الحلقة 155
#بقلمLina_sabrina
رجعت خطواني لور ودخت لشمبرة قعدت على حافة سرير وكلامو يدور في راسي دمعة هبطت من عيني ودموع من وراها هبطو سخونين يحرقو كلشي فيا ومازلت حابة نكدب واش سمعت مستحيل مجاهد يديرها _طلعت راسي لقيتو متكي على حافة الباب ودموع في عينيه _خالدة عارف ومتأكد يجي يوم وتسامحيني متأكد _على واش ؟_على الخيانة تاعي ليك _بقى يهدر ويبرر لنفسو وانا جاني إنهيار عصبي وقفت ونعيط ونبكي ونهز فالقش ونرمي كلشي هزيتو ونرمي فيه فالأرض ماخليت قش ماخليت لغطاء تاع سرير ماخليت فازات وفيوزات ماخليت روحي بالنديب وتقطاع شعر جهلت هبلت من عقلي ماستنيتهاش منو طووول جامي توقعتو يوصل يديرها صح شكيت سنين ليقبل بصح ماش لدرجة يزني ويخوني .كان يقرب ليا باه يكالميني بصح ماخليتوش كنت متحولة وهايجة حتا لباب بقى يطبط راح ليه وعاود رجع ليا ويهدر بالصوت يقولي عيطي ابكي صوغي كسري ديري ليتبغيه ومنين تتكلماي نهدر معاك عارف حاجة صعيبة وانا المذنب الوحيد ومتفهمك _برااا عليا ولا نقولك ابقى في دارك اتهنى بيها انا لينروح مانبقاش معاح دقيقة _هزيت الخمار وجيت خارجة حكمني ورجعني لور _ماعندك وين تروحي هنا تموتي _غلق الباب بالمفتاح ودخل للكوزينة جاب موس في يدو _ضحكت بإستهزاء في وسط هيجاني ودموعي .واش راح دير بيه راح تعاود تنهي حياتي وتدفني في دارك _ماردتش عليا وراح للصالون لحقتو لقيتو قطع الخيط تاع الثلفون _واش تحاول دير _قدم ليا وقالي كما قتلك كيتركحي وتحبي تسمعيني نجي نحكيلك بصح حاليا نتي بهادي الحالة ماش راح تقدري تسمعيني _ميلت راسي وكلي شفقة وقتلو نسقسيك آخر مرة وتجاوبني بلا كدب راني نقول بلا كدب يعيشك قولي كلشي قلتهولي كدب وماكانش منو قولي راك ماخدعتنيش وماغلطتش معاها _هبط راسو وشفت رعشة في شواربو وطلع راسو ليا بدمعة هبطت من عينو _ماكانتش نيتي نآديك بصح ياريت كلشي كدب _حطيت يدي على فمي ونبكي رحت للباب تاع برا ونخبط فيها براسي على الخيبة والخدلان ليعيشملي ليوم _دورت ليه وقتلو علاه واش دررتك واش مالقيتش معايا في واش آذيتك علاه خدعتني علاه يامجاهد ياك كنت معاك مرا فحلة ونية وبرائة علاه دير فيا هاد الشيئ علاااااه راني راح نخرج من رحمة ربي قولي علاااه_اتهدني برك ونحكو _بعدني وفتح الباب وخرج وغلقها من وراه وخلاني محبوسة ومقهورة وكلشي فيا مكسور __طول نهار وانا قاعدة وسط السرير على أعصابي ونهزز في روحي ودموعي ماحبسوش والله ماستنيتها منو تمنيت نكون في حلم ونوض منو بصح للاسف كلشي حقيقة مي كيفاه وعلاه ماعلابليش .القصة كاملة موجودة في صفحة قصص لينا صبرينة .طاح ليل برا باه سمعت الباب تفتح ودخل يديه في جيوب الجاكيت ويشوف ليا وحاشم من روحو ونظراتو كلها تهرب من نظراتي_تهدنتي شوي نهدرو ؟؟_علاه درت هكدا فيا وكيفاه ؟ _راح جاب كرسي وقعد بعيد مني مقابلني _خالدة عارف كلشي نهدرو راح يدخلك في صدمة بصح اتحملي حتا نكمل وماتقاطعينيش _علاه كاينة صدمة كتر من خيانتك ليا ؟_ شوفي انا نيتي معاها كانت خبيثة وماش صافية صح لعبت عليها وعيشتها في وهم وخليتها تحلم اني نرجع ليها بصح غير باه ننتقم منها _واش من انتقام ليبقى بعد هادي سنين_قتلك خليني نكمل ساع انا ماقربلتها من قبل لا تواصلت معاها بصح هيا من وراء هاديك الاحداث فلمدينة ومور عرس ختي ياك رجعت وحدي هيا لتم رجعت تعيطلي بزاف وتستفز فيا وكانت حابة تخربها بيني وبينك بأي طريقة بصح انا ماخليتلهاش فرصة بصح قدرت تأثر عليا وتفكرني في واش دارت فيا هادي سنين حتا رجعت نخمم اني ننتقم منها نلعب بمشاعرها كما لعبت بيا من قبل وكما كان الحال المخطط تاعي ماقدرتش نفدو ونتي ولدتي وفاتو هادوك ليام ونسيت حكايتها بصح لقيتها رجعت تتصل بيا وتهددني بلي تجيني للمدينة ولدار باسكو قاتلي راهي رجعت تسكن عند خالتها.
الحلقة 156
بقلم لينا صبرينة
بقات مورايا وبالخبث الساقط تاعها فثلفون حتا خليتها تحس بلي وقعتني فالخ تاعها بصح انا كنت غير نمثل عليها ووهمتها بلي أنا ونتي راح نطلقو ونتزوجها هيا خليتها عايشة بهادوك الأوهام طول هاداك الوقت حتا لوحد نهار ليجيت فيه هنا لقيتها فالدوار قاطعت طريقي وانا بطونوبيل وركبت كانت تعس فيا وقتاه نخرج من الدار قلتها واش ديري هبطي قبل مايشوفك كاش واحد قاتلي مايهمنيش وعرفت منها بلي جات مع خالتها وبناتها لدار جدك وحبت زعما تضغط عليا قاتلي بلي راني نكدب عليها وماطلقت لا والو وكلش وعادت تلوم فيا انا لتم خفت هيا تتهور وتجيك واصلا كانت باينة راح تجيك هاداك نهار ولا ليبعدو وانا ماكنتش حابتها تقربلك باسكو ماكنتيش مليحة هاداك الوقت واي حاجة راح تتأثري بيها من لتم استدرجتها وديتلها للفيرما تاعنا وهيا كانت قابلة وفرحانة كيرحنا لتم كلشي برضايتها بصح لداخل غرني شيطان ماش شهوة برك وسوسني إنتقاما _حيوااان خدااااع زانيين الاه لا تربحكم ماشش حابة نسمع خماجكم يالخداااع _ايه عندك حق انا خداااااع وهو فالحق وبلا كدب نجوى بقات حرقة ليا وحبيت نشفي غليلي فيها ونبرد قلبي من جيهة انتقامي منها الله غالب عارف روحي غالط بصح الغدر تاعها ليا هاداك الوقت بقى عالق في راسي ومانسيتوش حتا خلفتها فيها بالطريقة هادي _اسكووووت بللللع نتا ظهرت صح رخيس وماش راجل والله كنت غالطة فيك نتا قليل أصل _خالدة انا كيغلطت معاها ماش حبا فيها والله كون جيت صح نحبها كون راني جبتها معايا غصبا عنك بصح انا نيتي غير باه ننتقم منها برك كما هيا سمحت فيا وغدرت ببيا حبيت نخلفهالها أضعاف وبطريقة تخليها توجعها باسكو ناس ليكيفها مايليقلهم غير الطعن فالشرف وانا شوهتها بالمبتغى تاعي مور ماكملت معاها ديراكت صارحتها بالمبتغى تاعي وهيا نصدمت ماستناتهاش مني بصح انا ليهمني انو شفيت غليل ثاري وبردت روحي من الحرقة ليبقات في قلبي _ماتخافش ربي نتا اكيد غيروك نتا ماش مجااهد لينعرفو _علاه هيا ماخافتش نهار قذفت في شرفك وهدرت عليك ليميسواش .نهار عرسي معاك وقفتلي في طريقي وطعنت في شرفك وهدرت عليك الخايب وقاتلي كونك راجل ومامتسش وحدة زانية من راجل لراجل هدرت فيك العاطل وقالت كنتي تخرجي بزاف وتبيعي عرضك _ ولو كلامك صحيح تبقى بيناتنا نتا واش دخلك ربي وكيلك على هاد الغدرة الله لا تربحك يامجاهد _نضت حابة نخرج من الدار لقيت لباب مغلوقة وهو لحق بيا.القصة كاملة موجودة في صفحة قصص لينا صبرينة .خالدة ماعندك وين تروحي حتا تسامحيني اصلا ماعندكش ملجأ من غيري تدوري تدوري وترجعيلي مالا من الأفضل تتقبلي واش درت وتحاولي مع الوقت تنساي _ننسى خيانتك وغدرك نتا مريييض انا ماعنديش عقل بدون احساس نتا ماش صدمتني برك نتا دمرتني حطمتني وذنبك مستحيل نغفرو ليك ديير واش دير ماش راح نسامحك اصلا كيفاه قدرت تغدر بيا وانا كنت في صدمة موت بنتي كيفاه عطاك قلبك ديرها بيا وانا حالتي كانت تشق لقلوب وينو قلبك الطيب ويينووو _قلبي مازلو كيف بكري كيف ليوم هو ليك وحدك _كداااب خيانتك ليا بكل وقاحة واعتراف منك ومنها ماعندهاش مبرر كون جيت تحبني صح ماتخوني ولا تشوف لغيري ولو بنظرة انتقام أصلا ادا نيتك راح يجي يوم وتخوني علاه كدبت عليا ووهمنني ياك من قبل شحال من مرة شكيت فيك وسقيستك بصح نتا قتلي هيا من نهار سمحت فيا خرجتها من قلبي وحياتي ماتعنيليش علاه كنت تكدب _ماكدبتش صح هيا خرجتها من قلبي وكون نصيب كينشوفها نخنقها بيدي تعرفي علاه باسكو انا راجل وهيا لعبت بيا دارتني فأر تجارب صدقتها وبنيت أحلام معاها بااه فالأخير تغدر بيا انا لتم كرهتها كره عظيم وغلطتي معاها غير انتقام وبس خلفت ثاري باه نبرد من كل جيهة _ثار قتلي مالا واش من ثار وهيا عاودت خلفت ثارها وجات فضحتك بكل وقاحة وزيد بيبي في كرشها _ماجاتنيش غريبة انو فضحتني اصلا انا ماكنتش ناوي نخبي عليك كنت حاب شوي وقت باه نصارحك بصح هيا آخر مرة اتصلت بيا وقاتلي راني بالحمل ماصدقتهاش واش دراني تكون بلي انا باباه ممكن بالحمل من قبل وجات تحصلو فيا وين علابالي ممكن غلطت مع كاش واحد المهم فهمت منها قاتلي راح نرفض ترجع لزهر وراح تهرب لعندي كون باباها يجبرها عليها انا حبيت نبعدك قبل وانا نحكيلك بفمي تعرفيني صريح ومانقدرش نعيشك في كدبة وقلت مع الوقت راح تساميحيني _نسامحك نتا راك منيتك نسامح انسان زاني وزنى مع مرا زانية منيتك نتا ؟؟!_ الوقت يداوي وينسي _واااش يداوي نتا مريض اصلا جرح بنتي جديد وزدت نتا هدمت كلشي فيا وحابني ننسى .اصبر اصبر مالا عليها ماحبيتش تديني معاك لدار فلمدينة بالاك ....؟؟_لالا سكتي انا غلطت معاها مرة وحيدة برك كيرحنا للفيرمة وماطولناش فيها ياربي ربع ساعة ونفس النهار ليجيت من الخدمة وعاودت خرجت ومارجعت حتا للمغرب وياك كيطلعت دخلت للكوزينة ودورت ولقيتك قدامي تخلعت هاداك هو نهار ليكنت ناكل في روحي من عملتي وحاس يتأنيب الضمير لدرجة ماقدرتش نشوف معاك وحتا ماكنتش حاب نديك للمدينة باسكو ماعنديش وجه نقابلك بيه .
الحلقة 157
بقلم لينا صبرينة
وزيد حسيت بتأنيب ضمير كبير من جيهتك ماكنتش قادر نكون معاك عادي وكأنو ماصرا والو انا ماش انسان غامض ونعرف نخبي انا كللشي عندي نصارح بيه مانعرفش نخبي ونخدع لمدة طويلة عليها قتلك مانقدرش نعيشك في كدبة كان قصدي على ومبعد على ليام الجايين . مي ياخالدة من قبل كنت معاك مخلص وصادق ماتشكيش فيا _بركاااك من لكدب خلاااص _بقى يشوف ليا بكل شفقة وحسرة _تعرف الخدلان والخيبة ليراني حاساتو درك يامجاهد كبير ومايتوصفش ادا حاب تخلي روحك عزيزة وماترخسش كثر خليني نروح وطلقني طلقتني يامجاهد مانقدرش نزيد نعيش معاك وانا حاسة من جيهتك بالقرف _لالا مانقدرش نسمح فيك ولا نطلقك ولا نخليك تخطي خطوة لبرا ووتخطايني نتي تاعي وليا وكون يلزم الأمر نحبسك فدار ومانتخلى عليك _قتلك خليني نروووح ياارخيس يا #### نتا حاب القدر يطيح مالا اسمع مالا يرضيك وماتلوم غير نفسك _رجعت غير نهدر ونسب حتا ماعرفتش روحي ماخلا فيا عقل حتا فشلت ومابقى فيا حيل وهو غير يسمع ويشوف وقابل كل الإهانات ليقدمتهملو _كيلقيت روحي لا امل ولا جدوى هزيت روحي للشمبرة حطيت راسي نحاول نرقد ولا نهرب للنوم بالاك ننسى شوي من الصدمة ليتلقيتها ليوم __فاتو يومين وهو حابسني يجي يهدر معايا ويحاولني ويطلب فالسماح بصح انا هايجة عليه ماش حاملاتو نهائيا كيلقاني هكدا يولي يروح .بعتلي يماه وروفيا شحال من مرة يهدرو معايا بصح ماعندهم مايهدرو يقعدو يصايرو فيا برك ويتحملو عياطي وكلامي سقسيتهم وينهي نجوى قالولي هاداك نهار مجاهد هدر معا باباك وداها لتم زيدت شعلت رجعت نقول واش هدر معاه مالا حتا ركح وداها معاه باين مجاهد ناوي على آخرتي حاولتهم يروحو يخبرو جدي ماحبوش وقالو ماعندما كيفاه اصبري وتفاهمو خير اكيد ماش راح يخليك محبوسة .على قد ماحاولت لقيتهم خايفين منو وماش بيدهم حيلة ماقدرتش نلومهم _رجعت قاعدة على اعصابي حتا جات وردة طبطبت عليا وتعطيلي رحت للباب عندها _خالدة تسمعي فيا _ايه واش كاين _مجاهد قبيل دخل لدار وقال ليما بلي محتمة عليه يتزوج نجوى _كما توقعت زاد غدر بيا بلعت ريقي وكملت الهدرة معاها_وردة كيفاه يتزوجها وهيا بالحمل ياك نورمالمو حرام حتا تولد _وين علابالي انا باباك هاداك نهار قالو المهم استر عليها قدام الناس هو ماهموش ادا زواجهم صحيح ولا باطل المهم يستر عليها وماهموش في شيى المهم راني خبرتك وراني رايحة باسكو صح غضتيني ونتي ماتسهاليش __بقيت في نفس لبلاصة فالارض متشوكية من مجاهد متشوكية في كلش حتا في زهري وحياتي متحسرة على نفسي .حتا لقيتو فتح الباب ودخل لقاني قدامو طلعت راسي ليه _نتا صح راح تتزوجها _ديجا وصلولك الهدرة مالا ليسمعتيه صحيح بصح جامي راح نتعامل معاها كزوجة _واش تحوس من عندي نتا كيراح تتزوجها راح تزيد تثبث كلامك كتر وكتر نتا واش ناوي من عندي فهمني _راح نتزوجها باه نستر ونغلق فم باباك ادا ماتزوجتهاش راح يفضحنا فالدوار انا يهدرو عليا كيف مايحبو مايهمش بصح مانقدرش نريسكي بمستقبل خواتاتي قادرين يرجعو يعايروهم ويطلقوهم ساعتها نهز ذنب شحال من وحدة فيهم _هبط لعندي على ركايبو وقابلني وقالي شوفي ليا راح نتزوجها ونعقد عليها ونسمع الناس بصح وعد مني ديراكت نجيك نتي باسكو قبل راح نديك للمدينة وهيا تبقى هنا وشهور برك تولد وتبان حقيقتها ادا طفل ولدي نهدرو فيها ومستعد ندير اي حاجة باه تسامحيني وادا البيبي ماش ولدي راهي باينة فرصة وجاتني نزيد نبرد غشي فيها وفي باباك كيتهمنوني وحصلوها فيا وفي كلا الحالتين تطلع لسماء وتهبط مطلقها مطلقها ولدي ولا ماش ولدي تولد برك ونرجعها لباباها مطلقة صدقيني والله نطلقها _هههه حاب نزيد نسامحك هههههه علاه الخيانة اصلا يسامحو عليها تشوف فيا مذلولة وبلا عقل وزيد حابني نقبل بيها تذخل عليا ضرة في عقلك نتا انا نقبل _ضرة بصح ماعندها ماتقضي انا ليك وحدك ماراح نجي هنا لا نشوفها لا تشوفني لا والو حتا تولد وتكمل ربعين نجي خصيصا باه نطلقها هادي هيا باه نسكت باباك وماتوصلش لفضيحة للناس برك _نضت وقفت وقريب طحت حاسة الدنيا دارت بيا حتا حكمت فالحيط .استرجعت توازني ودورت ليه _ يسموك تخليني نروح وتطلقني وهادي زانية ليراح تتزوج بيها مانقبلهاش تدخل عليا ضرة وانا على ذمتك مالا طلقني يارخيييس ياليماتسواش خداااع ماش راجل _ اسكتيييي تحملت رخسك ليا بزاف وانا ساكتلك ودرك يلزم عليك ترضاي وتقبلي وخلاصت الهدرة هدرت بزاف فهمتك صيبو اتقبلي مكتوبك ومع الوقت تنساي وتسامحي بصح باه نسمح فيك ولا نطلقك هادي ماتصراش نتي تبقاي معايا وترضاي ماعندكش حل خلاف_نتا ظهرت راجل مصنطع انا درت فيك ثقة وقفت معاك وصدقت كلشي كنت تقولو هكدا تجازيني بخيانة قاسية نتا ظهرت خداع حتا بمشاعرك وكداب عمرك ماحبيتني كنت غير تمثل برك يا سي مجاهد_انا علاقتي بيك لا ثمثيل لا والو كلشي حقيقة مشاعري ليك حقيقيين وماعيشتكش في كدبة قسما بالله ماكدبت عليك بمشاعري اصلا كيفاه انا ليكنت معاك فالحلوة والمرة وناوي نبني معاك اسرة تقولي عليا ماعنديش مشاعر مستحيل واحد يكون حاب يدير هادو الامور ومايكونش يحبك .
الحلقة 158
بقلم لينا صبرينة
انا ماش نحبك برك انا عشقتك ياخالدة لدرجة حاربت وجاهدت على جالك ماش من جيهة واجب برك من جبهة ثاني مشاعري الصادقة لينحسهم معاك _وي صح ماننكرش بلي طول هاد سنين كنت راجل ونص معايا وجاهدت ووقفت معايا في اصعب اوقاتي وكنت راجل شهم وصارم في مواقفك وعيشتني سلطانة بين يديك ولينطلبها تحضر وكلشي كان مليح منك بصح خيانتك كسرت كلشي يامجاهد بخيانتك كلشي بنيتو معايا وبنتينو انا معاك راحو سدى على جال ثارك وشهوتك خربت كلشي مليح وحلو بيناتنا ورجعت رماد ومستحيل نغفرلك___فات نهار هاداك وغدوا من داك دخلت للكوزينة حتمت على روحي كليت باسكو حسيت روحي فاشلة من قلة الماكلة مابقاتش فيا طاقة حتا مور الظهر وانا نخمم كيفاه نخرج منها روفيا وخالتي مافيهمش أمل يكون محدرهم الف مرة .شفت مع تاقة ونضت فتحتها بصح موحال نرمي روحي ساعتها نموت وتعتبر انتحار وحرام عند ربي _فيساع شفت ولاد صغار تحت الدار يلعبو عيطتلهم حتا طلعو راسهم حاولت نفهمهم باه يروحو لدار جدي يعيطولو يجي بصح ماسمعونيش مليح جيت نعاود حسيت بيد جبدتي لقيتو مجاهد وراح طل ودور ليا واش تفاهمنا علاه راكي حابتني نرجع نتعامل معاك بعقلية خلاف ياك قتلك تصبري معايا وساعتها شوفي كييفاه ترجع حياتنا مليحة حاجة ماتستاهل باه ديري هاد الشيى بالعكس هكدا نتي راكي توضحيلي بلي عمرك ماحبيتيني وكدبتي وقتاه تلقاي حاجة ماش مليحة فيا باه تتهناي مني _خمم كما تحب _رحت قعدت وهو خرج شوي وجاء في يدو حطبات ومسامر ومارطو وراح لتواقي كامل سمرهم باه مانقدرش نزيد نفتحهم وانا رجعت نصوغ في وجهو وهو حامل كلشي نقولو وحاكم يديه ليه. كمل وراح قعد وتكى وغمض عينيه وقالي كيتعبي راكي تسكتي وحدك _عرفتو بلي مجاهد رجع بوجه جديد بارد وجافي وبدون احساس همو الوحيد انو يخلف ثارو وانا نبقى معاه بأي حالة كانت وعندو ثقة زايدة بلي انا ماعندي غيرو ومانقدرش بلا بيه ويجي نهار ونسامحو هكدا راه حاط في راسو _سكت وقعدت نخمم فالحلول ومالقيت والو برك قلت سور كون دار جدي يسمعو بلي مجاهد راح يتزوج نجوى اكييد يجوني يحاولو يستفسرو وزيد ثلفون الخيط تاعو مقطع ماش راح يحكموني وراح يتقلقو باين راح يجو مافيهاش شك __لغدوا لقيت يماه جاتني هو دخلها وهدرت معايا وتحاول تقنع فيا باه نروحو للمدينة بلا مانقاوم وتبرر لوليدها اصلا باينة حاشمة من واش دار ماش عارفة حتا تشوف ليا حتا جات علجية وقاتلي تستاهلي مالقى فيك حاجة تصلح غدرك وجايبلك بنت عمك ليتربات معاك ضرة كنتي تقولي مايديرهاش بصح نسيتي بلي برا لبنات مسمومات وحيليين _نضت نعيط في وجها وطيحت لقدر وسمعنا مجاهد كان قدام لباب خرجها لولا ورجع ليا قالي هادا كلو كيراح نتزوج رجعتي هكدا تلوحي في هاد لكلام تاع العيب ياك شرحتك واش نزيد نزيدلك كتر فهمتك ودرتلك خاطرك وين تلقاي نتيي راجل كيفي مسايسك ومصايرك ومتفهمك _علاه نتا راجل _خاااالدة سكتلك بما فيه الكفاية خلاص حكمي قدرك وماش كيتقولي هكدا تخليني نتراجع قتلك صايي نجوى متزوجها ليوم ولا غدوا محتمة افهمي #### افهمي رانيي تعبت محمتة نعقد على #### ماش محبة فيها مصيبة ورجعت طيحتها على راسي_ خرج ودا معاه يماه وخلاني وليت نخبط فالباب عليه ونعيط بصح لا حياة لمن تنادي شوي ورجعت علجية نسمع فيها مور لباب تقولي .رانا خارجين نشرو جهاز لمجاهد وزيد راح يجيب شمبرة جديدة لتحت لمرتو ونتي موتي بالغزيلة وابقاي محبوسة حمدلله عيشت وشفت هاد ليوم ونتي بلا قيمة خلفت كلشي درتيه معايا من قبل _كيقالت هكدا نصرعت في مخي ولا دمعة طاحت نضت ونخبط فالباب ونسب فيهم حتا كرهت ورحت لحجري وحيدة ميؤوسة.ااقصة كاملة موجودة في صفحة قصص لينا صبرينة . بقيت ساعة وساعتين وانا في هاديك الحالة حتا سمعت مفتاح فالباب بصح طول باه فتح حسبتو هو حتا سمعت صوت رمضان _استغربت و خرجت ليه شاف ليا من فوق لتحت هنا فقت لروحي بلي لابسة جبة مفتوحة من فوق .رجعت لبست عليا خمار سترت روحي ورجعتلو _كيفاه قدرت تجيب لمفاتح وتفحلي وعلاه جيت _حبيت نعاونك ونخرجك من الحبس ليراكي فيه ودوبل لقيتهم فاطونوبيل تاعو شكيتهم هوما هيا أزربي روحي قبل لا يجي _يعطيك الصحة .رحت لبست حجابي فيساع ورحت عندو جيت نخرج وليت تراجعت _وشبيكي هيا قتلك قبل لايطلع كاش واحد وهو يجي _اصبر .رحت لشمبرة فتحت لفاليزة وهزيت ذهبي كانو في ساكة ورجعت ليه _واش هزيتي _اكيد مانيش سارقتك باه تخاف وتسقسي هادو ذهبي نتوما خسرتولي حياتي بصح على الاقل انا بيهم نبني حياتي من جديد ويكونو هوما سندي في وقت الشدة _هههه في اصعب اوقاتك وتخمي فالمادة الله يبارك تعرفي تخمي .تشفاي نهار قتلك نني افعى صح كما قتلك باسكو هاداك نهار تاع الصح عجبتيني في تصرفاتك حسيتك صح مسمومة وتشبهيني فاجأتيني بذكائك الحلو _احكم قدرك _هيا روحي روحي واتولهي يشوفك وربي يسهلك _علاه عاونتني _خمي تفهمي _اواه نتا فيك إن مانيش مرتاحة باه نخرج يكون ملعوب منك _خالدة مانيش فارغ شغل باه نبقى نستناك ودرك تروحي قبل لا يجي مجاهد ولا نرجع نغلق عليك الباب ونروح ييا القرار ليك ماعندكش وقت بزاف _لثواني بقيت عالقة يانجازف ونجرب حظي ونهبط ولا نتراجع ومانصدقش كلامو ومعاونتو الغريبة بصح في كلا الحاليتن نار راح تلهب مع قدري المحتوم.
