الكاتبه زهراء الـ حسن
لاتنسو التصويت والمشاركه
تعرف غلاتك لو بعد محتاج ابينها اكثر
يل بيك لهاني العمر ما ركزت بي من مر
يمكن اذا كتلي شكثر تهواني راح اتحير
بالليل اعد محبتك بس باجر تزود اكثر
الادري بي من تبتعد مدري شحس بحيرتي
صدري حفر بي خنجر مگطوع شريان ابهر
يندفع شباج الچفه وبالروح شي يتكسر
اشتاگلك بس الحجي المضموم الك يتبعثر
وبدون موج احتاجلك بالبر واحس بيك البر
مرات ادور لجيتي گبالك سبب يتفسر
وتلمحني احرك الخاتم وابدي ارتبك واتحسر
وهنا تحس بقيمته الـ بس ع شوفك يضطر
يافكة عيون الگلب يا ميزتي البيها انغر
مو رايدك واتنفسك لا يا نفس شي اكبر
يا روح ما تطلع مثل روحي التموت من اكبر
انه اعرف بزعلك گبل ما تزعل وياي اكدر
والنوم يتركني وقت ما تنوي عينك تسهر
ياريت كل هذا الحجي من اگعد گبالك يحضر
ومن التهي بعينك بعد تهمسلي حتى اتذكر
وياك اذا ما سولفت من الصمت لا تحذر
مرات مو كل الحجي يلم المشاعر يگدر
انه أؤمن التهواه صدك تتنخه بي من تعثر
روحك عليه تتكدر تنشف لحد ما يخضر
لو برد ملكاه تشتعل ورماد خلگك ينذر
وانت اعرف شلون اختنگ من نسمتك تتأخر
اگبل عليي روجة عتب وتقرب تكون اخطر
بس هاا عتب بس للمثل مو بالزعل تتأثر
تلگاني ناطر روجتك فارش جرف يتعذر
بس انت ردتك من جنت ما بين الاحلام افتر
ومادامك بحضن الجفن جف النظر خ يگصر
وياك ابتديت بدونك شلون ابتدي شتتصور
عنك ردت مره ابتعد والغيض بأفكاري ابحر
وتراجعت نفس الوقت من حرت بيش اتعطر
يخفت ضواي ومايظل لو شوف الفراگ ابصر
والليل يتشمت هوه بخيط الشمع من يصغر
تعرف غلاتك لو بعد محتاج ابينها اكثر
_ ايهاب المالكي.
خووويه وين شيخ ناصرر عليك لله
مصطفى:- تفضلي خويه جوه ياهي انتِ
:-انه ايه بنت ياسين بن هويدي
مصطفى:- طبي جوه خويه
اجت تمشي وتتلفت والخوف واضح بعيونها طلع ناصر وهي وكت يم رجلي تبجي وتنحب
ايه:- فدوا شيخ خلصني من ابوي يريد ينطني فصليه بدال الفلوس علمود عمامي لله عليك لاتكلهم انه هنا ماريد اروح ولله
ناصر:- شجاي تحجين عمو وانتِ شعليج بيهم
ايه:- مو هو جدو ساجد اجه لبوي وكاله اطي وحده من بناتك بدال الفلوس وسد السالفه وابوي وافق بساع وكاله انطي ايه وانه شردت منهم بدون ما يدرون ولله بس يدون بيه يمكم يذبحوني
مهنا:-طبي جدو طبي ماعليج بيهم
خطيه دخلتها خاله يمنه وصعدنها بغرفتنه انه وامال وهي على نفس الرجفه والخوفه جبت لها ماي مارضت تشرب خاله كالت خلنها هنا وضلن يمها بقيت كاعده يمها واسكت بيها شويه يلا هدءت سالتها شكد عمرج
ايه:-17
زهراء:-عزاا صغيره
ايه:-اي ولله بعدني كلشي مافاهمه من حياتي اريد اكمل دراستي واتخرج مو اروح فصليه
YOU ARE READING
خفايا القدر
Romanceخَجولةٌ هيَ ، رُبمّا جرِيئةً بأوقَات طيبَّة القلبَّ ، ورُبمّا حينَا مُتمّرِدة تِلقَائية هيَ ، لكِنهّا كثيّرًا ما تُفكِر بألفَ حِسّاب ذكيَّة ، وبرَّيئةً حدِ السَّذاجةِ هادِئةً ، وحينَا لا تتمَالك ٲعصابُها تضحَّك ملئ فمُّها تخفيّ بِداخُلِها الكَثير ،...
