FLOWER

Part 2

Unicode

ဂွမ်ဂျူကို ရောက်ဖို့ ရထားစီးရတော့
လမ်းတစ်လျှောက် Lala ကငြိမ်သက်နေသည်။

လှုပ်လှုပ်ရှားရှားဖြစ်တာ Park သာလျှင်....
စိမ်းစိုနေတဲ့ လယ်ကွင်းတွေ
သဘာဝ ရှုခင်းတွေကို ငေးရင်း
စိတ်အစဥ်ပါ သာယာချမ်းမြေ့လာရသည်။

"Lala နေကောင်းရဲ့လား"

"ငါဘာမှမဖြစ်ပါဘူး"

မရှိရှိတဲ့ အားယူပြီး Park ကိုပြုံးပြရသည်။
ဂွမ်ဂျူမြို့လေးကို အလျင်စလို
ပြန်ရတဲ့အကြောင်းက မေမေ့ကြောင့်။

လွန်ခဲ့တဲ့ ၂နှစ်တည်းက
မေမေ့ကို ဆိုးလ်ကနေ ဂွမ်ဂျူကို ပို့လိုက်ပြီတဲ့။

ဖေဖေက သူ့အသစ်စက်စက် မယားလေးရှိလို့
မေမေ့ကို စွန့်ပစ်လိုက်တာ...
မိဘအိမ်ကို ရောက်တဲ့အချိန်
သိခဲ့ရတဲ့ ကိစ္စများဟာ သူ့ကိုအတော်ထိတ်လန့်စေသည်။

ဂွမ်ဂျူရောက်နေတဲ့ မေမေ၊
ဖေဖေအသစ်ယူလိုက်တဲ့ နောက်မိန်းမ၊
အဆိုးဆုံးကတော့ ဖေဖေ့မှာ သူ့အပြင်
နောက်ထပ် သွေးသားတစ်ယောက်
ရှိနှင့်နေတာပဲ။

'ဘွဲ့လက်မှတ်နဲ့ဘွဲ့ဓာတ်ပုံကို ထားပြီးသွားရင်
လုပ်ချင်တာလုပ်ခွင့်ရှိပြီ Lala'

ဖေဖေ သူ့ကိုနောက်ဆုံးပြောလိုက်တဲ့ စကား။
ဂုဏ်တက်စေမယ့် ဘွဲ့ဓာတ်ပုံရပြီးတာနဲ့
သူ့ကိုထပ်မလိုအပ်တော့ဘူးဆိုတဲ့
သဘောမျိုးပါပဲ။

ဘယ်, လိုတော့မလဲ။
သားယောကျာ်းလေးတစ်ယောက်
ဖေဖေ ပိုင်ဆိုင်နေပြီကိုး။

အသက်က5နှစ်ဆိုတော့
ဖေဖေ သူ့ကို လန်ဒန်ပို့လိုက်တာဟာ
တစ်ချက်ခုတ် နှစ်ချက်ပြတ် လုပ်တာပဲဆိုတာ
သဘောပေါက်လိုက်ရသည်။

"ဂွမ်ဂျူက ဒီလိုပေါ့"

ဘူတာရုံကို ခြေချလိုက်ချင်းမှာတင်
Park ဟိုငေးဒီငေးနဲ့ အလုပ်ရှုပ်နေလျက်။

ဘူတာရုံထဲ ပြေးလွှားနေတဲ့
စျေးသည်အများအပြား။
နောက်ပြီး သူတို့လို သေတ္တာတစ်လုံးစီနဲ့
ခရီးသွားများ။

"ငါတို့ ဘတ်စ်(Bus) ပဲစီးသွားကြမလား"

"ဘတ်စ်(Bus)!!!"