الحلقة8
#بقلمLina_sabrina
رجعت لدار وسقساوني واش من طبيبة رحتلها ووين رحتي وعلاه .جاوبتهم كما وصاني بابا قلتهم رحت برك للعيادة دارولي سيروم للفشلة هادا ماكان حسيتهم ماصدقوش سيرتو يما بقات غير تسقسي وتعاود وليت خليتها وخرجت للحوش وقعدت وبالي مشغول فلكلام ليسمعتو واصلا ماعطاونيش اذن الاختيار محتمين عليا نقبل واحد فيهم .ادا تراجع رمضان على قرار الطلاق ورجع تزوجني نعتبرها إهانة ليا ماش سترة وراح يعيشني في مرار الماضي واذا طلقت منو محتمين عليا نقبل بمجاهد ولحد هادي دقيقة ماش متقبلة نكون مرت مجاهد ليكان حبيب ختي وفي نفس الوقت أخ طليقي _لقيت نجوى خرجت وجات عندي قعدت _واش ديري في واش تخمي _والو قاعدة برك .ببقات مدة ساكتة وانا نشوف فيها وحاسة روحي راح نجرحها كون نتزوج بمجاهد _نجوى ختي كون مجاهد يرجع يخطبك تقبلي ؟_ايه اكيد ماش راح نسمح فيه _بصح نتي دييجا سمحتي فيه من قبل وكنتي راح تتزوجي غيرو يعني حاسة بلي دايرتيه غير إحتياط _غلطة مني برك كنت قادرة نرفض هاداك الزواج ونقبل بمجاهد ببصح عقلي كان يخمم في حوايج خلاف مي درك بدلت رايي وفي نفس الوقت صعيبة باه نكون انا ليه وهو ليا مع الفضايح ليصراو الأخييرة عقدو الأمور انا فالحق تمنيت خونا زوهير يتزوج وحدة من خواتاتو ساعتها تجيني ساهلة وزيد كنت نخمم في حاجة خلاف لقيت روحي ضحية معاك ورحت تحت الرجلين _ايه حتا نتي مستقبلك تشوه بسبابي_تبسمت وكملت تهدر (كنت على نياتي مافهمتش)_ خالدة انا مجاهد عارفاتو يحبني ومازال يعشقني بصح كرامتو ماسمحتلوش ويلزملو وقت باه ينسى ويلزم عليا انا نتقدم خطوات ليه باه يصدقني ويقتنع بلي مازلت نحبو ومازلت حابة نكون معاه برك درك يلزمني نستنى الوقت المناسب ونستى الامور تتوضح وتتهدن ساعتها اكيد نكون ليه برك وقت وتشوفي كيفاه كلامي صحيح وراني متأكدة من كلامي _بقات تحكي وتحكي وانا نسمع فيها كيفاه متأملة من مجاهد يرجعلها بصح ماعرفتش كيفاه كون نكسر آمالها واش يصرا فيها وكيفاه ترجع تشوفني طلبت ربي ينجيني من هادو الاختيارات ووجهني لطريق الصواب لي مايآذي حتى واحد__بعدها بيومين كنا نتغداو دخل زوهير قال لبابا كاين رجال حابين يهدرو معاه .خرجو وحد نص ساعة ودخلو كنت نغسل فلماعن .دخلو لعني وقعدو حطيتلهم يكملو غداهم _شاف معايا زوهير قال لبابا كون خير نمدوهالو ونتهناو علاه رفضتهم _لالا مافيهش لامان وخالدة نمدها للراجل ليخلي الناس تسكت ماش ليتزيد تهدر فيها وفينا بنتي راهم يخطبو فيك بصح نيتهم مشكوك فيهم وانا حابلك صلاحك كما تفاهمنا مازلت عند كلامي و... _دخلت نجوى وعمتي قاتلو علاه سكتو وشكون هاد الراجل ليراح يسكت الناس _باينة يلزم رمضان يرجع يتزوجها باه يسكتو _ايه ناس هادرين هادرين مالا روحو أرموها وحتموهالو بسسيف عليه ياولاكان ترجعولو كلشي جابو من دهب ودراهم هزوها وحطوهالو باطل المهم تتهناو من هاد العار _عمتي مانيش سلعة باه تقولي هكدا احترمي روحك باسكو كبيرة عليا راني ساكتة ومقادرتك _وجهك رجع مطلس بلخماج احكمي الدار وبيت وفراش وغمي روحك مابقى لا زواج لا حياة ليك _علاه حابتني نكون كما نتي بسيف لالا راكي غالطة ماش راح ندفن روحي بالحياة ادا نتي غميتي روحك وقتلتي روحك وكحلتي قلبك كيعاد مكتوبك ماجاكش فأنا قلبي بيض وصافي وماعندي علاه نخاف وهادي الدنيا مانعيشوهاش على جال الزواج والراجل برك وزيد نقولك روحي داوي روحك ماكيش طبيعية قلبك رجع معمر بالغل ومريضة مع روحك تعقدتي وحابة تعقدينا معاك بسيف يالطيف منك ربي شافها خير للرجال ماقربوش منك _خااالدة سكتي هادي عمتك ماتهدريش معاها هكدا_شفت ياخويا بنتك رجعت ماش متربية _متربية وخييير منك _خااالدة طيري من قدامي لا نجبد عليك السانتورة نربيك كييفاه تعودي تهدري مع عمتك _خليتها تهدر وتحرش فيه عليا وخرجت من قدامهم دايما تعبني نفسيا وزيد درك أنا رجعت حساسة وغير ربي ليعالم كيفاه راني عايشة ماش بساهل عليا نتجاوز هاديك الصدمة برك مانحبش نبين بزاف وأي واحد يهدر عليا لساني يسبقني _رحت طليت على يما لقيتها راقدة من هاداك نهار رجعت صحتها قليلة كينشوفها راقدة هكدا نحسها حابة تهرب من الواقع برك ان شاءالله ليام الجاية تضحكلها الدنيا في وجها وحتا بابا بزاااف غامها ومعيشها الذل وهيا قابلة وساكتة عندها تخمام واحد جامي بدلتو المهم ماتطلقش و المهم بابا يبقى راضي عليها ولو هو غالط وانا هادي النقطة عكس يما وتخمامي وتفكيري هو ليراح يجيبلي حقي ولو بعد حين .
الحلقة 9
بقلم لينا صبرينة
لغدوا جات ليا عمتي نوضتني من بلاصتي بالزربة _خير وشبيكي _حكمت يدي ودخلتني لبيتها( هيا البيت تاعها تجي فالحوش على جنب)_علاه جبتيني هنا _دقيقة قعدي درك نجيك _خرجت ومامبا دقيقة دخلت ومعاها رمضان وراسو مربوط بشاش ابيض كييشفتو تخلعت وجيت نهدر _أششش سكتي عندي هدرة معاك ودرك نروح _هدري معاه وبزربة ربع ساعة ماش كتر و درك نرجع نعاود نخرجو _خرجت وغلقت علينا الباب (هيا اصلا بابها يتغلق غير بحديدة) _اصبري عمتي افتحي لباب ماتروحيش واش ديرو نتوما لزوج هبلتو _اشششش انا ليطلبت دير الموحال وتلاقيني بيك _واش من وجه عندك تجي عندي ولوسط الدار واش من جرأة عندك .بقى يشوف ويتمعن فيا بعينيه _ضربوك باينة _واش دخلك فيا عمتييييي هيا خرجيني .قدم ليا كتر _سكتي لايسمعوك تزيدي تتفضحي _علاه واش خليت حتا نزيد نتفضح بسلامتك ماخليت والو ماهدرتوش عليا من وساخة شوهت صورتي قدام الناس وجبتلنا العار بلكلام العاطل والكادب _كان يلزم عليا ندير هكدا وماش نادم وماش راح نندم وكما قدفت في شرفك وشوهتك راح نرجع ونبينلهم برائتك وعفتك ونرجعلك كرامتك وإحترامك _ويعنييي واش معنى كلامك ؟؟؟_يعني راح تبقاي هكدا معلقة حتا نرجعللك انا مانكدبش حبيتك سيرتو فالبداية نهار شفتك هبلت عليك وبعد موت سليمان تبدلو بزاف امور _قلبك رجع كحل هادا واش تبدل بصح درتني انا الضحية تاعك .المهم اخرج روح ماش حابة نهدر معاك لي فيا يكفيني _ماش حابة تعرفي علاه درت هكدا وماش حابة تعرفي واش ناوي _لثواني تراجعت وضعفت وحبيت نعرف اعذارو واسبابو _خالدة انا هادو لكدوبات ولفضايح ليحطيتهم فيك وفي عايلتك غير باه نتتقم ونروي غليلي من الحقد حاب قلبي يبرد وندي ثار خويا ليراح فالهاوية وغلطة بسة خوك هشام ودرت هاد الفضيحة كامل واعتبرتها عصفورين بحجر واحد منها نتي نبقى ضامنك وتبقاي ليا و درت فيك حط أحمر واحد مايزيد يقرب ليك من غيري وانا هاد العام رجعت وحبيت نتزوجك غير باه ننتقم من موت خويا _عارفة وفاهمة بلي كاين انتقام منك بصح اعطيني سبب واضح بلا مراوغات_ هشام هو ليطيح سليمان على راسو ودخلو فالتجارة تاعو خوك للاسف كان يتعامل مع الإ.ر.ها.ب ويدي ويجيب ف.سلا.ح ولخبارات وبلا مانحكو على السرقة من ديار _نن موحال خويا كان انسان مصلي ويخاف ربي _فالاول انا ثاني كنت نشوفو راجل بمية راجل مانكدبش وماشكيتش فيه شعرة بصح بعد ماعاشرتو تولهت لحركاتو وكلامو بديت نتوسوس منو حتا كينغيب تولهت بلي يتلاقا بزاف سليمان وكنت موصي ناس عليه عارفة خويا نية ويحشم والناس يستغلوه وهو يمشي معاهم فالخط هو صح خويا التوأم بصح طبايعنا وتخمامنا متعاكس .حطيتو قدامي وسقسيتو وين تروحو واش دييرو في دقيقة لقيتو يعرق ويحاول يتهرب وكلامو فيه تناقض ماحبيتش نزيرو حتا لوحد نهار تبعتو وللاسف لقيتو هز هشام بالبوطونبيل وراحو لبلايص الله لايشوفك فيهم انا ماقدرش نكمل موراهم باسكو هادوك لبلايص مشبوهين بالا.ر.ه.اب كون نكمل يقتلوني في دقيقتي .ستنيت وكيبدا يطيح ليل تحتمت رجعت للدار وستنيت حتا رجع هو وجبدتو بعيد وحطيتو تحت الامر الواقع وبلي شفتو لتم اعترف بصح بحاجة خفيفة خلاص وكان باين عليه الخوف وكان يقلق بزاف وبالو ديما بعيد ويخمم وحتى رجع يتصرف تصرفات ماتعجبش ومادام خويا كانت عندو شخصية ضعيفة خفت عليه وعارف راح يزيد يستغلو وهو مايقدرش يجبد روحو وادا تشفاي جيت عند هشام لدار وصرات بيناتنا كبيرة وهددتو باه ييبعد عليه وفهمتو يطبد على خويا وهو ربي يسهل عليه كنت ناوي ندي سليمان لمدينة ونبعدو من بصح خوك كان حرايمي وسبقني وكما كان الحال ماخداش الراي سليمان وزاد راح معاه ومانعرف واش صرا بالضبط باه قتلو خوك بصح لينعرفو بلي العسكر حكمو إر.ها.بي وهاداك مدلهم شوي معلومات على هاداك النهار وقالهم بلي سليمان ماعندو دخل كان مايعرفش بلايصنا بالضبط وهو يوصل برك هشام مايقدمش بزاف ونهار هاداك مانعرف سليمان علاه قدم كتر ليهم كتر و كيشاف الحالة كيفاه دايرة لتم وهشام في وسطهم راح يجري بنيتو وفاقولو وحتمو على هشام باه يعطيلو لامان باسكو خافو يروح يخبر بيهم العسكر ويعرفو بلاصتهم ودار رايهم خوك ولحقو وعطاه لامان ولتم وبدون تردد قتلو سليمان وكملو على هشام ورماوهم بعيد.
قريتي دييري جام
الحلقة 10
بقلم لينا صبرينة
يعني هشام سباب موت خويا وماقدرتش هادي الفكرة تخرج من راسي صورة خويا مافارقتنيش _كلشي قلتو ماش راح نصدقو باين كدب .هشام صح طوايشي وخفيف بصح مايوصلش يسرق ولا يتعامل مع الا.ر.ه..ا.ب وكون كلامك صحيح بابا مستحيل يزوجني بيك ويناسبكم _اوك من حقك ماتصدقينيش بصح من التالي باباك غروه زوج دورو من عندي مدك ليا بسهولة وتغاضى على هاديك لحكاية يعني طمع وزيد باه تصدقي كلامي على خوك خليني نقولك بلي باباك وزوهير يعرفو كلشي وغمو هادي لحكاية كما حنا رجال غميناها فالدار على سليمان فهكدا باباك وخوك عارفين وساكتين وحتا يعرفو وفهمو السبة ليخلاتني ندير هكدا فيكم وادا تحبي سقسيهم وراح تعرفي الاجابة من وجوهم وزيد هشام منين ليه دراهم باه يشري الباشي لباباك .اااه منين ليكم باه تشرو لحديد ونتوما بسيف تجييبو لقمة تاكلوها باينين دراهم لحرام هشام يسرق ويجيب وباباك وزوهير يستقبلو كلشي يعرفو بلي وليدهم راه يدير في حاجة كبيرة بصح الحق ماكانوش يعرفو بلي يتعامل مع الا.ر..ه.ا.ب حتا مور الموت تاعو باه عرفو.وراني كلشي شفتو بعيني ومتاكد بصح هاد الشيئ مايشفعلمهمش ماقدروش يتحكمو فيه ويجبدوه من الغلط كان عاجبهم الحال المهم يجيب دراهم بأي طريقة ماش هامهم حتا طاح الفاس فالراس كانو روطار ماتنفع ندامة وخويا راح في جرتهم كون خرجو هشام من هاديك المعمعة كون خويا مايتبعو مايموت معاه _كيقال هكدا رحت ديراكت قعدت على الكانابي مصدومة من كلشي سيرتو من هشام واش كان يدير .هو صح يلزم مانصدقش رمضان بصح مادام جبد بابا وزوهير وقال بلي يعرفو وساكتين يعني كلامو صحيح وزدت ربطت كلام قديم سمعتو منهم فالفترة الأخييرة وفهمت بلي كلشي صحيح _خالدة خوك ماش بريئ باه درك راكي تبكي عليه مايستاهلش دمعة منك خوك دار في حياتو غير دعاوي الشر وكمل على خويا جرو معاه لطريق العوجة موتو كانت بسبتو هو ليداه لهلاك هو ليقتلو هو ليدمرنا _ مسحت دموعي ووقفت ليه .اوك فهمت هشام سباب موت خوك وانا واش دخلني واش دخلني يرحم باباك علاه درت فيا هكدا وانا ماعندي حتى دخل موت خوك وانتقامك ماعندو حتى معنى ليحاب تنتقم منو راه ميت راه مدفون تحت التراب_بصح سليمان توأم تاعي تعرفي واش معنتها توأم يعني انا وهو روح وحدة من نهار خلقنا كلشي انا وياه كيف كيف ابسط حاجة نديروها مع بعض جامي تفارقنا حتا فرقنا خوك انا نعتبرو هو ليدمرو وهو ليقتلو وحسرتي على خويا تبقى كببيرة ففي قلبي _ربي يرحمو ويصبرك عليه بصح ماش مقتنعة بهاد المبرر واش دخلني واش دخلناااا حنا واش درتلك انا شخصيا حتا نستاهل هاد الشيئ كامل_باسكو نتي بنتهم وانا لقيتك نتي في طريقي باه ننتقم لخويا _فهمني في حاجة علاه خاوتك مادارو حتا ردة فعل من جيهتنا بالعكس خوك خطب نجوى ولا استنى لا يكون حتا هو نيتو كانت كما نتا _لالا هو نيتو كانت صافية بصح انا غيرهم ماتقرينش بيا مع خاوتي وزيد انا حقدت بزاف لانو عندي سبب ثاني وكبير وعرفتو فليامات تاع العرس صح كنت ناوي نطلقك قبل دخول برك ومانمد حتى مبرر ونروح بصح كيزدت سمعت هاديك الحقيقة هبلت من راسي وانتقمت بطريقتي و هشام عندو دخل وكان يلعب من كل جيهة والنار لعب بيها معايا وخلى نارو تلهب وتحررق فيا من داخل و نقدر نقولك بلي انتقمت وخلاص وضربت عصفورين بحجر واحد وكيفضحتك وقدفت في شرفك حسيت روحي انتصرت من داخل حاجة فيا بردت ورجعت نرقد الليل .
قريتي ديري جام
الحلقة 11
بقلم لينا صبرينة
يعني حاب تقولي بلي رجعت ترقد الليل باسكو هدرت فيا العاطل وشهوتني ورجعتني في نظر الناس وحدة هجالة ورخيسة هكدا رجعت متهني _ايه وبزااااف ثاني _خسارة ثقتي فيك وآمالي الخاييبة فيك علابالك بحاجة انا كنت نسنى منك احتواء وحب وتقدير لقيت منك العكس كيفاه عطاك قلبك دير فيا هاد الامور واش من قلب عندك نتا شيطان بحد ذاتو شيطااان ملعون وماتخافش ربي _ واش تقولي فيا عندك الحق .الحقيقة تمنيت ندخلك لداري وتنسيني في كلشي عشتو من قبل بصح كان يلزم ننتقم بأي طريقة كانت ونهار نتهدن ووننسى شوي راح نرجع ونتزوجك باسكو نحبك وحابك تكوني بين يديا_واش من حب تهدر عليه نتا ماتحبنيش نتا تكرهني كره كبييير ليحب مايديرش هكدا ابدا قسما بالله ماراح نسامحك طول حياتي عدبتني ودمرتني على حاجة انا خاطية فيها تاع الصح نتا مريض_وحاب نمرضك حتا نتي عارف تحبيني و حابك تشوفي مني غير الشر حاب نخليك تبقاي مهووسة بواحد اسمو رمضان ماتقدريش تشوفي مع غيري وماتقدريش تتجاوزي حبك ليا راح ندير الموحال باه نمرضك ونرجعلك حياتك عقدة نفسية وغير انا لي نداويك سمعت بلي كاين واحد راه يدور ويحوم عليك باه يخطبك بصح مسكيين هو ديجا مريض ومهبول مستحييل يمدوك لواحد كما هاداك وماش راح نخاف ومن غيرو ماش راح يجوك خطابة باسكو نتي تاع رمضان وحدو وراح نبقى كل مرة نخرج فيك العيوب السبعة حتا يرجعو مئة عيب مايهمنيش المهم نهار تنفحلي نرجعلك نبرئك من هادو الاتهامات وادا مانفحتليش تبقاي طليقة رمضان وواحد مايقربلك وواحد مانخليه يغيرني ونتي تبقاي معقدة بيا حتا نهار تموتي _وكييلك ربي حسبي الله ونعم الوكييل _خلي شوي دعاوي نهار طلاقنا باسكو راح تشوفي حاجة ماتعجبكش بيها راح نزيد نعقدك كتر وراح يصرا فيك كتر من صرالك قبل بكل صراحة ....._ارواااح خويا شوف شكون داخل البيت _يايمااا رمضان هادي عمتي راهي تعيط لبابا هادي حابة تفضحني علاه صدقتها وجييت وانا زدت نسيت على روحي _كيفاه تزيد تفضحك تلاقيتها برا قاتلي خالدة مسكينة شفتلي قلبي دموعها ماحبسوش عليك قلتلها انا اصلا حاب نهدر معاك ومالقيتش طريقة قاتلي ارواح فالساعة لفلانية ونلاقيك بيها وواحد مايسمع ولا ييشوف قاتلي المهم اهدر معاها وفهمها باه ماتبقاش تبكي وتهلك روحها _ ياربي هادي عمتي ولفعى كيف بعضهم علاه صدقتها وزيد يسود سعدك ادا انا على جالك نعمي عينيا بلبكى .رحت قدام لباب .عمتي تعيشي ستري عليا ماديرهاش بيا _اصبري درك يدخل و يجي ونشوفو شكون هو لي مربي انا ولا نتي ليوم تتعجني تحت رجلين باباك وخوك يالحلوفة _شفت قلبها كيفاه كحل لبارح هدرت معاها كلمة راهي درك تنتقم مني وحابة تزيد الطيين بلة ونتا درك حطيتني في مصيبة ازررب افتح تاقة راهي وهرب هييااا _فالحقيقة ماش غير هيا قلبها كحل حبيت نقولك حتا ختك راهي في نفس خط عمتك _واش دخل نجوى _بالاك نتي الوحيدة البريئة في هادي الدار حبيت نقولك بلي الخيانة تجي من الأقربون عليها يسموها خيانة بصح الخدع والمنكر يجي من العدو حطيها مليح في راسك_خوووويا ارواح للحوش بنتك راني حكمتها مع راجل فالبيت تاعي بنتك ضهرت وحدة هجالة ونتا معمي عليها وسور طببيبة كدبت علينا _واش تقولي نتي وخالدة علاه تدخل لبيتك افتحي الباب نشوف ويين حابة توصلي _بابا جاء ازرب افتح التاقة واهرب هياااا اهرب تعييييش ربي يعيشك روووح هيااا ديير حل رانيي نحاول فيك _قرب للباب وزاد بلعها بلحديدة ليلداخل يعني هوما ولو يفتحو من عندهم من عندنا تبقى مغلوقة _واش درت افتح _خاااالدة علاه مسكرة الباب راكي هنااا _خاف ربي وهرب _نعزك بزاف خالدة بصح مانيش متحرك من هنا انا ماعندهم مايديرولي بصح نتي تنضربي برك استحملي على جالي هادي لفضيحة وادا حابة كاين حل خلاف وهو نرجعلك براءتك ونسلكك كيف الشعرة من العجين قولي لباباك بلي غلطتي معايا وهيا هربي معايا ونساي والديك وفامييلتك والدوار وكلشي لتم نوهدك نرجعلك كرامتك في نفسك وخليهم هوما مذلولين بالعار ليخليته وراك _رمضان نتا فري مريييض و مانقولك غير وكيلك ربي الله يلعنك _خيري ياالخيانة يا لخدع .ياإما تبقاي معاهم ولا ترجعي عدوتهم وتزيدي تفهمي واش هو ليمازال مخبي ومستور.
