تعبان وحالي منعفس .. اخر بارت ذا الاسبوع
_______________
فارس : انا اعرفه
فهد عقد حواجبه : تعرف من ؟
فارس برجفه : صاحب الصور .. هو اللي تضاربت معه قبل ايام
فهد ينتظره يكمل
فارس : بتصدقني صح ؟
فهد اللي صبره بدا ينفذ ربت على كتف فارس : بصدقك وعد
فارس يرتجف : اللي قتله ...
قاطعه دق الباب وسكر اذانه بخوف
فتح الباب فهد بعصبيه واستقبله وجه صقر الحاد
دخل بلا كلام وفهد وراه مخلي الباب مفتوح
____________
نمرر الوقت لأسبوع :)
اسبوع كامل و فارس بغرفته مو قادر ياكل او يشرب بدون مايتذكر شكل الطالب ويستفرغ اللي بمعدته
اسبوع كامل يتحلم فيه كلما غفت عينه .. كانت حالته مزريه لدرجة انه مخلي اخته عند سحر عشان ماتخاف من وضعه
اندق باب غرفته وعرف علطول انه صقر .. هو الوحيد اللي معه مفتاح الشقه
فارس المتلحف بالكامل صارخ : لاتدخل
دخل صقر معه علبة عصير فواكه وسحب اللحاف من فارس
فارس اللي واضح كان يبكي تكلم بعصبية : ماسمحتلك تدخل .. عطني الغطا
جلس صقر عالسرير يرمي اللحاف بعيد : قاعده تأذين نفسك كذا ! مو ذنبك انه مات
فارس او همس << مدري وش اناديه !🗿🗿>>
صارخت : لاتتكلم عنه
مرت دقيقه سكتو فيها الثنين وقطعها صقر اللي مد العصير قدامها : اشربي ذي.. ابي اكلمك بموضوع
همس تفتح العلبه : مابي اسمع
صقر : ضروري تسمعين .. شي يخص ذيب
شربت علبة العصير دفعة وحده ورمتها عالسرير : قل اللي عندك واطلع
صقر كان منتظر حالة ذيب تتحسن عشان يقلها حس انه الوقت المناسب بما انه طلع من العنايه .. وبرضو مو مناسب لحالتها
تكلم مستعد لاي ردة فعل : فاليوم اللي طلعنا فيه من الاستراحة.. ذيب سوا حادث وهو الحين فالمشفى
استغرب هدوئها ونظراتها البارده ومامداه يفكر الا انّنطل عليه الجوال اللي كان اقرب شي لها .. همس بعصبية : ليه تو تتكلم !
وقف صقر مستعد لأي هجوم : كنت ابي وقت مناسب
لحقته بالفاز لربع ساعه وحرفيًا مترو الشقه وهم يجرون
اخر شي كسرت الفاز بالارض وراحت تتروش عشان تروح لذيب
أنت تقرأ
همسة ألم
Romanceبنت بمدرسة عيال... رومنسي مدرسي اكشن انتقام كوميديا ((بنت تدخل مدرسة عيال عشان تنتقم من شخص يحبها..؟ ))
