السلااام عليكم
بارت قصير لعيون الخميس 😂
ليه صاير الفوت يتعدا 10 بدقايق ! :)
اخو الوهقه
______________________
بين احياء الرياض
وقفت سيارة بلون اسود يتخلله الاحمر الناري .. في حي هادىء قدام بيت مايختلف شكله عن الباقي
نزل صاحب العيون الذهبية بطوله الشاهق وخصلاته النارية تغطي جبينه
بأبتسامة مرعبه يتخللها غضب ،دخل البيت الفوضوي من الداخل
استقبله الصوت البارد بهدوء : روح لصقر ينتظرك
مشى لداخل طارق باب احد الغرف ودخل قبل لايأذن له احد
وصف المشهد [ صقر جالس على كرسي قدامه طاولة صغيره مرمي عليها مفتاح بسلسلة وجنبه شاش ابيض وقدامها جالس شخص مقيد ، مسكر العيون والفم ]
راسيل : كيف لقيته ؟
صقر بعيون مضلمه: بصماته على المفاتيح
راسيل : و ؟
صقر : و المفاتيح زي ماتوقعت .. كانت في بيت سيف !
قرب للطاوله بأبتسامة يشيل الشاش : الله .. ذا لي ؟
اومئ صقر : لك يالمدلع
راسيل يلف الشاش على قبضته : مابلوث يدي بدم ما اختاره
صار قدام الشخص المربط وجلس بأبتسامة مختل هامس بأذنه : وعدت الذيب اني بقتلك .. بس المريض اللي وراي مابيسمح لي
وقف بعيون واسعه ودعس راسه : و ذا لسوء حظك
بمرور دقايق كان الرجال مشوه واصابع يده اليمين مكسره .. ماكان منظر ممتع للصقر اللي جالس يناظره بدون ملامح .. عاقل بطبيعته ماتجذبه ذي القذاره عكس راسيل المستمتع بصوت الانين وسكينه مرت بكل مكان تزين جسم المتألم بالدم
صقر طلع الجوال يحط مؤقت : لك خمس دقايق
راسيل قلب عيونه : قاتل للمتعه
في الصالة جالس صاحب الغيوم الرماديه على اللابتوب
عقد حواجبه بأنزعاج من صوت الصراخ : لو انهم قاتلينه افضل
شاف الباب ينفتح ويطلع صقر اللي ماسك يد راسيل وساحبه للحمام
صقر دخل راسيل للحمام وفتح المغسله : اخلص !
راسيل فك الشاش من يده راميه عالارض وغسل يده بالصابون ببطء وطفش : انت ممل
صقر سكر المغسله : سويت اللي بخاطرك وش تبي اكثر ! .. لو قتلته تعرف وش نهايتك ؟
راسيل دفه للجدار وثبته يناظره بعيونه الذهبية الحاده : دامك تعرف نهاية جريمة القتل ليه المسدس معك !
غمض صقر عيونه بصداع .. طبعًا راسيل كشفه ، كيف ؟ محد يدري : ماهمني ذا الولد المكسر داخل جبته لك تاخذ حق ذيب وتهدا ... اما اللي بيني وبين سيف وصل حده .. مب واقفة على اذية اخوي ، ذا مختل مايهمه من يتأذى بسببه
راسيل قرب لوجه صقر : لاتلعب علي القصة مب كامله .. ليه بيأذي زياده ! و ليه ترصد لذيب !
صقر خاف يتكلم زيادة ويكشف حقيقة فارس او قصته ، تكلم بأختصار : لانه يحب ...
دفه بأنزعاج : مساحة شخصيه لو سمحت
راسيل يناظر عيون صقر كأنه بيخترقه .. يدور اي كذبة او خدعه بكلامه بس صقر صادق
ترك صقر وطلع لليث يجلس جنبه .. لاول مرا بحياته، يحس انه مب فاهم
كلم ليث : ليث انا غبي؟
ليث استغرب سؤاله : من زود الذكاء صرت غبي؟
رجع عيونه للابتوب : ريحتك دم
وقف راسيل متجه للباب : بتروش... بس مب الحين
ركب سيارته متجه للمشفى وهو يردد الكلمه : يحب... يحب.. يحب ..
لحن الكلمة براسه : يحب .. لانه يحب
أنت تقرأ
همسة ألم
عاطفيةبنت بمدرسة عيال... رومنسي مدرسي اكشن انتقام كوميديا ((بنت تدخل مدرسة عيال عشان تنتقم من شخص يحبها..؟ ))
