်းဆိုနေတာမဟုတ်ဘူး အမိန့်ပေးနေတာ ခင်ဗျားမှာ ငြင်းဆန်ခွင့်မရှိဘူ "
လင်းမြတ်တည်ကြည်၏ သက်ပြင်းချသံက အခန်းတွင်း အလိုမကျစွာ ထွက်ပေါ်လာခဲ့သည်။
" မင်း အပြင်ထွက်ပေး... ငါအဝတ်လဲဖို့ "
" မထွက်ဘူး ! ခင်ဗျား ဘာသာ ကြိုက်ရာနေရာလဲ ၊ မဟုတ်မှလွဲ ကျုပ် ကိုယ်တိုင် လဲပေးစေချင်လို့ ဉာဏ်ဆင်နေတာလား "
" တောက်ခ် ! "
ဒုန်း
လင်းမြတ်တည်ကြည် သည်းမခံနိုင်စွာ တက်ခေါက်၍ ရေချိုးခန်းထဲ ဒုန်းစိုင်းဝင်လာပြီး တံခါးကို ဆောင့်ပိတ်လိုက်သည်။ ရေမိုးချိုးပြီးနောက် အဝတ်စားပါ တစ်ခါထဲ လဲပြီး အပြင်ထွက်တော့ မိတ်ကပ်အဖွဲ့က ရောက်လို့နေပြီ။ လင်းမြတ်၏ မျက်နှာကို အမျိုးစုံသော ပစ္စည်းများနှင့် ဖုတ်လိုက်ပုတ်လိုက်နှင့်ဆွဲ၍ ပြင်ဆင်ပေးတော့၏။
