|| ڕاستـەوخـۆ لـە پەنـجەرەکـەمـەوە ||🔛

26.The football match

ئـێـلا'pov

تۆپی پێ.

بەناوبانگترین وەرزشی جیهان و یەکێکە لە خۆشەویستترین وەرزشەکان لەلام. نازانم کەی خولیای سەیرکردنی یارییەکانم پەرەپێداوە، ڕەنگە لەو ڕۆژەوە بووبێت کە یونگیم بینی کاتێک لە حەوشەی ماڵەکەیدا یاری تۆپی پێی دەکرد یان ڕەنگە ئەو کاتە بووبێت کە دایکی دانی ئێمەی برد بۆ بینینی یاری براکەی دانی، نازانم. ڕاستییەکە ئەوەیە کە بەڕاستی چێژ لە سەیرکردنی یاری تۆپی پێ وەردەگرم.

زۆر پەرۆشم بەڵام لێدان خێراکانی دڵم و دەستە ئارەقاویەکانم کاریگەری سەیرکردنی یارییەکە نین، ئەو کاردانەوە ناو و پاشناوی هەیە: مین یونگی هیدالگۆ.

بۆچی ئەوەندە دەمارگیرم لەوەی کە دەیبینم یان نا؟

دوورم لێوەی، تەنانەت من نابینێت و هەست بە بوونی من ناکات لەناو ئەو ژمارە زۆرەی خەڵکدا لە یاریگاکە. پێویستە ئارام بم.

گەیشتینە یاریگاکە. وەک پێشبینیم کرد شوێنەکە پڕ بێت، دانی کێشەی هەبوو بۆ دۆزینەوەی شوێنێک بۆ وەستاندنی ئۆتۆمبێلەکەی بەڵام دوای ئەوەی زۆر گەڕا لە کۆتاییدا یەکێکی دۆزیەوە. چووینە نێو یاریگاکە یەک لە دوای یەک، بەدوای شوێنێکدا دەگەڕاین بۆ دانیشتن. لە ڕیزی دووەمی کورسییەکاندا شوێنێکی زۆر هەیە، دیمەنێکی باشمان دەست دەکەوێت بۆیە لەوێ ماینەوە.

سەرەتا دانی دانیشت، پاشان ئەپۆلۆ و کارلۆس و یۆشی و من. من پێم خۆش نییە ئەوەندە لە دانی دوور بم بەڵام نامەوێت یۆشی بیر لەوە بکاتەوە کە نامەوێت لە تەنیشتی دابنیشێم یان نامەوێت چیتر لێی نزیک ببمەوە دوای دانپیدانانەکەی.

لێرەدا دوو لایەنی هەوادار هەیە، ئێمە لە لایەنی تیپی دانیاڵ و یونگیەوەین. چیمەنی سەر یاریگاکە زۆر سەوز دەردەکەوێت، زۆر بە باشی بڕاوە. هێشتا کەمێک ڕۆژ ماوە هەرچەندە خۆرەکە نەماوە. ئاسمان خۆڵەمێشی دەردەکەوێت و پێشوازی لە تاریکی شەو دەکات، گڵۆپە گەورەکانی یارگاکە داگیرساوە.

بە قورسی تفم قووتدا لە کاتێکدا چاوەکانم بەناو یاریزانەکاندا دەگەڕا
کە لە نزیک گۆڵەکەوە مەشقیان دەکرد. یەکپۆشی تیپەکەی یونگی ڕەشە هێڵی سوری تێدایەو ژمارەی لەسەرە، هی تیپەکەی تریش سپییە.

ژمارە ٥

لە کوێی خودای یۆنانی؟

وەک ئەوەی بیەوێت وەڵامم بداتەوە، یونگی لەگەڵ کۆمەڵێک کوڕ هاتنە ژوورەوە، بەو متمانەیەوە دەڕوات کە تایبەتمەندی خۆیەتی. دڵم دەستی کرد بە خێرا لێدان وەک ئەوەی لە ماراسۆن بێت. شۆرتە یەکپۆشیەکەی بە تەواوی لەگەڵ قاچە پێناسەکراوەکانیدا دەگونجێت. کراسەکەش توند و تۆڵە و ئەو قۆڵانە ئاشکرا دەکات کە بە توندی سەرنجی منیان بردووە. جۆرێک لە لاستیکێکی سووری تەنک لەسەر دەکات بۆ ئەوەی قژر ڕەشەکەی لە پێشەوەی دوور بخاتەوە. وە لە قۆڵی چەپیدا نیشانەی تیپی کاپتنی تیپەکەی لەبەردایە.