لا اعتذر على الاخطاء الاملائية
عدلت الطول << تفاعلكم يجنن 😂
فيه مشهد رومانصي مايناسب الجميع :/ 👍
بارت لهمس وفهد
لو باتَ سهمُ من الاعداءِ في كَـبدي
ما نالَ مِنّيَ .. ما نالتْهٌ عيناكَ .
___________________
مسك يد مترصد عاض شفته من ألم ظهره : خذني لشقتي..انا بهتم بنفسي
شد على يد فارس يومئ بطاعه ويتركه سايق لشقته
وصل بسرعه رغم بعد المكان ونزل حامله بيدينه
فارس ماسك جرحه و وجهه متعرق
يغمض بدوار شايف المكان يدور فيه : مترصد.. حتى لو نزفت للموت وطحت قدامك ، اياك تفكر تعالجني
مترصد بهمس : قاسي !
فتح باب الشقه وتكلم فارس بأمر: اتركني عند الحمام
نزله بغيض وفارس استند عالجدار بعيون ناعسه : اطلع ..
طلع المعني صافق الباب بقوه
فاك لثمته و ضرب الجدار بيده : الغبي وش يحسب نفسه ! يبي يموت !
نزل بقهر : إذا مات بقتله !
___
داخل الشقه
فتح باب الحمام يمشي للمغسلة بترنح فاتح الموية البارده يحط راسه تحتها
لو غفى الحين بتكون نهايته
ابعد يرمي ثوبه حاس بالالم يقطع جسمه
استند عالجدار يفتح دولاب الاسعافات مطلع المعقم والشاش
فصخ قميصه يبلله مويه ماسح الدم من جسمه و كب كمية معقم متأوه بألم
: تحمل يارخمه ..هي جرحين
سكرهم بلزقات كبيره وجفف جسمه يلف خصره بالشاش مغطي الجروح
طلع لغرفته يسحب بجامة رماديه و تيشرت اسود يخفي الدم لو نزف
انسدح عالسرير يسحب نفس وهو يجفف شعره : الحين انت كفو
وقف رامي المنشفه رايح للمطبخ يشرب كوب قهوه وتوست عشان مايدوخ ..عالاقل لين يجيب اخته
لبس شوزه طالع من الشقه نازل الدرج بهدوء موجع له، كنه يموت مع كل خطوه
وصل لاخر درجة مطلق تنهيدة اوجعت معدته وكمل طريقه لخارج المبنى
ابتسم وهو يشوف مترصد بسيارته وراسه على المقود
دق الدريشه واستقام مترصد بسرعه فاتحها
فارس : اتصل بسلطان جوالي معه ، و .. لاتعلم احد عن اللي صار
صد عن فارس يعض باطن خده و فارس ابتعد خطوتين بأبتسامه
من حركته يقدر يعرف انه زعلان ..بس من وش؟
لوح له بيده : تقدر تمشي
شغل السيارة منطلق بأقصى سرعه قدام فارس اللي يناظره بصدمه : شفيه ذا ! ..كنه معصب؟
خلال عشر دقايق وصل سلطان نازل من سيارته جري لفارس
وقف قدامه لاهث يلقط نفس: استاذ فارس.. ندور لك من ثلاث ساعات
رمش الصغير بأستغراب : ثلاث ساعات ؟ كم الساعة الحين ؟
سلطان : 12
وقف فارس بسرعه وعض شفته كان ناسي جرحه لثواني : كنت اتمشى نسيت اقلكم ..خذني لشقة مشعل
طلع للسيارة لاحقه سلطان : وين جوالي ؟
سلطان يناظره بالمرايا : هاذ هو طال عمرك .. حران اشغل المكيف؟
اخذ فارس جواله مدنق مب قادر يستند على ظهره : لا
أنت تقرأ
همسة ألم
Romanceبنت بمدرسة عيال... رومنسي مدرسي اكشن انتقام كوميديا ((بنت تدخل مدرسة عيال عشان تنتقم من شخص يحبها..؟ ))
