همسة ألم

بارت 30

لا اعتذر على الاخطاء الاملائية

كنت بنزله بكرا بس غيرت رايي عشان اللي بالكومنت :)

_________________

9:30 ص

التغت الحصص دون اجراءات مع الطلاب
والشباب صارو بالكفتيريا

رائد : ماتحسون بشي غريب؟

سامي : مثل ؟

رائد : الشرطه طلعت بدون تحقيق او عالاقل تفتيش.. ماقالو شي عن سلاح الجريمه او سألو عن اعداء للطالب

فهد بسخريه : اشتغل المحقق ؟

رائد : كلنا نبي نعرف شصار ماهو تحقيق

فارس صارخ : ااااا اذني اذني اذني

خالد ماسك اذنه بحدا : ليه جايب جوالك ! تبي تنفصل انت!

مسك يد خالد يبعدها عن اذنه : ليه الفهد يجيبه وانا لا !

خالد عطا نظره لفهد اللي سوا نفسه لاهي بالجوال بعدين استوعب وحطه بجيبه

خالد ترك فارس : الطلاب حتى ان شافوه معه محد بيتجرء يعلم عليه ، لاتقلده بكل شي

فارس : ما اقلد انا بس مو عدل يجيبه وانا لا .. غير كذا محد بيشوفه معي

خالد : يصير خير

ياسر بنذاله : في شي ثاني بعد

ناظره خالد بأستفهام وفارس بلع ريقه وعبس بترجي
فهد يحاوط اكتاف ياسر بأبتسامة مصطنعه : كمل كلامك

ياسر حس بالخطر و ضحك : امزح اصلًا بس ابي اوتره

خالد اللي شايف التهديد بعيون فهد عرف ان ياسر كذاب ، اومىء بتسليك وهو ناوي يمسكه بعدين ويحقق معه

فتح الصغير جواله تحت الطاوله بعين عن عيون خالد عشان مايهاوشه
شاف رقم غير مسجل مرسل 6 رسايل .. فتحها بفضول وغرابه كانت صور و باقي تحمل
وبمجرد مافتحت ارتجفت اطرافه مطيح الجوال بالارض

التفتو العيال على صوت الطيحه استغربو وضع فارس اللي منزل راسه ويده على فمه

انحنى سامي يشيل الجوال وتوسعت عيونه سارية رعشة بكل جسمه ..
كانت الرسايل الـ6 كلها صور لشخص واحد ،مصور من كل الزوايه
عيونه مفتوحه على وسعها وفمه مفتوح سايل منه الدم
ضهره مقوس للخلف ..رجوله ملتويه وجسمه بالكامل دامي بدون ملابس

نزل الجوال على الطاوله مغمض عيونه بألم وقرف

انسحب الجوال فورًا من فهد اللي بمجرد ماشاف الصور تركه و وقف متجه لفارس اللي باقي يناظر الارض... بباله شي واحد ( مات بسببي )... يذكره ..يعرفه .. ذا اخر طالب تضارب معه قبل ايام .. اللي تضارب معه بسكين .. اللي فرقه عنه سيف.. ( سيف! ..سيف اللي قتله..)
نزلت دموعه بألم شاد شعره ( المريض قتله عشاني..هو ..هو يعرف اني همس.. المهووس قتله .. مات بسببي )
مشتت بالكامل غير سامع لمناداة الشباب له وخالد اللي يهز اكتافه يطلب منه يتكلم .. ثقلت اجفانه وصور الطالب ثابته بعقله