همسة ألم

بارت34

لا اعتذر على الاخطاء الاملائية

___________________

طلع من البقاله ساحب اكسجين .. محد ملاحقه هنا
لا سيف ولا سلطان
مابه عصابه تراقبه ولا اخوياء يزعلون منه
مكان تحاوطه السكينه رغم ازدحام الخلق واصواتهم هنا وهناك
( انا ليه ماقد عشت لنفسي؟)
مشى حاس بالجوع يتلفت بالمكان .. قده تخطى المطاعم والمحلات الكبيره
مابيرجع .. وبعد اللي صار بالكوفي مستحيل يدخل مطعم لوحده
دخل بين الحواري ويده بجيبه بيطلع الجوال
حس بشي من التوتر يدور بالجيب الثاني : لعنه نسيته بالسيارة !
تلفت بعيونه يدور مترصد غير قادر على تمييز السياره
اذا كان موجود اصلًا !
ضرب حصى من قدامه يمشي بقهر : عادي اضيع كم ساعه ليه متوتر ؟
مابه شي اخاف عليه حتى ريم عند سليمان ... هد فارس معك سكينك
مشى زياده بطرق عشوائية بها عيال يلعبون كورة وبعدها تجمعات عيال
بالاحرى عيال شوارع او قُطاع طرق "
خطى بينهم مسوي طبيعي ويده بجيبه ماسك السكين
صفر احد الشباب ناطق بهزء : يعيال بنت مضيعة الطريق
فارس عطاه نظره وكمل طريقه ( ناقصني مشاكل ؟)
: اح اح شفت نظراته !
اعترض ثالثهم طريقه : تمشي بحارتي وتتجرء ترفع عيونك !
فارس بسخريه : حارة ابوك هي ؟
تلفت كنه يدور : اشوف اسمك وين مسجل ؟ سر امها لا ارسلك لخالقك
دفه الولد بخفه : لاتهايط وانت لوحدك
فارس بهزء : ولاتتمرجل على راسي وانت جامع ثلاث على واحد
صارخ احدهم كنه منتظر المضاربه منزمان : هيييه لاترفع صوتك لا اعدمك بأرضك
ابعد الصغير خطوه : جرب .. يالخكري
تفادا اللكمة اللي كانت بتشوه وجهه متلقي الثانيه ببطنه يردها بلكمة اقوى
بادين مضاربه غير عادله
لمح السكين بيد الثالث ،يبتسم ويتفل الدم ماسح شفته ومطلع سكينه : كذا اجل !
صارخ واحد منهم : يعيال رجعوا السكاكين ، بتقتلون بعض! ناصر رجع سكينك
ناصر يقرب لفارس اللي واقف منتظره بنظرات بارده وانفاس متقطعه من التعب : مالكم دخل .. اذا خايف ارجع صيح بحضن امك
صارخ على ناصر بعصبية : مجنون انت ! الدوريات قريبه
مرت السكين قدام وجه فارس اللي تجنبها وردها بدون ماتلمسه
غدرته طعنة بخصره من ورى بفعل الولد الثاني
متشتت تركيزه سامح لسكين ناصر تخترق بطنه
تأوه بألم معقد حواجبه يجرح خد ناصر بحركة سريعه قبل لايطيح جالس ويده على بطنه
ابتسم بسخريه لناصر اللي معصب على خويه : ليه طعنته !
فارس : اسف لك .. رجالي مابيخلونك
ناظره الطويل بأستفهام واخويائه هربوا : رجال وش ؟
جلس قدام فارس يمسك جرحه ضاغط عليه : اقدر اخليك تنزف هنا ألين تموت ومحد درى عنك
طلع صوت متألم مبعد يد ناصر اللي ضغط جرحه : نذل
وقف ماخذ سكين فارس وطاح فاقد الوعي بعدما تلقى ضربه من الملثم
ابتسم فارس غارق بدمه : تأخرت .. مترصد
شاله بحضنه يضمه مخلي الصغير يغمض عيونه دافن راسه بصدره يستنشق عطره بتخدر هامس بغير ادراك : فهد ..
دخله للسيارة يفك ازرار ثوبه
مسك يد مترصد عاض شفته من ألم ظهره : خذني لشقتي..انا بهتم بنفسي
شد على يد فارس يومئ بطاعه ويتركه سايق لشقته

_______

بكرا اكمل .. حاولت اكتب بسرعه بس ذا اللي طلع معي 😂
تسليكه قبل اختبارات بعضكم