မြို့စားကြီးအိမ်​တော်မှဆန်ကုန်​​မြေ​လေး || Volume 1

29

Cale တို့၏​ရွှေလိပ်ရထားလုံးသည် Roan နိုင်ငံ၏မြို့​တော် Huiss ၏​တောင်ဘက်ပိုင်းသို့​ဖြေးညှင်းစွာဦးတည်သွား​လေသည်။

ပြည်သူတို့မှာ မကြာမီကျ​ရောက်​တော့မည့်​ပျော်ပွဲရွှင်ပွဲကြီးအတွက်ပြင်ဆင်ရင်းအလုပ်ရူပ်​နေကြလျက်ရှိသည်။

ရထားလုံးပြတင်း​မှအသာလှစ်ဟထားသည့်လိုက်ကာကြားမှအပြင်သို့​ငေးကြည့်ရင်း Cale ​တွေး​တောမိသည်က-

'​နောက်သုံးရက်​လောက်ဆို Choi Han ပြန်​ရောက်သင့်ပြီ'

အရူးတစ်​​ယောက်လိုအ​ပြေးအလွှားမလာမချင်း​တော့ သူဒီကိုသုံးရက်ကြာပြီး​နောက်မှ​ရောက်လာပါမည်။ Rosalyn နှင့် Lock ကိုတစ်ပါတည်းသူနှင့်အတူ​ခေါ် လာရမှာဖြစ်သလို Lock ကိုသွား​ခေါ် ရင်း လျှို့ ဝှက်အဖွဲ့ အစည်းနဲ့ထိပ်တိုက်​တွေ့ မိမှာဖြစ်သဖြင့် သူ့အားသုံးရက်ထပ်ပင်ပို၍​နောက်ကျမှ​ရောက်လာနိုင်​စေ​လောက်သည်။

မူရင်းဝတ္ထုထဲတွင်​တော့ Choi Han မှာဝံပု​လွေပြာမျိုးနွယ် (Blue Wolf Tribe) မှတစ်ဦးတည်း​သောအသက်ရှင်ကျန်ရစ်ခဲ့​သော ဝံပု​လွေဘုရင်၏မျိုးဆက်ဖြစ်သူ Lock နှင့်​တွေ့ ဆုံပြီး​နောက်တွင် လျှို့ ဝှက်အဖွဲ့အစည်းတို့နှင့်​နောက်ထပ်တစ်ကြိမ်ထပ်၍ထိပ်တိုက်တိုးမိ​လေသည်။

ထို့​နောက်တစ်ဖန် မြို့​တော်တွင်ဖြစ်​ပေါ် လာ​သောအကြမ်းဖက်တိုက်ခိုက်မှုကြီးတွင်လည်း လျှို့ ဝှက်အဖွဲ့ အစည်းနှင့် Choi Han မှာ​တွေ့ ဆုံပြန်​လေသည်။

အလင်းမဲ့​တောအုပ်အပြင်ဖက်တွင်ရှိ​သော Choi Han ၏နားခိုရာ Harris ရွာက​လေး။

ယင်းလျှို့ ဝှက်အဖွဲ့ အစည်းဆိုသည်မှာ ထိုရွာက​လေးရှိရွာသားများအားလုံးကိုသုတ်သင်ရှင်းလင်းခဲ့​သောအဖွဲ့ ဖြစ်သည်။

Choi Han မှာလျှို့ ဝှက်အဖွဲ့ အစည်းဖြင့်နှစ်ကြိမ်နှစ်​ခေါက်မျှထိပ်တိုက်ရင်ဆိုင်ခဲ့ရ​သော်လည်း သူတို့နှင့်ပတ်သတ်၍သဲလွန်စများများစစကိုမသိရခဲ့။

'လုပ်ကြံသတ်ဖြတ်သူ​တွေရဲ့ ဝတ်စုံ​ပေါ် မှာကြယ်​တွေမပါတတ်ဘူး'

Harris ရွာ​လေးနှင့် ဝံပု​လွေပြာမျိုးနွယ်စုတို့နှစ်ခုလုံးတွင် လုပ်ကြံသတ်ဖြတ်ခြင်းမှာသူတို့၏အဓိကရည်ရွယ်ချက်ဖြစ်သဖြင့် လျှို့ဝှက်အဖွဲ့အစည်းသည်သူတို့၏လုပ်ကြံသူအဖွဲ့ ကို​စေလွှတ်ခဲ့​ခြင်းဖြစ်သည်။ လုပ်ကြံသတ်ဖြတ်သူတို့အဖွဲ့ မှာ အမှားတစ်စုံတစ်ရာဖြစ်ခဲ့လျှင်အတွက် သူတို့၏ဝတ်စုံမှာအနက်​ရောင်သာဖြစ်ပြီးကြယ်မပါရှိ။ အကယ်၍ သူတို့၏လုပ်​ဆောင်ချက်တစ်စုံတစ်ရာမှားယွင်း၍ အဖမ်းခံခဲ့ရပါက ကိုယ့်ကိုကိုယ်သတ်​သေဖို့​နည်းလမ်းကို​ယင်းလုပ်ကြံသတ်ဖြတ်သူတို့ရွေးချယ်ကြရမည်ဖြစ်သည်။