FLOWER

Part 11

Unicode

လွန်ခဲ့တဲ့ အချိန်အနည်းငယ်က အမျိုးသမီး
ပြောခဲ့သည့် 'တို့ကိုမချစ်ပါနဲ့လား'ဆိုတဲ့
စကားကို သူဘာမှပြန်မပြောနိုင်သေးပဲ
ငြိမ်နေမိသည်။

အမျိုးသမီးကတော့ သူ့ကိုတစ်ချက်သာ
စောင်းငဲ့ကြည့်ပြီး စီးကရက်ကို ပုံမှန်အတိုင်း
ဆက်သောက်နေသည်။ ထိုစောင်းငဲ့ကြည့်လိုက်သည့်
အကြည့်တစ်ချက်မှာ ကြေကွဲမှုတွေပြည့်နေတာကို
သူ ဆက်ဆက်မြင်လိုက်ပါသည်။

ဒါပေမယ့် ဘာလို့သူ့ဘက်က ခြေလှမ်းမစရသေးခင်မှာတင် အမျိုးသမီးဟာ ကြိုတားဆီးလိုက်လဲ
မစဉ်းစားတတ်တော့ပါ။ အမျိုးသမီးနဲ့ပတ်သက်ရင်
သူ့ဉာဏ်ဟာ ထင်သလောက်မမှီတော့တာ
သူမ သိအောင် ပြောပြလိုက်ချင်သေးသည်။

"ဘာလို့ အဲ့လိုပြောရတာလဲ"

စိတ်ကိုအတတ်နိုင်ဆုံးတင်းကာ မေးရသည်။
အမျိုးသမီးကတော့ အဝေးကိုငေးရင်းသာ
စီးကရက်ငွေ့တွေ ရှိုက်ထုတ်နေဆဲ၊
ပထမဆုံးအကြိမ် အမျိုးသမီးရဲ့
စီးကရက်ငွေ့များကို သူမွန်းကြပ်လာသည်။

အရင်က စီးကရက်ငွေ့တွေမကြိုက်တဲ့ သူဟာ
အမျိုးသမီးနဲ့တွေ့မှ စီးကရက်တွေနဲ့
အသားကျခဲ့သူမဟုတ်ပါလား။

"တို့ကိုချစ်ရင် မင်းပဲနာကျင်ရမှာ Park ....
ဒါကို တို့ဘက်ကသေချာသိနေတယ်၊
တို့နာကျင်ရမှာကိုတော့ တို့မကြောက်ဘူးကွယ်၊
ဒါပေမယ့် မင်းကသိပ်အပြစ်ကင်းတယ်၊
မင်းကိုတော့ သနားစရာကောင်းတဲ့ တို့ဘဝထဲ
ဆွဲခေါ်ပြီး နာကျင်မှုတွေမပေးချင်ဘူး"

ဘာကိုဆိုလိုချင်တာပါလဲ၊ သနားစရာကောင်းတဲ့သူမရဲ့ဘဝတဲ့လေ၊ အရာရာပြည့်စုံနေတဲ့ အမျိုးသမီးရဲ့
ဘဝမှာ ဘာတွေကများ သနားစရာကောင်းနေတာပါလဲလို့ Park ဦးနှောက်ကို ညှစ်ထုတ်ပြီး စဉ်း‌စားသော်လည်း အမျိုးသမီးကိုနားမလည်။

"အမျိုးသမီးကိုချစ်ရင် ဘာလို့နာကျင်ရမှာလဲ...
ဟင်....ကျွန်မ‌ကရော အမျိုးသမီးနဲ့ပတ်သက်ရင်
ကောင်းခြင်းဆိုးခြင်း လက်မခံနိုင်ဘူးလို့
ထင်နေတာလား၊ အဲ့တာကိုစိုးရိမ်နေတာလား၊

ဒါဆိုရင်တော့ ကျွန်မကို ယုံကြည်လို့ရပါတယ်၊
ကျွန်မက အမျိုးသမီးကို တကယ်ချစ်တာပါ၊
အမှန်‌ဝန်ခံရရင် ကျွန်မ ဝိုင်ခြံကမပြန်ခင်
သေချာပေါက်ဖွင့်ပြောဖို့ စီစဉ်ထားခဲ့တာ၊