මෙතෙක් වුණු කුලුදුල් දේවල්වලින් හොදටම මත් වෙලා සිහියක් නැතුව සෙනුලි තවමත් ඇදේ වැතිරිලා නිදි.මහීෂා එලියට ගිහින් විනාඩි දෙකකින් වගේ ආයෙත් ඇතුලට ඇවිත් දොර වහලා ඇදෙන් ඉදගත්තෙ කිරි තේ දෙකකුත් අතේ තියාගෙනයි.මහීශා කෝප්ප දෙකම ළඟ ස්ටූල් එකෙන් තියලා සෙනුලි ගාවට ගියා.ඇද උඩින් දණිස් තියලා සෙනුලිව උස්සල අරන් තමන්ගෙ පපුවට හේත්තු කරගෙන මහීශා ඇදේ හෙඩ්බෝර්ඩ් එකට හේත්තු වුණා.
"සෙනුලි..නැගිටින්නකො "
තවමත් සෙනුලි අඩ නින්දේ. මහීශා සෙනුලිගෙ කොණ්ඩ ගස් අතරින් ලාවට ඇඟිලි යවමින් සෙනුලිගෙ නලළට හාද්දක් තිබ්බා.
"කෝ නැගිටින්න"
"ම්ම්හ්...හ්ම්."
"තේ බීලා ඉන්න"
"අනේ..ම්ම්"
"අනේ නෙවෙයි කෝ .දැන් දවල් වෙලත් එක්ක"
ඒ කියද්දිනම් සෙනුලි එකපාරට ඇස් ඇරලා ඇදේ කෙලින් වුණා.
"වෙලාව කීයද?"
"11 යි"
"තාත්තා...ආවද?"
"අන්කල් තාමනම් ආවෙ නෑ. අම්මට කතා කරනවද?"
"හ්ම්.."
"හරි තේ එක බීලා ඉන්නකො"
මහීශා ඒ කියපු ගමන් සෙනුලිට තේ එක දුන්නා. සෙනුලි ඇදට හේත්තු වෙලා තේ එක බොන්න ගද්දි මහීශා සෙනුලිගෙ අම්මට එයාගෙ phone එකෙන් කෝල් එකක් අරන් සෙනුලිට දුන්නා.
"හෙලා අම්මා"
"ආහ්..කීයටද එන්නෙ?"
"තව පැයකින් විතර එන්නම්. ඇන්ටි දවල්ට කෑමත් හදනවා. කාලා එන්නම්"
"තාත්තා කතා කරා. එයා ටවුමට ගියා කිව්වා. ඉක්මනට එන්න ගොඩක් වෙලා ඉන්නෙ නැතුව "
"හරි"
"දැන් ඔය මොකද කරන්නෙ?"
ඒ ප්‍රශ්නෙට නම් දෙන්නම මූණෙන් මූණ බලා ගත්තෙ දෙන්න උත්තරයක් හිතා ගන්න බැරුව. ඒ වෙද්දි සෙනුලිගෙනම් කම්මුල් හොදටම රතු වෙලා තිබ්බා.මහීශා කට කොනින් හිනා වෙලා එයාගෙ තේ එක බොන්න ගත්තා.
"මේ film එකක් බලනවා"
"හාහා...මන් තියන්නම්. ඉක්මනට එන්න"
YOU ARE READING
සුසුම්.
Storie d'amore"ඇයි එහෙම කරේ?..මොකක්ද හේතුව?" ".........." "මට තේරෙන්නෑ ...ඇයි අපිටම මෙහෙම වෙන්නෙ?"
