همسة ألم

42

:)

لا اعتذر على الاخطاء الاملائية

________

نزل مؤيد يركع بدوار فتل راسه : اتفل بوجهي ان عاد طلعت معك

سخر فهد : بتطلع وصدقني بتفل بوجهك

التفت يلبس الكاب ورفع الماسك على وجهه يتبعة عبدالله الملثم مثله
داخلين سور احد البيوت منفصلين ليتجه احدهم للقسم الامامي والثاني يلف ورى باحث عن عداد الكهرب
مؤيد لاحق فهد بخطوات خافته يهمس : افتح القفل وارجع ؟

سفهه الفهد ليكرر كلامه : افتح القفل و

قاطعه ممسك رقبته ينزل راسه بقوة : اقسم بالله ان ماسكرت حلقك لا انحرك داخل غرفته

يبعد مؤيد مستند على يدينه لاجل مايطيح على وجهه
يتكلم بأستفزاز قاصد يزعجه :وش سر المزاج العدِن ، متهاوش مع المدام ؟

يَلقى نظرات حادة من الثاني اللي صك اسنانه بوعيد : والله ماخليها بخاطرك يامؤيد ..خلني ارجع واتفرغ لك

ابتعد مؤيد كم خطوة لاعن حظه اللي جمعه بفرقة المترصد
يطلع مفكاته الصغيرة بعد وصولهم للباب الامامي يبدا بفك القفل الموصد
مبتعد بعد دقيقه فاتحه ببطء .. يتبادل النظرات مع فهد ثابتين بمكانهم
تمضي دقيقه والثانيه وتتبعها ثالثة ورابعة .... لتمر قرابة العشر دقايق
يتوتر مؤيد منقبض القلب : وش أخره ؟

هزء فهد من سؤاله :شفتني تحركت من قدامك ؟ وش يعرفني 
افتح جوالك

همس مؤيد : تركته بسيارتك

يسحبه فهد من قميصه متكلم بغضب : وش يسوي بسيارتي ! انت ماعندك عقل يا ابن الكلب !

انقطع التيار الكهربائي عن البيت كامل ليتركه فهد دافعه بجفى : ارجع لمكانك

دخل بخطوات حذرة تارك خلفه مؤيد اللي رجع للسيارة يتمتم بمسبات للمترصد
على كثر هدوءه الا ان الثاني ماخلاه ولا خلا فرد فيهم ماطلعه عن طوره

رمى علبة المفكات بشنطة السيارة وسكرها يلتف ساحب جواله من النافذه

انتبه لأضواء الرنج تقترب له ليدخل يجري بفزع مرسل بقروب المجموعة  [اطلع اطلع سيف جاي ] [ عبدالله وينك ؟ ]

يرد مترصد بنفس الثانية قبل لايقفل هاتفه نهائي
[ سكر جوالك يا ابن الـ %&#]

سكره يجري يدور لعبدالله
مايلقاه بأي مكان ويرجع بحذر للجزء الامامي من الحوش
منحشر جنب الجدار يزيد توتره من لمح كيان سيف
يرصد وضعه متفحص جسمه بالظلمة .. منعكس نور السلاح بيده من الانوار المجاوره

_____

فتح كشاف جواله بعدما خطى داخل البيت يرفعه متصل بالحرس
يرمي اوامره بهم للقدوم ويسكره ماشي بالصالة بخطوات حذره باحث عن المُقتحم ..
ابتسم بخبث من سماعه لصوت وقوع بعض الاثاث
يقدر يخمن ان الثاني يمشي بالظلام خوفًا من كشف مكانه