لا اعتذر على الاخطاء الاملائية
طولت ؟ ... ناوي اكثر منها
__________________
صحى عند اذان المغرب على صوت دق قوي وقام بأنزعاج يفك الباب : خير !
تفاجئ بحضن سحر اللي سحبت شعره فورًا : ياحيوانه خوفتيني عليك، ساعة ادق الباب ! وين مختفية عني!
استوعب انه حط ريم عندها ومارجع خذاها : اوه والله اسف انشغلت ، ادخلي
دخلت و وراها ريم متجاهلته وراسها بالجوال
وقف بشرود يتذكر احداث اليوم ( كنت احلم ؟ ...لا ماطلعت بنفسي..يمكن سلطان؟.. بس ذا العطر ...)
سحر نادته : شتسوين ؟
سكر الباب داخل : جيت
جلس وسحر نشبت عنده بأهتمام : شذا اللزقات ؟ متضاربة مع احد انتِ؟
لمس وجهه اللي كله لزقات جروح ( سلطان اليوم ميت ) ابتسم بتصنع
يضحك بتسليك : ذي قطاوى خويي
نطت ريم تاركه الجوال : قلت ماتعرف وين بيته
توهق : مب سليمان ذا واحد ثاني
ريم بعبوس : متى اروح لسلوم؟
حك راسه : اذا الوقت مو متأخر اخذك له اليوم
سحر بتهزيء : تخلين اختك عند رجال غريب ! صاحية انتِ!
فارس تنهد : ذا كبر جدك و ولده بفصلي
ريم ضربت فخذه : لاتقول كذا هو حلو
سحر غمزت لريم : لأي درجة حلو؟
نشبت له: معك صورته؟
تكلم بعصبية طفيفه : شتبين فيه!
ضحكت على عصبيته المصطنعه : فديت الرجل الغيور
ريم تحرك يده ببكاء: بتسحب علي
فارس : مايصلح نروح له فجأه لازم نتصل نشوف اذا فاضي
حضنت خصره معطيته نظرة القطاوي : اتصل الحينا تكفااااا
تنهد مربت على شعرها : روحي جيبي جوالي
ركضت ريم بحماس تصارخ : يسسسس
سحر انتظرتها لين تدخل الغرفه وتكلمت بهدوء يرادفه سؤال بحزم :صايره تتنهدين كثير .. من الرجال اللي تحت؟
رفع كتفه : واحد سكن جديد هنا
سحر برفعة حاجب : وليه دايم عند سيارته ؟
مسوي طبيعي : شدراني اسأليه
سحر تقرب لوجهه: وليه ينحني لك كلما طلعتي
بلع ريقه بتوتر وصارخ بعدما استوعب : تراقبيني!
رمشت سحر بأبتسامه : مب انتِ ..هو
سطرها بالمخده : ياقليلة الادب
ضحكت وهي تصد ضرباته : شسوي مز وطويل وجا لعيوني برجوله
ابعد وجلس معطيها نظرة حاده .. لوا شفته بتفكير: الصراحه صدق مز
مسكت يده ولصقت فيه بأبتسامة : حبيبي.. قلبي..عيوني..فضائي
فارس :خير!
سحر مسوية كيوت : شسم المز ؟
رد بسخرية : فارس
ابعدت مصغرة عيونها بحقد : نذله .. اسألك صدق
ارخى ضهره عالكنب وبذي اللحظة جات ريم لحضنه : لقيت الجوال
فارس خذاه يفتحه : اعلمك بشرط
سحر بحماس : قول قول من عيوني تبشر
يحط الجوال عند اذنه منتظر سليمان يرد : تناديني فارس.. وتنسين همس
سكتت سحر ماسكه عبوسها ( ماطلبت ذا الشي من طيب) ليه تناديه بذا الاسم وهو بشكله ذا دافن همس و كاتم وجودها
رد سليمان بعد ثواني: السلام عليكم ، من معي ؟
قبل يتكلم فارس قربت ريم للجوال : ذا صوت سلوم رد رد
سليمان ضحك : ارحبوا تراحيب الشتا يالبزران
فارس مو عارف كيف يتكلم بأدب : ترا ماسك لساني
سليمان : شايف الاخلاق.. شخبارك يبوي ؟ وين ايامك
فارس : والله منشغل
ريم تقرب : قله طيب
سليمان سامعها : وش يقلي؟
فارس حك راسه بأحراج : مشتاقه لك وتبي تزورك
سليمان بحماس اطفال : ياجعلنييييي..تعال وجيبها معك شالمانع؟
فارس: والله مقدر اجيك ذا الفترا منضغط ، لكن اقدر اجيبها كم ساعه اذا فاضي؟
: دوامي الصباح ، ومن بعد العصر بالبيت تقدر تجيبها كل يوم عندي
ابتسم بأرتياح كان يحسب انه بيثقل عليه: خلاص اجل ببثرك بها
سليمان يشيل القطو لحضنه : احلا بثر هي واخوها
فارس ببرود مستاء من وصفه بالبثر : ان شاءالله مابتشوف اخوها
سليمان : امزح معك يـ ولد اهجد
فارس تذكر العطر : بسألك
سليمان : هلا
فارس : فهد داوم اليوم؟
سليمان استغرب سؤاله : اي داوم .. ليه انت مو بفصله؟
زم شفايفه ( اذا ذاك مب فهد ، اجل من ؟) : نقلت من المدرسة
سليمان بتفاجئ : افا ليه ؟
فارس : مشاكل كثير مترابطه وانتقلت مجبور
سليمان بتردد : فهد يدري؟
تغيرت ملامحه منزل راسه ناسي العيون اللي تناظره : لا .. ماقلت لاحد
سليمان بعجله : عندي اتصال ثاني ارد وارجع اتصلك
فارس :لا عادي، وريم بجيبها
سليمان : حيها .. سلام
فارس : سلام
سكر الخط بأبتسامة لريم : مالي مكافئة؟
اومأت تبوس خدوده الثنتين وفمه : انت احلا انسان بحياتي
ضحك : من معلمك الكلام الحلو؟
رفعت اكتافها بغرور ودلع بنات : انا من يومي كلامي حلو زيي
باس خشمها يحمد ربه على ذي النعمه : انشهد
قاطعتهم سحر بسؤالها له : تحبين؟
ناظرها مستغرب السؤال : انا؟
اومأت و ابتسم بذبول : خليت الحب لأهله .. واحد مثلي مسموحله يحب؟
سحر بحزن : لاتقسين على نفسك كذا ... طايحه بحب ولا ؟
حضن اخته اللي بادلته الحضن من شعورها بحاجته للحنان : كنت .. لين استوعبت من انا .. غير كذا انا نفسية وكاذب على الكل بحقيقتي .. وكل من صار قربي يتأذا ..من بيحبني ؟
عبست سحر ببكاء تحضنه مع ريم : حنا نحبك
أنت تقرأ
همسة ألم
Romanceبنت بمدرسة عيال... رومنسي مدرسي اكشن انتقام كوميديا ((بنت تدخل مدرسة عيال عشان تنتقم من شخص يحبها..؟ ))
