မြို့စားကြီးအိမ်​တော်မှဆန်ကုန်​​မြေ​လေး || Volume 1

27

"ဝင်လာခဲ့​​​လေ"

Cale ကအခန်းထဲသို့ဝင်လာရန်လက်ပြလိုက်​တော့ Cage က Taylor ၏ဝှီးချဲကိုတွန်း၍ဝင်လာ​လေသည်။ သုံး​ယောက်သား​နေရာမှာထိုင်လိုက်သည်နှင့် Cale ကစားပွဲ​ပေါ် တွင်ရှိ​နေသာအရက်ပုလင်းကိုတစ်ချက်မျှပင်မကြည့်ဘဲ ​အ​မေးပြုလိုက်သည်။

"ခင်များတို့လိုချင်တာကဘာလဲ?"

ပုံမှန်အတိုင်း Cale ၏အသံက​အေးစက်စက်ဖြင့်မာ​ရေ​ကြော​ရေရှိ​နေ၏။ သို့​သော်လည်း ထိုအချက်ကTaylor အားသူ့​ရှေ့တွင်ထိုင်​နေ​သောသူသည် အမိူက်သရိုက်ဆန်​သောလူတစ်​ယောက်မဟုတ်မှန်းပို၍​သေချာသွား​စေပါသည်။ ​ပြောရရင် ထိုသူကလူ​တော်​တော်များများ​တွေးထင်ထားတာထက် ပိုပြီးထက်မြက်​နေ​လောက်သည်။

Taylor ဒီကိုလာရခြင်းအ​ကြောင်းမှာ Cale နှင့်အရက်​သောက်ဖို့တစ်ခုတည်းမဟုတ်။ အရက်ဆိုတာက သင်ယုံကြည်စိတ်ချ​သောသူတို့နှင့် သက်​တောင့်သက်သာ​သောက်နိုင်မှအရသာရှိ​လေသည်။ တခြားသူများနှင့်​သောက်သည်ဆိုတာက​တော့ စကား​ပြော​​​​ချော​စေရန်နှင့် တစ်ဖက်လူအ​ပေါ် အကဲခတ်ချင်လိုသည့်အတွက်ဖြစ်သည်။

"ကျွန်​တော့်ကိုဘယ်လိုလူမျိုးလို့ထင်လဲ သခင်​လေး Cale"

ထို​မေးခွန်းအားကြားလိုက်ရ​သော Cale သည် Taylor အားတိတ်တဆိတ်အကဲခတ်လိုက်ကာ သူ၏အိပ်ယာဆီသို့ထသွား၍ ရူံ့ အိတ်​လေးတစ်ခုကို​ကောက်ယူလိုက်သည်။ ထို့​နောက် ယင်းအိတ်​လေးအားယူ​ဆောင်လာကာ စားပွဲ​ပေါ် သို့တင်လိုက်သည်။

ကလန်။

သတ္တုတို့အချင်းချင်းထိမိသံမှာအခန်းတွင်းပြည့်နှက်လို့သွားပြီး ရှုံ့ အိတ်​လေးသည်လည်းအနည်းငယ်ပွင့်ဟလို့သွား၏။ အိတ်အတွင်းတွင်​တော့ ​​ရွှေ၊ ​ငွေ နှင့် ​ကြေးပြားအမြောက်အများရှိ​နေ​လေသည်။

Cale ၏ယုံကြည်မှုအပြည့်ရှိ​နေသာအသံမှာအခန်းတွင်းဖုံးလွှမ်းသွားသည်။

"အခုလို တစ်နိုင်ငံလုံးရဲ့အထက်တန်းလွှာ​တွေအကုန်လုံးကမြို့​​တော်ကိုအာရုံစိုက်​နေတဲ့အချိန်မှာ ခင်များတို့ ဘာ​​အ​ကြောင်းကြောင့်နဲ့အဲ့ဒီ့ဆီဦးတည်ချင်လဲ ကျွန်​တော်မသိဘူး ဒါ​ပေမယ့် အဲ့လို​ ခြ​င်္သေ့ဂူထဲတိုးဝင်​နေတဲ့ခင်များတို့လိုလူမျိုး​တွေကျွန်​တော့်ဆီက​နေလိုချင်တာတစ်ခုပဲရှိတယ်"