မြို့စားကြီးအိမ်​တော်မှဆန်ကုန်​​မြေ​လေး || Volume 1

25

ညသန်း​ခေါင်အချိန် ပ​ဟေဠိမြို့ အစွန်အဖျားနားရှိ နှစ်ထပ်တိုက်အိမ်​လေးတွင်ဖြစ်သည်။

​နေရာတစ်ခုလုံး၏အလင်း​ရောင်ဆိုလို့ ပြတင်း​ပေါက်မှဖြာကျ​နေသည့် ဒီအိမ်ငယ်​လေး၏ပထမထပ်မှမီး​ရောင်တစ်ခုသာရှိ​နေသည်။

ထိုအိမ်၏ပိုင်ရှင်ဖြစ်သူ Marquis Stan ၏အကြီးဆုံးသား Taylor မှာမျက်​မှောင်ကြုတ်လျက်။

"ဘာ​တွေဖြစ်​နေတာလဲ?"

"​သေစမ်း...အား...ခဏ​လေး..ကျွန်မကိုအခုစကားလာမ​ပြောနဲ့ဦး"

​သေမင်း၏ဘုန်း​တော်ကြီး[¹]ဖြစ်သည့် Cage သည်နာကျင်လွန်း​သော​ကြောင့် သူမ၏​ခေါင်းကိုကိုင်ဆုပ်ထားရသည်။

ကလန်။

သူမလက်ထဲမှဘီယာခွက်သည်ကြမ်းပြင်​ပေါ် သို့လွတ်ကျသွားခဲ့၏။

Taylor နှင့်သူလူသုံး​ယောက်တို့သည်လည်းသူမနားသို့လျင်မြန်စွာ​ရောက်ချလာကြသည်။

"ဘာလဲ? ဘုရားသခင်ကမင်းကိုတစ်ခုခု​ထပ်ပြီးပြော​နေလို့လား?

သူမအား Taylor စိုးရိမ်စိတ်ဖြင့်ကြည့်မိသည်။ ​သေဆုံးခြင်း၏ဘုရားသခင်မှာမကြာမကြာ Cage အားစကားလာ​ပြော​လေ့ရှိသည်။

ထိုအရာမှာတစ်​နေ့ရုတ်တရက်ကြီးထဖြစ်ခဲ့တာဖြစ်ပြီး အခုလိုမျိုးလည်းရံဖန်ရံခါ​ပေါ် လာတတ်သည်။ Cage သည်ထိုအ​ကြောင်းအရာအား Taylor နှင့် သူ၏ငယ်သားသုံး​ယောက်ကိုသာ​ပေးသိခဲ့၍ ဘုရား​ကျောင်း​တော်မသိ​အောင်ဖုံးကွယ်ထားခဲ့သည်။

"အား!...စိတ်ရူပ်ဖို့​ကောင်းလိုက်တာ"

အချိန်ခဏမျှရုန်းကန်​နေခဲ့ပြီး​နောက် Cage သည်​နေရာမှခုန်ထလိုက်ကာ ခပ်သုတ်သုတ်ပင်အိမ်၏အ​နောက်​ပေါက်ဆီသို့ဦးတည်သွားလိုက်သည်။

သူမမှာသူမ၏​ခေါင်းကိုဆုပ်ကိုင်ထား​​နေဆဲအ​​ခြေအ​နေဖြင့်အ​နောက်ဖက်​ပေါက်သို့ယိုင်တိယိုင်တိုင်သွား​နေ​ပေမယ့်လို့ သူမ၏အကြည့်များမှာထိုတံခါး​ပေါက်မှမခွာ။

သူ၏လက်​အောက်ငယ်သားများအား​နောက်သို့ဆု​တ်​နေရန် Taylor ​ပြောလိုက်ပြီးသူ၏ဝှီးချဲကိုတွန်းကာ Cage ​နောက်သို့လိုက်လိုက်သည်။